ایڈی یورپا حکومت کے خلاف تحریک عدم اعتماد پیش۔ حکومت اکثریت ثابت کرے گی، اشوک کا دعویٰ۔وزیر اعلیٰ کو مستعفی ہوجانا چاہئے:سدارامیا

Source: S.O. News Service | Published on 25th September 2020, 8:42 PM | ریاستی خبریں |

بنگلورو،25؍ستمبر(ایس او  نیوز) اپوزیشن کانگریس لیڈر سدارامیا نے وزیر اعلیٰ بی ایس ایڈی یورپا کی قیادت والی بی جے پی حکومت کے خلاف آج ریاستی اسمبلی میں تحریک عدم اعتماد نوٹس پیش کردیا ہے۔

اسمبلی اسپیکر ویشویشور ہیگڈے کاگیری نے لجس لیٹیو اسمبلی کے رولس کی دفعہ167کے تحت اس تحریک کو قبول کرلیا ہے اور کہا کہ اس نوٹس پر بحث کے لئے تاریخ اور وقت ہفتہ تک فراہم کی جائے گی۔ دریں اثناء سدارامیا نے اس نوٹس پر ترجیحی بنیاد پر بحث کا وقت دینے کا مطالبہ کیا ہے۔

انہوں نے کہا کہ ریاستی کابینہ پر اراکین اسمبلی کو اعتماد نہیں رہا اس لئے ایوان میں تحریک عدم اعتماد نوٹس دیا گیا ہے۔ انہوں نے کہا کہ وزیر اعلیٰ کو مستعفی ہوجانا چاہئے اور ایڈی یورپا اورکابینہ کے تمام وزراء کواپنے گھروں کو واپس جانا چاہئے۔

اس تحریک عدمِ اعتماد پر اعتراض کرتے ہوئے وزیر مالگزاری آر۔ اشوک نے کہا کہ بی جے پی کو اکثریت ثابت کرنے کا اعتماد ہے۔ انہوں نے دعویٰ کیا کہ کانگریس کے اراکین اسمبلی بی جے پی میں شامل ہوجائیں گے۔ ان حالات میں اپوزیشن کیسے حکومت کے خلاف نوٹس دے سکتا ہے۔

اس مرحلہ پر اشوک کو آڑے ہاتھوں لیتے ہوئے سدارامیا نے کہا کہ یہ نوٹس اس لئے دیا گیا ہے کیونکہ بی جے پی کے چند اراکین اسمبلی بھی اس کے پس منظر میں ہیں خلاف تحریک عدم اعتماد پیش کردیا گیا ہے۔ تو اس حکومت کو ایوان میں اعتماد کا ووٹ حاصل کرنا ہوگا۔

دریں اثناء سینئر کانگریس لیڈر ایچ کے پاٹل نے اسپیکر پر دباؤ ڈالا کہ اس وقت ایوان میں کسی بھی اہم بل کو متعارف نہ کرنے کو یقینی بنائیں۔ جو ایوان میں تحریک عدم اعتماد پیش کیا جاچکا ہے۔ تو کسی بھی بل پر بحث نہیں ہوسکتی اس لئے ایوان میں کسی بھی اہم بل کو متعارف نہ کریں۔

قبل ازیں آج صبح ودھان سودھا میں سدارامیا کی صدارت میں منعقدہ سی ایل پی اجلاس میں ایڈی یورپا حکومت کے خلاف اسمبلی میں تحریک عدم اعتماد پیش کرنے کا فیصلہ کیا گیا تھا۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