کابل میں دو بم دھماکوں میں 19 افراد ہلاک، 50 زخمی

Source: S.O. News Service | Published on 3rd November 2021, 11:03 AM | عالمی خبریں |

کابل،3؍نومبر(ایس او نیوز؍یو این آئی) افغانستان کے دارالحکومت کابل میں منگل کو یکے بعد دیگرے دو خوفناک دھماکوں میں کم از کم 19 افراد ہلاک اور 50 زخمی ہوگئے۔

وزارت صحت نے یہ اطلاع دی ہے۔ میڈیا رپورٹس میں ان حملوں کو فدائین حملے قرار دیا جا رہا ہے۔ غیر مصدقہ میڈیا رپورٹس میں مرنے والوں کی تعداد 23 بتائی گئی ہے۔وزارت داخلہ کے ترجمان قاری سید خوستی نے دھماکے کے بعد کچھ ہی منٹوں میں اس کی تصدیق کی اور کہا کہ متعدد ہلاکتیں ہوئی ہیں، تاہم انہوں نے مزید تفصیلات نہیں بتائیں۔

وزارت صحت نے اسپتالوں سے ہلاکتوں کے اعداد و شمار حاصل کرنے کے بعد نئی تعداد جاری کی ہیں۔ اس سے پہلے دن میں میڈیا نے بتایا تھا کہ ان دھماکوں میں 15 افراد ہلاک اور 34 زخمی ہوئے ہیں۔ سوشل میڈیا پوسٹس اور میڈیا رپورٹس میں سردار محمد داؤد خان اسپتال اور وزیر اکبر خان اسپتال کے سامنے ہونے والے دھماکوں کو ‘فدائی حملہ’ قرار دیا گیا ہے۔ جائے وقوعہ پر موجود ذرائع نے بتایا کہ دھماکے کی جگہ سے چھوٹے ہتھیاروں سے فائرنگ کی آوازیں بھی سنی گئیں۔

اس سے قبل میڈیا رپورٹس میں بتایا گیا تھا کہ وزیر اکبر خان اسپتال سمیت دو مقامات پر دھماکے ہوئے۔ بعد میں بتایا گیا کہ دونوں دھماکے داؤد اسپتال کے باہر ہوئے۔ ایک عینی شاہد نے بتایا کہ وزارت صحت عامہ کے قریب 400 بستروں پر مشتمل اسپتال میں خودکش دھماکہ ہوا۔ دھماکا سردار محمد داؤد خان اسپتال کے قریب ہوا۔

سوشل میڈیا پوسٹس میں بتایا گیا ہے کہ طالبان میڈیا کارکنوں کو پیچھے دھکیل کر ہلاکتوں کی اطلاع دینے سے روکنے کی کوشش کر رہے ہیں۔ کابل کی تصاویر اور ویڈیوز میں پورے علاقے میں دھوئیں کے بادل اور گرد و غبار نظر آ رہے ہیں۔ دھماکوں کی ذمہ داری کسی گروپ نے قبول نہیں کی تاہم بی بی سی نے افغانستان کی خبر رساں ایجنسی بختار کے حوالے سے بتایا کہ دولت اسلامیہ کے متعدد جنگجو ایک ہسپتال میں داخل ہوئے اور سکیورٹی فورسز کے ساتھ جھڑپ کی۔

خیال رہے سردار داؤد خان اسپتال کو ماضی میں بھی نشانہ بنایا جا چکا ہے۔ 2017 میں اسی طرح کے ایک حملے میں 30 سے ​​زائد افراد ہلاک اور 50 دیگر زخمی ہوئے تھے، جب بندوق برداروں نے ڈاکٹروں کا روپ دھار کر اسپتال پر حملہ کیا تھا۔ اسلامک اسٹیٹ گروپ نے اس حملے کی ذمہ داری قبول کی تھی۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...