وزیر اعظم کی ذاتی زندگی کونشانہ بنانے پر ضمیر احمد خان کے خلاف الیکشن کمیشن میں بی جے پی کی شکایت

Source: S.O. News Service | By Shahid Mukhtesar | Published on 22nd April 2019, 11:01 AM | ریاستی خبریں |

بنگلورو،22؍اپریل (ایس او نیوز ) ریاستی وزیر برائے اقلیتی امور ،اوقاف ، حج اور غذا وشہری رسدات بی زیڈ ضمیراحمد خان کے ہاویری میں کانگریس امیدوار ڈی ۔ آر پاٹیل کے انتخابی ریلی کے دران وزیر اعظم نریندر مودی کے خلاف بیان دینے پر بھارتیہ جنتا پارٹی ( بی جے پی ) نے انتخابی کمیشن میں شکایت کی ہے ۔ بی جے پی کے ریاستی انتخابی کمیٹی کے کنوینر دتا گروہیگڈے نے بتایا کہ ضمیر احمد نے ہاویری میں انتخابی ریلی کے دوران وزیر اعظم کے خلاف جو بیان دیا تھا اس کومختلف نیوز چینلس میں نشر کیا گیا ہے ۔ بتایا کہ وزیر موصوف نے وزیر اعظم کی ذاتی زندگی کو نشانہ بنایا ہے ۔ یہ انتخابی ضابطہ اخلاق کے خلاف ہے ۔ پارٹی نے اس بیان کو سنجیدگی سے لے کر ریاستی انتخابی کمیشن سے شکایت کی ہے اور گزارش کی ہے کہ وہ ضمیر احمد کے خلاف قانونی کارروائی کریں۔ اس کے علاوہ مزید انتخابی ریلی اورمہم میں شرکت پر پابندی عائد کریں۔

ایک نظر اس پر بھی

آئی ایم اے کیس کی ایس آئی ٹی جانچ تقریباً مکمل، 9ستمبر کو چارج شیٹ ممکن

کروڑوں روپے کے آئی ایم اے فراڈ کیس کی جانچ میں لگی ریاستی پولیس کی خصوصی تحقیقاتی ٹیم(ایس آئی ٹی) اس معاملے میں 9ستمبر کو چارج شیٹ دائر کرنے کی تیاری میں لگی ہے تو دوسری طرف اس کیس کی جانچ ابھی ابھی اپنے ماتحت لینے والی مرکزی تحقیقاتی ایجنسی سی بی آئی کی طرف سے اس کیس میں ایک سابق ...

ایڈی یورپا کو پارٹی ہائی کمان کی تنبیہ۔ وزارتی قلمدان تقسیم کرو یا پھر اسمبلی تحلیل کرو

عتبر ذرائع سے ملنے والی خبر کے مطابق بی جے پی ہائی کمان نے وزیراعلیٰ کرناٹکا ایڈی یورپا کو تنبیہ کرتے ہوئے کہا ہے کہ وزارتی قملدانوں سے متعلق الجھن اور وزارت سے محروم اراکین اسمبلی کے خلفشار کو جلد سے جلد دور کرلیں ورنہ پھر اسمبلی کو تحلیل کرتے ہوئے از سرِ نو انتخابات کا سامنا ...

اے پی سی آر نے داخل کی انسداددہشت گردی قانون میں ترمیم کے خلاف سپریم کورٹ میں اپیل

مرکزی حکومت نے انسداد دہشت گردی قانون یو اے پی اے میں جو حالیہ ترمیم کی ہے اور کسی بھی فرد کو محض شبہات کی بنیاد پر دہشت گرد قرار دینے کے لئے تحقیقاتی ایجنسیوں کو جو کھلی چھوٹ دی ہے اسے چیلنج کرتے ہوئے ایسوسی ایشن فار  پروٹیکشن آف سوِل رائٹس (اے پی سی آر) نے سپریم کورٹ میں اپیل ...