کرناٹک: بی ایس پی ارکان اسمبلی کمارسوامی کے حق میں ووٹ کریں گے:مایاوتی

Source: S.O. News Service | By Shahid Mukhtesar | Published on 22nd July 2019, 12:30 PM | ریاستی خبریں |

بنگلورو،22؍جولائی (ایس او نیوز؍ایجنسی) کرناٹک میں کانگریس اورجے ڈی ایس کی مخلوط حکومت رہے گی یا جائے گی اس کا فیصلہ آج ہو جائے گا ۔ برسر اقتدار اتحاد کے ارکان اسمبلی کو بی جے پی ٹوڑنے کی کوشش کر رہی ہے لیکن اس بیچ بی ایس پی سپریموں نے کہا ہے کہ اس کی پارٹی کے ارکان اسمبلی کمارسوامی حکومت کے حق میں ہی ووٹ ڈالیں گے ۔ یہ خبر وزیر اعلی کمارسوامی کے لئے بہت راحت کی خبر ہے ۔

بی ایس پی سپریمو ں مایاوتی کے ٹویٹر ہینڈل سے پیغام آیا ہے کہ ’’بی ایس پی کی قومی صدر مایاوتی جی نے کرناٹک میں اپنے بی ایس پی کے ارکان اسمبلی کو وزیر اعلی کمارسوامی کی حکومت کے حق میں ووٹ دینے کی ہدایت دی ہے‘‘۔واضح رہے کانگریس اور جے ڈی ایس کی مخلوط حکومت سے 18 ارکان اسمبلی حمایت واپس لے چکے ہیں ۔ ان 18 ارکان اسمبلی میں سے 16 کا تعلق کانگریس اور جے ڈی ایس سے ہے جبکہ دو آزاد ارکان اسمبلی ہیں ۔

اس بات کے قوی امکان ہیں کہ آج کرناٹک اسمبلی میں ووٹنگ ہو جائے۔واضح رہے اس سے قبل جمعرات اور جمعہ کو اعتماد کی تحریک پر بحث ہوئی تھی اور ہنگامہ کی جہ سے ووٹنگ نہیں ہو پائی تھی ۔ اس سارے معاملہ میں ارکان اسمبلی سپریم کورٹ اور گورنر کا دروازہ کھٹکا چکے ہیں ۔ بی جے پی نہ صرف اس سارے معاملہ کے خالف مظاہرے کر رہی ہے بلکہ اس کے ارکان اسمبلی نے ایک رات ایوان میں سو کر گزاری ہے۔ بی جے پی کسی بھی طرح اقتدار پر قبضہ کرنا چاہتی ہے ۔ اتحاد کے کئی ارکان اسمبلی ممبئی کے ایک ہوٹل میں رہ رہے ہیں اور خبریں یہ ہیں کہ وہ سب بی جے پی کے اشارے پر ہی بغاوت پر اترے ہوئے ہیں ۔

کرناٹک اسمبلی میں 224 سیٹیں ہیں جس میں سے کانگریس کے 79، جے ڈی ایس کے 37 ، بی جے پی کے 105 ارکان اسمبلی ہے ۔ کانگریس، جے ڈی ایس اور بی ایس پی ملکر اتحاد کی حکومت چلا رہے ہیں اب 16 ارکان کی بغاوت کے بعد یہ حکومت اقلیت میں آ گئی ہے اور اس اتحاد کا دعوی ہے کہ یہ بغاوت بی جے پی نے کرائی ہے۔

ایک نظر اس پر بھی

منگلور انڈیانا اسپتال میں 'کی ہول سرجری ٹوی' سے دل کا والو کامیابی کے ساتھ تبدیل؛ اوپن ہارٹ سرجری کی اب ضرورت نہیں

انڈیا اسپتال میں ڈاکٹر یوسف کمبلے کی قیادت میں ڈاکٹروں کی ایک ٹیم نے مریض کے دل کا والوvalve) (بدلنے کے لئے جدید ترین طریقہ ’ٹوی‘ کا استعمال کیا اور کی ہول سرجری کے ذریعے ’شہ رگ‘ (aorta)کے خراب والو کو نئے والوسے بدلنے میں پوری طرح کامیاب رہے۔

نما میٹرو کے ٹریک اور اسٹیشنوں پر حفاظتی انتظامات میں اضافہ کا مطالبہ

نما میٹرو بنگلورکے لاکھوں شہریوں کے لئے ایک انعام ضرور ہو سکتا ہے مگر اس کی اپنی کچھ خرابیاں بھی ہیں،خاص طور پر میٹرو کے اسٹیشنوں اور اس کی ٹریک پر حفاظتی نقطہ نظر سے کچھ مسائل حالیہ دنوں میں سامنے آئے ہیں۔

کیا سدارامیا نے جنگ ختم ہونے سے پہلے ہی ہتھیار ڈال دیئے، بی جے پی حکومت کو مستحکم قرار دے کر اپوزیشن لیڈر نے کانگریس کی شکست تسلیم کرلی؟

ریاستی اسمبلی سے نا اہل قرار پانے والے 17اراکین اسمبلی میں سے15کے حلقوں میں ضمنی انتخابات کے لئے پولنگ کا عمل جمعرات کے روز پورا ہو گیا۔ان انتخابات کو ریاست کے لئے اگلے تین سال کی سیاست کی روش طے کرنے والے سمجھا جا رہا ہے۔

15/حلقوں میں 66.25 فی صد پرامن پولنگ، حکمران بی جے پی کو 9/سیٹیں مل سکتی ہیں۔ شیواجی نگر سے رضوان ارشد کی جیت کا امکان۔ ایگزٹ پول کا دعویٰ

ریاست کے 15/اسمبلی حلقوں میں ضمنی انتخابات کے لئے آج ہوئی پولنگ کی کارروائی شام 6/بجے مکمل ہوگئی۔ الیکٹرانک ووٹنگ مشینوں (EVMS) کو اسٹرانگ رومس منتقل کردیاگیا ہے۔ 9/دسمبر کو ووٹوں کی گنتی ہوگی۔

یلاپور ضمنی انتخاب:بغیر قانونی دستاویزات والی 1.02کروڑ روپے نقدی اور 4.18لاکھ مالیت کی شراب اور منشیات ہوئی ضبط

یلاپور ضمنی انتخاب کے پس منظر میں پورے ضلع شمالی کینرا کے اندر انتخابی ضابطہ اخلاق لاگو کیا گیا ہے۔ 5دسمبر کو ہونے والے انتخاب کی تشہیری مہم بھی اپنے اختتام کو پہنچ چکی ہے۔