کپل سبل بولے- کیا وائیکو کی عرضی کی وجہ سے فاروق عبداللہ پر لگایا گیا پی ایس اے 

Source: S.O. News Service | Published on 17th September 2019, 7:25 PM | ملکی خبریں |

نئی دہلی،17/ستمبر(ایس او نیوز/ آئی این ایس انڈیا) جموں و کشمیر کے سابق وزیر اعلیٰ فاروق عبداللہ کو پبلک سیفٹی ایکٹ(پی ایس اے) کے تحت حراست میں لئے جانے کو لے کر حکومت پر تنقید کرتے ہوئے کانگریس کے سینئر لیڈر کپل سبل نے سوال کیا کہ کیا راجیہ سبھا رکن وائیکو کے سپریم کورٹ میں عرضی دائر کرنے کی وجہ سے حکومت کو یہ قدم اٹھانا پڑا۔سبل نے ٹویٹ کر کہاکہ (عبداللہ کو نظربند کرنے کے) 43 دنوں کے بعد اب پی ایس اے لگایا گیا۔پہلے بی جے پی نے کہا تھا کہ جموں و کشمیر کے 92 فیصد لوگ آرٹیکل 370 کے ہٹانے کے حق میں ہیں اور حالات معمول پر ہیں۔پارلیمنٹ میں داخلہ امت شاہ کے بیان کا ذکر کرتے ہوئے سبل نے کہاکہ امت شاہ نے پارلیمنٹ میں کہا کہ فاروق عبداللہ کو نہ تو حراست میں لیا گیا ہے اور نہ ہی گرفتار کیا گیا ہے۔ انہوں نے سوال کیاکہ اگر اس وقت پبلک سیفٹی کا کوئی خطرہ نہیں تھا تو اب کیوں ہے؟ کیونکہ وائیکو نے عرضی دائر کر دی؟ دراصل عبداللہ کی حراست کو لے کر وائیکو نے سپریم کورٹ میں عرضی دائر کی جس پر مرکزی حکومت سے ایک ہفتے میں جواب مانگا گیا ہے۔ادھر جموں و کشمیر کے انتظامیہ نے پیر کو کہا کہ عبداللہ کو پی ایس اے کے تحت حراست میں لیا گیا ہے۔پی ایس اے کے تحت کسی بھی شخص کو بغیر کسی مقدمے کے دو سال تک حراست میں رکھا جا سکتا ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...