اپوزیشن کو کھلنایک کی طرح پیش کرنے سے مودی کو کس بی جے پی لیڈر نے روکا: کپل سبل

Source: S.O. News Service | By Shahid Mukhtesar | Published on 24th August 2019, 5:30 PM | ملکی خبریں |

نئی دہلی، 24اگست(ایس ا ونیوز/آئی این ایس انڈیا) وزیر اعظم نریندر مودی کو ہمیشہ کھلنایک کی طرح پیش نہ کرنے کا مشورہ دینے والے کانگریس کے کئی رہنماؤں پر اشاروں اشاروں میں طنز کرتے ہوئے پارٹی کے سینئر لیڈر کپل سبل نے آج کہا کہ بی جے پی کے کس لیڈر نے وزیر اعظم کو اپوزیشن کے لیڈروں کو غلط طریقے سے پیش کرنے سے روکا۔سبل نے ٹویٹ کیاکہ بی جے پی کا کون سا لیڈر کھڑا ہوا اور عوامی طور پر وزیر اعظم اور ان کی پارٹی کو مشورہ دیا کہ وہ اپوزیشن اور اس کے لیڈروں کوکھلنایک کی طرح پیش کرنا بند کریں؟۔ سبل کا یہ تبصرہ اس وقت آیا ہے، جب پارٹی کے سینئر لیڈر جے رام رمیش نے کہا کہ مودی کو ہمیشہ کھلنایک کی طرح پیش نہیں کرنا چاہئے اور پارٹی کے دو دیگر سینئر لیڈروں ابھیشیک منو سنگھوی اور ششی تھرور نے ان کی حمایت کی۔کانگریس کے ان لیڈروں نے کہا تھا کہ اس شخص کی نہیں، بلکہ حکومت کی پالیسیوں اور غلطیوں پر تنقید ہونی چاہیے۔پارٹی کے سینئر رہنماؤں کے ان تبصرے کے بارے میں پوچھے جانے پر کانگریس کے ترجمان منیش تیواری نے جمعہ کو کہا کہ اس بارے میں بیان دینے والے رہنماؤں سے ہی سوال کیا جائے۔انہوں نے کہاکہ میں آپ سے (میڈیا) یہ درخواست کرنا چاہتا ہوں کہ ان کے بیان پر اگر آپ کو کوئی جواب نہیں چاہئے تو وہ جواب ان سے لیں۔جہاں تک کانگریس پارٹی کا سوال ہے، تو اس کا یہ ماننا ہے کہ اس ملک میں بہت پیچیدہ اقتصادی بحران ہے اور اس اقتصادی بحران سے کروڑوں لوگ بے روزگار ہو رہے ہیں۔
 

ایک نظر اس پر بھی