واشنگٹن21/جنوری (آئی این ایس انڈیا)جمہوریہ چیچنیا کے صدر رمضان قدیروف نے کہا ہے کہ انہوں‌ نے روس کو مطلوب دہشت گردوں کی فہرست میں شامل دہشت گرد گروپ کے آخری سربراہ کو ہلاک کر کے اپنی زندگی کا فرض پورا کر دیا ہے۔

سماجی رابطوں کی ویب سائٹ 'فکونٹاکٹی' پر پوسٹ ایک بیان میں ا نہوں نے کہا ہے کہ  چیچنیا میں دہشت گردوں‌ کا خاتمہ اور آخری دہشت گرد کی ہلاکت چیچن حکومت اور قوم کے لیے فخر کا باعث ہے۔ صدر قدیروف نے مزید لکھا کہ مسلح افواج کے سپریم کمانڈر کی حیثیت سے انہوں‌ نے ایک دیہی علاقے کاتارایورت میں وفاق کو مطلوب چھ دہشت گردوں کو ہلاک کیا۔ ان میں مسلح گروپ کا سربراہ اصلا بوٹوقایوف بھی شامل تھا۔

ادھر کرملین کے پریس سیکرٹری دیمتری بیکسوف نے کہا کہ صدر ولادی میر پوتین نے چیچین صدر کو دہشت گردوں کا صفایا کرنے پر انہیں مبارک باد پیش کی ہے۔