کارکلا: سرکاری اسپتال میں ہوئی ایک خاتون کی موت ۔ گھر والوں نے پولیس اور اسپتال پر لگایا کوتاہی کا الزام

Source: S.O. News Service | Published on 11th May 2021, 11:16 AM | ساحلی خبریں |

کارکلا ،11؍ مئی (ایس او نیوز) سینہ میں درد کے ساتھ کارکلا سرکاری اسپتال میں داخل کی گئی منجولا نامی خاتون کی موت واقع ہوگئی، جس کے بعد فوت شدہ خاتون کے کے گھر والوں نے پولیس اور اسپتال کے ڈاکٹروں کو اس موت کا ذمہ دار ٹھہرایا ہے۔

کارکلا کے نلّور کی رہنے والی منجولا(38سال) کی چھوٹی بہن نے الزام لگایا ہے کہ منجولا نے کل 10 مئی کی صبح میں سینہ میں درد کی شکایت کی۔ جب اس کو کارکلا سرکاری اسپتال لے جایا جانے لگا تو چیک پوسٹ پولیس والوں نے لاک ڈاون کا حوالہ دیتے ہوئے انہیں آگے جانے سے روکا۔ جب گھر والوں نے منجولا کی طبیعت خراب ہونے کی بات کی اور سرکاری اسپتال جانے پر اصرار کیا تو پولیس نے اس پر توجہ نہیں دی اور واقعی طبیعت خراب ہونے کی صورت میں 108ایمبولینس کا استعمال کرنے کی ہدایت دیتے ہوئے انہیں واپس بھیج دیا۔ مگر وہ لوگ کسی طرح اندرونی راستے سے سرکاری اسپتال پہنچ گئے جس میں کافی وقت لگ گیا۔ پھر اسپتال میں مریض کو علاج فراہم کرنے میں بھی تاخیر کی گئی اور پولیس کے علاوہ اسپتال کے ڈاکٹروں اور عملہ کی طرف سے ہوئی کوتاہی  کی وجہ سے منجولا کی موت واقع ہوگئی۔

پولیس کی وضاحت :منجولا کے گھر والوں کی طرف سے لگائے گئے الزام کو مسترد کرتے ہوئے سرکل پولیس اسنپکٹر سمپت کمار نے وضاحت کی ہے کہ منجولا کی موت اور ٹریفک پولیس کی کارروائی کے بیچ میں کوئی تعلق نہیں ہے۔ منجولا کے گھر والوں نے اسے  کارکلا کے ایک پرائیویٹ نرسنگ ہوم میں داخل کروایا تھا۔ وہاں پر دو گھنٹہ تک علاج کی کوشش ناکام ہونے اور طبیعت بہت زیادہ بگڑنے کے بعد وہ لوگ منجولا کو سرکاری اسپتال لے گئے تھے۔ وہاں کووڈ ٹیسٹ کی کارروائی کے دوران اس کی موت واقع ہوئی۔ محکمہ پولیس کی طرف سے ان لوگوں کے سفر میں کوئی رکاوٹ پیدا نہیں کی گئی تھی۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...