اُڈپی: پولیس کے ذریعے کنڈلور کے نوجوان کی پیٹائی۔تحقیقات کے لئے اے پی سی آر نے دیا ایس پی کو میمورنڈم 

Source: S.O. News Service | Published on 26th July 2020, 12:32 PM | ساحلی خبریں |

کنڈلور،26؍جولائی (ایس او نیوز) پولیس کے ذریعے مبینہ طور پر کنداپور تعلقہ کے کنڈلور میں رہنے والے بی ایچ عبداللہ (26سال) کی پیٹائی کرنے اور اس کے ہاتھ اور پاؤں میں فریکچر کا سبب بننے والے معاملے کا سخت نوٹس لیتے ہوئے ایسوسی ایشن فار پروٹیکشن آف سول رائٹس (اے پی سی آر) نے اڈپی پولیس سپرنٹنڈنٹ کو ایک میمورنڈم دیا ہے اور مطالبہ کیا ہے کہ اس معاملے کی تحقیقات کی جائے اور خاطی پولیس افسران کے خلاف کارروائی کی جائے۔

بتایا جاتا ہے کہ عبداللہ اپنی روزی روٹی کمانے کی نیت سے 18جولائی کو رات 4بجے کے قریب کشتی پر سوار ہو ر گُلواڈی کی ندی میں مچھلیاں پکڑنے گیاہواتھا۔اس وقت کنڈلور دیہی پولیس اسٹیشن کے سب انسپکٹر نے عبداللہ کو روک کر اس سے پوچھ تاچھ کی۔ مچھلیاں پکڑنے کے لئے گھر سے نکلنے کی بات کہنے کے بعد بھی ایس آئی نے گالیاں بکتے ہوئے اپنی لاٹھی اور لوہے کی سلاخ سے عبداللہ کو اتنا پیٹا کہ اس کے ایک ہاتھ اور ایک پیر میں فریکچر آگئے ہیں۔

اے پی سی آر کے ضلع صدر حسین کوڈی بینگرے نے ایس پی کو دی گئی اپنی شکایت میں کہا ہے کہ ایس آئی نے عبداللہ کو پیٹنے کے بعد یہ دھمکی بھی دی تھی کہ اگریہ بات کسی کو بتائی یا پھر عدالت میں جانے کی کوشش کی تو اس کاانجام بہت برا ہوگا۔انہوں نے اس پورے واقعے کی مناسب جانچ کرنے اور خطاکاروں کے خلاف سخت کارروائی کا مطالبہ کیا ہے۔ اے پی سی آر نے ریاستی چیف سیکریٹری، ڈی جی پی، آئی جی پی، چیف جسٹس ہائی کورٹ، اقلیتی کمیشن اور ریاستی ہیومن رائٹس کمیشن کو بھی اپنی شکایت بھیجی ہے، اور جلد از جلد اس معاملے کی تحقیقات کا مطالبہ کیا ہے۔

ایک نظر اس پر بھی

کاروار: سائنس اور انجنئیرنگ میں پی ایچ ڈی کےلئے کرناٹک حکومت کی طرف سے اسکالرشپ

حکومت کرناٹکا کے محکمہ سائنس اور ٹکنالوجی کے ڈی ایس ٹی سائنس اور انجنئیرنگ میں پی ایچ ڈی (تحقیق) کے لئے ڈی ایس ٹی ۔پی ایچ ڈی  اسکالرشپ نامی پروگرام خود مختار ادارے کرناٹکا سائنس اور ٹکنالوجی ترغیب سوسائٹی کے ذریعے نافذ کیا جارہاہے۔

منگلورو میں پولیس فائرنگ کےردعمل میں نوجوانوں نے کیا تھا ہیڈ کانسٹیبل پر حملہ ۔ پولیس کمشنر کا بیان

سٹی پولیس کمشنر این ششی کمار نے ایک پریس کانفرنس کے دوران بتایا کہ گزشتہ سال دسمبر میں چترا ٹاکیز کےقریب پولیس ہیڈ کانسٹیبل پر جو حملہ کیا گیا تھا وہ دراصل شہریت ترمیمی قانون کے خلاف احتجاج کے دوران منگلورو میں پھوٹ پڑنے والے فساد کے بعد پولیس کی فائرنگ سے جو دو ہلاکتیں ہوئی ...

منگلورو: گئو رکھشکوں پر دائر مقدمات واپس لیے جائیں گے۔ وزیر مویشی پالن کی یقین دہانی

وزیر برائے مویشی پالن پربھو چوہان نے ضلع انتظامیہ کےساتھ جائزاتی میٹنگ کےبعد پریس کانفرنس سے خطاب کرتے ہوئے کہا کہ گئو رکھشکوں کے خلاف جو مقدمات درج کیے گئے ہیں، ریاستی حکومت کی طرف سے وہ مقدمات واپس لیے جائیں گے۔

کاروار: صحافی شیشگیری نے کیا سمندر میں 12کلو میٹر تک ڈونگی پر تنہا سفر؛ موبائل پر وقت گذاری کے بجائے کھیل کود اورایڈوینچر اسپورٹس کی طرف توجہ دینے نوجوانوں سے کی اپیل

 کاروار سے دگ وجئے نیوز کی رپورٹنگ کرنے والے بھٹکل سے تعلق رکھنے والے صحافی شیشگیری منڈلی نے کیاک پر بحیرہ عرب میں تقریباً 12کلومیٹر تک تنہا سفر کرتے ہوئے ایڈوینچر اسپورٹس میں اپنی دلچسپی کا کامیاب مظاہرہ کیا۔