کرناٹک میں بجٹ 2020/21 کی تیاریاں، وزیراعلی یڈیورپا نے مسلم نمائندوں کے ساتھ کی میٹنگ

Source: S.O. News Service | Published on 15th February 2020, 12:28 PM | ریاستی خبریں | ان خبروں کو پڑھنا مت بھولئے |

بنگلورو،15/فروری (ایس او نیوز)  کرناٹک کے وزیراعلی بی ایس یڈیورپا وزیرخزانہ کی حیثیت سے5 مارچ کو ریاست کا سالانہ بجٹ پیش کرنے والے ہیں۔ بجٹ کی تیاری کیلئے وزیر اعلی ان دنوں سلسلہ وار میٹنگیں کر رہے ہیں۔ بجٹ کے پیش نظر عوام کے مطالبات کو جاننے کیلئے مختلف طبقوں، مختلف تنظیموں کے نمائندوں کے ساتھ  وزیراعلی کی میٹنگیں جاری ہیں۔ اسی سلسلہ کے تحت وزیراعلی نے ودھان سودھا میں مسلم طبقہ کے نمائندوں کے ساتھ میٹنگ کی۔ اس میٹنگ میں مسلم ارکان اسمبلی،ارکان کونسل، اقلیتی محکموں کے چیرمینوں، افسروں نے شرکت کی۔ سابق ریاستی وزیر آرروشن بیگ نے بھی میٹنگ میں حصہ لیا۔

معاشی گراوٹ کے سبب یہ خبریں گردش کررہی ہیں کہ آنے والے بجٹ میں وزیراعلی مختلف محکموں کے فنڈ میں کٹوتی کر سکتے ہیں۔ مسلم طبقہ کے نمائندوں نے وزیراعلی سے درخواست کی ہے کہ وہ اقلیتی محکمہ کے بجٹ میں کسی بھی طرح کی کٹوتی نہ کریں۔ میٹنگ کے دوران مسلم لیڈروں نے کہاکہ اقلیتی محکمہ کا موجودہ بجٹ تقریبا تین ہزارکروڑ ہے، اس بجٹ کو بحال رکھتے ہوئے حکومت مزید فنڈ ریاست کے نئے بجٹ میں مختص کرے۔ مسلم لیڈروں نے وزیر اعلی سے درخواست کی ہےکہ حکومت اقلیتوں کی تمام اسکیموں کو جاری رکھتے ہوئے نئی اسکیمیں شروع کرے۔ اقلیتی طلبا کی اسکالرشپ کے مسئلہ پر بھی میٹنگ میں گفتگو ہوئی۔

گزشتہ سال کرناٹک میں اقلیتی طلبا کو تاخیر سے اسکالرشپ فراہم کی گئی ہے۔ چند اسکالرشپ کی اسکیموں میں کمی بھی کی گئی ہے۔  اس موقع پر کرناٹک ریاستی وقف بورڈ نے وزیراعلی کو میمورنڈم پیش کیا۔ وقف بورڈ کے چیرمین ڈاکٹر محمد یوسف نے کہاکہ انہوں نے وقف بورڈ کے سالانہ گرانٹ کو125کروڑسے بڑھا کر198کروڑ روپئے کرنے کی تجویز پیش کی ہے۔ وقف املاک کی ترقی کیلئے85کروڑروپئے خصوصی گرانٹ فراہم کرنے کا بھی مطالبہ کیاہے۔ ڈاکٹر محمد یوسف نے کہاکہ ریاستی وقف بورڈ نے وقف اراضی پر غریب خاندانوں کیلئے مکانات کی تعمیر کا منصوبہ بنایا ہے۔ اس منصوبہ کیلئے ہاؤسنگ اسکیم کے تحت75کروڑروپئے فراہم کرنے کی ریاستی حکومت سے مانگ کی گئی ہے۔

وقف بورڈ کے چیرمین نے کہا کہ وقف بورڈ میں خالی138 اسامیوں کو فوری طور پر پُر کرنے کا بھی ریاستی حکومت سے مطالبہ کیاگیا ہے۔ ڈاکٹر محمد یوسف نے کہا کہ وزیراعلی نے وقف بورڈ کے مطالبات پرغور کرنے کا بھروسہ دلایا ہے۔ اس موقع پر بیدر کے شاہین تعلیمی ادارے کے خلاف وطن سے بغاوت کے مقدمہ کو واپس لینے کی بھی مسلم لیڈروں نے وزیراعلی سے درخواست کی۔ سی اے اے مخالف احتجاج کےدوران منگلورو فائرنگ میں ہلاک دو مسلم نوجوانوں کو معاوضہ فراہم کرنے کا بھی حکومت سے مطالبہ کیا گیا۔

