بنگلورو،2؍مارچ(ایس او  نیوز) طلبہ وطالبات کی زندگی کا ٹرننگ پوائنٹ پی یو سی دوم امتحان میں ریاست کے 1,013 امتحانی مراکز میں طلباء نے اپنے پہلے پرچہ کا امتحان لکھا ۔ پہلے دن صبح 10:15بجے پر امتحان کا آغاز ہوا ۔ 6لاکھ سے زیادہ طلباء نے امتحان میں حصہ لیا ہے۔ وزیر اعلیٰ ایچ ڈی کمارسوامی نے تمام امتحانی مراکز کے باہر معقول پولیس بندوبست کرنے کی متعلقہ افسروں کو ہدایت دی ہے۔ امتحانی مراکز میں دھاندلیوں کی روک تھام کو یقینی بنانے 2,026افراد پر مشتمل خصوصی اسکواڈ تشکیل دیا گیا ہے۔ اس مرتبہ اس امتحان میں شرکت کرنے والے طلبا کیلئے کے ایس آر ٹی سی اور بی ایم ٹی سی بسوں میں مفت سفر کرنے کی سہولت فراہمکی گئی ہے۔