بھٹکل میں 6 جولائی کو ہوگا اترکنڑا ضلع ورکنگ جرنالسٹ اسوسی ایشن  کے زیر اہتمام ’یوم صحافت ‘ پروگرام

Source: S.O. News Service | By Abu Aisha | Published on 26th June 2019, 9:36 PM | ساحلی خبریں |

سرسی:26؍جون(ایس اؤ نیوز)اترکنڑا ضلع ورکنگ جرنالسٹ اسوسی ایشن کی جانب سے 6جولائی کی صبح بھٹکل تعلقہ کے  مرڈیشور ،  آر این ایس پالی ٹکنک میں ’یوم ِ صحافت‘ منایا جائے گا۔ اس بات کی اطلاع کے  اسوسی ایشن کے صدر رادھا کرشنا بھٹ نے دی ہے۔

سرسی  کے پتریکابھون میں پریس کانفرنس کے ذریعے بات کرتے ہوئےانہوں نے  بتایا کہ پروگرام میں امسال کے شیام راؤ کا ایوارڈ جی سبرائے بھٹ بکل اور اجیّ بل دتا ندھی ایوارڈ نرسمہا ساتوڑی کو دیا جائے گا۔بھٹکل کے  رکن اسمبلی سنیل نائک پروگرام کا افتتاح کریں گے۔ان دونوں کو  کرناٹکا ورکنگ جرنالسٹ اسوسی ایشن کے ریاستی صدر شیوانند تگڈو اور  ضلع پنچایت  صدر جئے شری موگیرکے ہاتھوں ایوارڈ سے نوازا جائے گا۔ وجئے کرناٹکا کے مدیر ہری پرکاش کونےمنے خصوصی مقالہ پیش کریں گے۔ ضلع کے  ڈپٹی کمشنر   ڈاکٹر ہریش کمار ، پریس اسوسی ایشن  کے ریاستی جنرل سکریٹری بی سی لوکیش، مرڈیشور ہیومن ویلفئیر اسوسی ایشن کے صدر ڈاکٹر امین الدین گوڈا مہمان خصوصی کے طور پر  شریک ہونگے۔

رادھا کرشنا بھٹ  نے بتایا کہ پروگرام میں ماہر تعلیم ایم وی ہیگڈے کی تہنیت کی جائے گی۔ اسی طرح اخبار سپلائی کرنے والے آنند بھٹ بھٹکل اور مدھو کائی کنی کی بھی عزت افزائی کی جائے گی۔انہوں نے ضلع کے سبھی اخبارنویسوں سے اس پروگرام میں  کثیر  تعداد میں شریک ہونےکی اپیل کی ہے۔ پریس کانفرنس میں ضلع جنرل سکریٹری نرسمہا اڑی ، نائب صدر پردیپ شٹی ، خازن سومنگلا ہونےکپا وغیرہ  شریک تھے۔

ایک نظر اس پر بھی

کاروار میں قائم ہوئی بچوں کے لئے ’چائلڈ فرینڈلی‘ خصوصی عدالت؛ کرناٹکا ہائی کورٹ جسٹس بی اے پاٹل کے ہاتھوں افتتاح

بچوں کے ساتھ ہوئے جنسی ہراسانی اور عصمت دری کے مقدمات پوکسو قانون کے تحت نپٹانے کے لئے ریاست کی تیسری ’چائلڈ فرینڈلی‘ خصوصی عدالت کاروار میں قائم کی گئی۔اس کا افتتاح کرناٹکا ہائی کورٹ کے جسٹس بی اے پاٹل کے ہاتھوں عمل میں آیا۔

کاروار میں ماہی گیروں کا احتجاج ہوا ختم۔ سپریم کورٹ کے وکیل نے کی ساحل سمندر کو بچانے کے لئے متحد ہونے کی اپیل

ساگر مالا منصوبے کے تحت کاروار تجارتی بندرگاہ کی دوسرے مرحلے کی توسیع اور ٹیگور ساحل پرسمندری موجوں کو روکنے والی دیوار تعمیر کیے جانے کے خلاف مقامی ماہی گیروں اور عوام نے جو احتجاج اور دھرنا شروع رکھا تھا، سنیچر کے دن اس کو ختم کردیا گیا کیونکہ ہائی کورٹ سے تعمیری کام پر ...

کاروار میں 71ویں یومِ جمہوریہ کا جشن : ضلع انچارج وزیر کے ہاتھوں پرچم کشائی ، کہا؛ دستور کی وجہ سے ہی ہرایک شہری کو مساوی حق حاصل ہے

ڈاکٹر بی آر امبیڈکر کی قیادت میں تشکیل دئیے گئے دستور کی وجہ سے ہی ایک عام آدمی سمیت خواتین وغیرہ سیاست وغیرہ میں شریک ہوکر اعلیٰ مقام حاصل کرنا ممکن ہونے کا وزیر برائے خواتین اور ضلع نگراں کار وزیر ششی کلا جولے نے خیال ظاہر کیا۔

بھٹکل میں یوم ِ جمہوریہ کی خوب صورت تقریب : بھارتی دستور کی وجہ سے ہی شہری راجابنے ہیں : اسسٹنٹ کمشنر ساجد ملا کا خطاب

تعلقہ انتظامیہ، تعلقہ پنچایت ، بھٹکل میونسپالٹی اور پٹن پنچایت جالی کے اشتراک سے نوائط کالونی میں واقع تعلقہ کھیل میدان میں26جنوری 2020بروز اتوار کو  71واں یومِ جمہوریہ کا جشن بھٹکل اسسٹنٹ کمشنر ساجد ملا کی پرچم کشائی کے ذریعے  دھوم دھام سے منایاگیا ۔

یوم جمہوریہ کے موقع پر پس مرگ پدما وبھوشن ایوارڈ پانے والوں میں شامل ہیں اڈپی پیجاورمٹھ سوامی اور جارج فرنانڈیز

یوم جمہوریہ کے موقع پر مرکزی حکومت کی طرف سے مختلف شعبہ ہائے زندگی میں نمایاں خدمات انجام دینے والی شخصیات کو پدما بھوشن اور پدماوبھوشن جیسے اعزازات سے نوازا جاتا ہے۔ امسال جن شخصیات کو پس مرگ پدماوبھوشن ایوارڈ سے نوازا گیا ہے اس میں پیجاور مٹھ کے سوامی اور سابق مرکزی وزیر ...