کرناٹک میں سی بی ایس ای اور آئی سی ایس ای اسکولوں میں ’کنڑا ‘لازمی : وزیر تعلیم شری نواس نے دیا اسکولوں کو انتباہ

Source: S.O. News Service | By Abu Aisha | Published on 28th June 2019, 10:15 PM | ساحلی خبریں | ریاستی خبریں |

بھٹکل:28؍جون(ایس اؤ نیوز)سی بی ایس ای اور آئی  سی ایس ای نصاب والے اسکولوں میں ریاستی زبان کنڑا  بطور ایک زبان کے پڑھانا لازمی ہوگا، اگر اس کو کسی اسکول میں لاگو نہیں کیا گیا یا اس  میں کوئی کمی یا غفلتی دیکھی گئی تو متعلقہ علاقوں کے بی ای اؤ اور ڈی ڈی پی آئی کو ہی ذمہ دار گردانتے ہوئے سخت کارروائی کی جائے  گی، اس بات کا انتباہ ریاستی وزیر تعلیم برائے پرائمری اور ہائی اسکول ایس آر شری نواس نے  دیا ہے۔ 

اپنی وزارت کا حلف لینے کے بعد اخبارنویسوں سے گفتگو کرتے ہوئے وزیر تعلیم نے بتایا کہ انہیں خبر ملی ہے کہ بعض اسکولوں میں اس قانون کا اطلاق نہیں ہورہا ہے، جس کی جانکاری لی جا رہی ہے۔ وزیر تعلیم نے یہ بھی بتایا کہ انہیں اس بات کی بھی اطلاع ملی ہے کہ کچھ اسکول ریاستی نصاب کے تحت سرکاری منظوری لے کر مرکزی نصاب پڑھا رہے ہیں، انہوں نے کہا کہ وہ ہر ضلع کا دورہ کرنے والے ہیں، جس کے دوران چند اسکولوں کا بھی معائنہ ہوگا، اگر اس دوران اس طرح  کی کوئی بات سامنے آئی   تو کارروائی یقینی ہوگی۔

وزیر اعلیٰ نے ریاست میں اب انگریزی میڈیم اسکولوں کو بھی شروع کرنےکی منظوری دی ہے اوربتایا گیا ہے کہ  تجربے کے طورپر ایک تعلقہ کے 4سے 5 اسکولو ں میں انگریزی میڈیم سے تعلیم بھی شروع کی جاچکی  ہے، اب اس کو مزید وسعت دینےکی مانگ بھی ہورہی ہے ، انہوں نے بتایا کہ اس سلسلے میں غوروفکر کرنے کے بعد اگلے تعلیمی سال سے انگریزی میڈیم اسکولوں کی تعداد میں اضافہ کرنے اقدامات اٹھائے جائیں گے۔ اس کے ساتھ ساتھ کنڑا میڈیم اسکولوں کے بند ہونے کی شرح میں بھی اضافہ ہورہاہے، اس کے انسداد کے لئے بھی مناسب اقدام کئے جانے کی انہوں نے جانکاری دی۔ 

خیال رہے کہ جولائی 2017میں بھی اس وقت کی ریاستی حکومت نے سرکلر جاری کرتے ہوئے کہاتھا کہ سی بی ایس ای اور آئی سی ایس ای اسکولوں میں کنڑا لازمی ہوگا۔  وزیر تعلیم تنویر سیٹھ نے کہا تھا کہ  کنڑا ترقی بورڈ کی رپورٹ پر یہ فیصلہ لیاگیا ہے، جس کو نافذ کرنے کے علاوہ اسکولوں کے لئے کوئی چارہ نہیں ہوگا۔

شری نواس نے بتایا کہ کنڑا ریاستی زبان ہے، اور ایجوکیشن ایکٹ  میں ترمیم کرتے ہوئے تمام اسکولوں میں کنڑا کو لازمی کیا گیا ہے۔ 

واضح رہے کہ ریاست کی کئی سی بی ایس ای اور آئی سی ایس ای اسکولوں نے حکومت کے اقدام کی مخالفت کی تھی ۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