ریاستی حکومت کا 1610 کروڑ راحت پیاکیج کا اعلان؛ دھوبی،نائی، آٹو، ٹیکسی ڈرائیورس کو 5 ہزار روپئے معاوضہ فراہم کرنے کا فیصلہ
بنگلورو، 7/مئی (ایس او نیوز/ آئی این ایس انڈیا)کرناٹک حکومت نے کورونا وائرس کو پھیلنے سے روکنے کے لئے لگائے گئے لاک ڈاؤن کی وجہ سے پریشان لوگوں کو راحت دینے کے لئے 1610 کروڑ روپئے کے پیکیج کااعلان کیا۔
ریاستی حکومت نے کسانوں، ہبنکروں، پھولوں کی کھیتی کرنے والوں، دھوبیوں، نائی، آٹو اور ٹیکسی ڈرائیوروں سمیت دیگر کو ذہن میں رکھتے ہوئے اس امدادی پیکیج کا اعلان کیا ہے۔
کرناٹک حکومت نے 11 فیصد آبکاری / ایکسائز ڈیوٹی کے اضافے کا اعلان کیا، جو بجٹ میں اعلان کئے گئے چھ فیصد کیاضافے کے علاوہ ہے۔اس ریلیف پیکج کے تحت پھول کی کاشت کرنے والوں کو فی ہیکٹر 25000 روپے کی امدادملے گی۔ دھوبی اور نائی کو یکمشت 5000 روپے معاوضہ دیا جائے گا۔ آٹو اور ٹیکسی ڈرائیوروں کو ایک یکمشت5000 روپے کی رقم دی جائے گی۔ تعمیراتی کارکنوں کو 3000 روپے ملیں گے۔ انہیں پہلے دو ہزار روپے ادا کیا چا چکا ہے۔