رکن اسمبلی گنیش کو مشروط ضمانت
بنگلورو،24؍اپریل (ایس او نیوز؍یواین آئی)ہائی کورٹ نے آج کمپلی حلقہ اسمبلی کی نمائندگی کرنے والے کانگریس رکن اسمبلی جے این گنیش کو مشروط ضمانت پررہاکردیا۔ انہیں اپنے ساتھی رکن اسمبلی آنند سنگھ پر حملہ کرنے کے الزام میں گرفتار کیاگیاتھا۔ انہوں نے 90دن عدالتی تحویل میں گزارے ' اس کے بعد ہی ہائی کورٹ نے انہیں ضمانت فراہم کی۔ جسٹس بی اے پاٹل کی زیرقیادت کرناٹک ہائی کورٹ کی واحد رکنی بنچ نے گنیش کو 2لاکھ روپئے کے شخصی بانڈ پیش کرنے اور اسی قیمت کی مزید دو ضمانت داخل کرنے کی ہدایت دی۔کانگریسی رکن اسمبلی گنیش نے ایک ریسارٹ میں اپنے ساتھی رکن اسمبلی پر حملہ کے بعد ایک ماہ تک لاپتہ ہوگئے تھے ،بعدازاں وہ 20فروری کوگجرات کے شہر احمدآباد کی ایک ہوٹل سے گرفتار کئے گئے ۔ توقع ہے کہ رکن اسمبلی گنیش ، پرپنا اگراہارا سنٹرل جیل سے جمعرات کو رہا کئے جائیں گے ۔