میٹنگ کے بعد نیوز18اردو سے بات کرتے ہوئے مسلم ارکان اسمبلی اور ارکان کونسل نے وزیراعلی سے ہوئی ملاقات کو اطمینان بخش قرار دیا۔ رکن کونسل عبدالجبار نے کہا کہ وزیراعلی نے میٹنگ میں بھروسہ دلایا کہ وہ اقلیتوں کے ساتھ پورا انصاف کریں گے۔ واضح رہے کہ کرناٹک میں 14ماہ کی کانگریس۔ جے ڈی ایس مخلوط حکومت کےگرنے کے بعد بی جے پی نے اقتدار کی باگ ڈور سنبھالی ہے۔ چند ماہ پہلے اقتدارحاصل کرنے والی بی جے پی حکومت کا یہ پہلا بجٹ ہے۔

ایک نظر اس پر بھی

منگلورو: شہریت ترمیمی قانون مخالف احتجاج کے دوران ہوئے لاٹھی چارج اور فائرنگ معاملے میں ایف آئی آر درج ہونا چاہیے؛ ہائی کورٹ کا تیکھاتبصرہ

منگلورو میں شہریت ترمیمی قانون کے خلاف19دسمبر2019 کو ہوئے پرتشدد احتجاج کے دوران پولیس کی طرف سے کیے گئے لاٹھی چارج اور فائرنگ کے سلسلے میں کرناٹکا ہائی کورٹ کی ڈیویزن بنیچ کے رکن جسٹس جان مائیکل نے تبصرہ کرتے ہوئے کہا کہ پولیس کوا س معاملے میں ایف آئی درج کرنا چاہیے۔

بنگلور وسٹی پولیس وائٹ فیلڈ کو محفوظ بنانے کیلئے سی سی ٹی وی کی نگرانی

اگر آپ وائٹ فیلڈکے علاقہ میں رہتے ہیں تو جلد ہی آپ بنگلور سٹی پولیس کی نگرانی میں ہوں گے، دراصل ٹیکنالوجی کے مرکز اور علاقہ کو جرائم سے محفوظ بنانے، شرارتوں کو ختم کرنے، عوامی اعلانات کو ممکن بنانے اور مجرموں کو پکڑنے کی کارروائی کو آسان بنانے کے لئے پولیس نے اب خانگی اداروں کا ...

بنگلورو سلک بورڈ جنکشن راہگیروں کے لئے خطرناک

الیکٹرانک سٹی اور شرجاپور میں واقع اپنے دفاتر کو جانے کے لئے بسوں کو پکڑنے کے لئے فٹ پاتھوں پر پیدل چلنے اور سلک بورڈ جنکشن کا استعمال کرنے والے ٹیکیوں کا کہنا ہے کہ، یہاں کی سڑکوں پر سے پیدل چل کر جانا ایک خطر ناک معاملہ ہوتا ہے۔

این آرسی بد عنوانیوں میں اضافہ کا سبب بنے گا

شہر بنگلور میں مزدوروں تنظیموں کے رضاکاروں نے تنبیہ کی ہے کہ مرکزی حکومت کی طرف سے قومی رجسٹر برائے شہریت کے نفاذ کی کوئی بھی کوشش بد عنوانیوں کو ہوا دے سکتی ہے اور ملک بھر میں رشوت ستانی کا ماحول پیدا ہو جائے گا جبکہ غیرب لوگوں کو اپنے دستاویزات بنانے یا انہیں درست کرانے کے لئے ...

بی بی ایم پی صفائی کرمچاریوں کیلئے رہائشی اسکیم بی ڈی اے سے تعمیر شدہ فلیٹ کے حق پترا تقسیم

بروہت بنگلور مہانگر پالیکے (بی بی ایم پی) کے صفائی کرمچاریوں کو رہائش کی سہولت فراہم کرنے بنگلور ڈیولپمنٹ اتھارٹی (جی ڈی اے) کی طرف سے فلیٹ تعمیر کئے جارہے ہیں، ان میں سے چند فلیٹ کے حق پترا آج منتخب صفائی کرمچاریوں میں تقسیم کئے گئے۔

کنڑا میں بات کرنے پر طلباء پر جرمانہ عائد کرنے والے اسکول کی منظوری رد کرنے وزیر تعلیم سے کنڑا اتھارٹی کا مطالبہ

