کلبرگی :15؍جون (ایس اؤ نیوز) کملاپور تعلقہ کے مرمنچی دیہات میں پیر کو کورونا سے متاثرہ  افراد کو لانے گئیں آشا کارکنوں پر حملہ کرتےہوئے دیہی عوام نے پولس اور سواریوں پر پتھراؤ کرنے کا واقعہ پیش آیا ہے۔

مرمنچی تانڈہ میں 15لوگ کووڈ-19سے متاثر ہوئے تھے۔ یہ سب ممبئی سے گاؤں پہنچے تھے۔ کورونا کی تصدیق ہونے کے بعد انہیں اسپتال میں داخل کرنے کے لئے افسران ، آشا کارکنان ،میڈیکل اسٹاف، پولس بھی ایمبولنس کے ساتھ دیہات پہنچے تھے۔

’’ہمارے یہاں کسی کو کورونا نہیں ہواہے ، اس کی علامت ہی نہیں ہے، سبھی لوگ صحت مند ہیں، بیکار میں انہیں لےجانے آئے ہیں‘‘۔کہتےہوئے متاثرین کے رشتہ دار مشتعل ہوگئے۔ باتوں باتوں میں مشتعل ہوئے لوگ ایمبولنس سمیت ڈاکٹروں اور پولس سواری پر پتھراؤ کرنا شروع کردیا۔ پتھراؤ کو دیکھتے ہوئے افسران اور اسٹاف اپنی سواریوں کو وہیں چھوڑکر حفاظت کے لئے بھاگ نکلے۔ واقعہ سے کچھ دیر کے لئے دیہات میں ماحول کشیدہ ہوگیا تھا۔

مگر سوشیل میڈیا پر دیہات کے عوام نے الزام لگایا ہے کہ  پولس نے اپنے اوپر حملہ کیا ہے اور گاوں والوں پر  زور زبردستی کی ہے۔  سوشل میڈیا پر دیہاتیوں نے اپنی  پیٹھ، پیر وغیرہ پر لاٹھی کے نشان والی تصویریں پھیلائیں ہیں۔

خبر ملی ہے کہ واقعے کے بعد دوپہر کو ایڈیشنل ایس پی پرسنّا  دیسائی ، سی پی آئی راگھویندر بھجنتری ، تحصیلدار انجم تبسم وغیرہ نے دیہات کا دورہ کیا ہے۔