کنڑا ڈیولپمنٹ اتھارٹی کے چیرمین ٹی ایس ناگ بھرنا نے وزیر برائے پرائمری وسکینڈری تعلیم سریش کمار کو مکتوب روانہ کرکے اسکول میں کنڑا میں بات کرنے پر جرمانہ لگانے والے چنسندرا کے ایس ایل ایس انٹرنیشنل گروکل اسکول کی منظوری منسوخ کرنے کا مطالبہ کیا ہے۔

بھٹکل میں ہزاروں فوریسٹ اتی کرم داروں نے ڈپٹی کمشنر کے نام سونپی تکرار عرضی :سالہا سال سے اتی کرم زمین پر رہنے والوں کو منظوری دینے کا مطالبہ

فوریسٹ حقوق قانون کے تحت داخل کی گئی عرضیوں کو قانونی دعوے کے مطابق منظوری دینے کی کارروائی کو فوری طور پر انجام دینے کا مطالبہ کرتے ہوئے   جنگلاتی زمینات کے  اتی کرم داروں نے بدھ کو بھٹکل کرکٹ اکیڈمی میدان میں زوردار مہم چلائی، جس میں پانچ ہزار کے قریب آتی کرم داروں نے ...

کمار سوامی کے ٹویٹ پر ایم پی اننت کمار ہیگڈے کا پلٹ وار: شان وشوکت کی نمائش پر بھی دیوار گرنے کا خوف

امریکن صدر ڈونلڈ ٹرمپ کے بھارت دورے کے موقع پر احمدآباد کے سلم علاقے کی جھگی ۔جھونپڑیوں کو چھپانے کے لئے تعمیر کی جارہی دیوار پر سابق وزیراعلیٰ کماراسوامی نےکڑی تنقید کرتے ہوئے ٹویٹ کیا تھا جس   پر شمالی کینرا کے  رکن پارلیمان اننت کمار ہیگڈے نے پلٹ وار کیا ہے۔

ہندوستان دورہ سے پہلے ہی ڈونالڈ ٹرمپ نے مودی حکومت کو دیا جھٹکا

امریکی صدر ڈونالڈ ٹرمپ 24 فروری کو بھارت   کے دو روزہ دورہ پر آرہے ہیں، ان کی آمد پر ایسی امیدیں لگائی جا رہی تھیں کہ ٹرمپ اس دورہ کے دوران ہندوستان کے ساتھ کچھ بڑے تجارتی معاہدے کریں گے، لیکن امریکی میڈیا سے گفتگو  کرتے ہوئے انھوں نے ایسی تمام  امیدوں پر پانی پھیر دیا ہے۔ ...

  اور اب کرونا وائرس سے ہلاکت 1868 سے پار !!! متاثرہ افراد کی مجموعی تعداد 72 ہزار 436 تک پہنچی

چین میں کرونا وائرس سے مزید 98 افراد کی ہلاکت کے بعد اس وائرس سے مرنے والوں کی مجموعی تعداد 1868 ہو گئی ہے۔چین کے محکمہ نیشنل ہیلتھ کے مطابق منگل تک کرونا وائرس کے مزید 1886 نئے کیسز سامنے آئے ہیں۔ وائرس سے متاثرہ افراد کی مجموعی تعداد 72 ہزار 436 تک پہنچ چکی ہے جن میں بیشتر کا تعلق صوبہ ...

مینگلور: بس میں سفر کے دوران خاتون مسافر کے ساتھ جنسی زیادتی کرنے والا کنڈکٹر گرفتار؛ پتور بس ڈپو سے ہے کنڈکٹر کا تعلق

خاتون مسافر کے ساتھ جنسی زیادتی کرنے کے الزام میں ایک کے ایس آر ٹی سی بس کنڈکٹر کو  گرفتار کرلیا گیا ہے اور عدالت میں پیش کرتے ہوئے اُسے  جوڈیشیل کسٹڈی میں بھیج دیا گیا ہے۔ گرفتار شدہ کنڈکٹر کی شناخت پتور بس ڈپو سے منسلک ایسوبو علی کی حیثیت سے کی گئی ہے۔

مودی، یوگی، شاہ کے خلاف مبینہ بیان بازی کے الزام میں مولانا توقیر رضا پر مقدمہ

وزیر اعظم نریندر مودی، وزیر داخلہ امیت شاہ اور اترپردیش کے وزیر اعلیٰ یوگی آدتیہ ناتھ کے خلاف مبینہ قابل اعتراض بیان دینے کے الزام میں اتحاد ملت کونسل (آئی ایم سی) کے سربراہ مولانا توقیر رضا کے خلاف پولیس نے مقدمہ درج کیا ہے۔