کرونا وائرس: اُردن میں کرفیو، مختلف ملکوں میں جزوی لاک ڈاؤن

Source: S.O. News Service | Published on 21st March 2020, 11:24 PM | عالمی خبریں |

دبئی،21؍مارچ (ایس او نیوز؍ایجنسی) کرونا وائرس کا پھیلاؤ روکنے کے لیے اُردن کی حکومت نے ملک بھر میں کرفیو لگا دیا ہے۔ فیصلے پر عمل درآمد کے لیے دارالحکومت عمان سمیت ملک کے مختلف شہروں میں ہفتے کو سائرن بجائے گئے۔

خبر رساں ادارے 'رائٹرز' کے مطابق اُردن حکام کا کہنا ہے کہ کرفیو کی خلاف ورزی کرنے والوں کو ایک سال تک قید کی سزا ہو سکتی ہے۔ اُردن کے وزیر انصاف بسام طالحونی نے مقامی ٹی وی کو بتایا کہ کرفیو کے دوران باہر نکلنے والا سزا کا مستحق ہو گا۔

کرفیو کے نفاذ سے اُردن کی لگ بھگ ایک کروڑ آبادی کو گھروں میں رہنے کے احکامات جاری کیے گئے ہیں۔ فیصلے پر عمل درآمد کے لیے اُردن کے مختلف شہروں اور اہم شاہراہوں پر ہزاروں فوجی تعینات کیے گئے ہیں۔

شاہراہوں پر پولیس کی گاڑیاں گشت کر رہی ہیں اور مسلسل اعلانات ہو رہے ہیں کہ شہری گھروں سے باہر نکلنے سے گریز کریں۔ اُردن میں کرفیو کے باعث شہر کے اہم کاروباری مراکز اور شاہراہوں پر ہو کا عالم ہے۔

اُردن نے عراق، مصر، شام اور اسرائیل سے متصل بارڈر اور بحری گزرگاہیں بند کر دی ہیں۔ ملک میں جمعے تک کرونا وائرس کے 85 کیسز سامنے آئے تھے جب کہ حکام نے خبردار کیا تھا کہ ان کیسز میں مزید اضافہ ہو سکتا ہے۔

کرونا وائرس سے چین کے بعد سب سے زیادہ متاثرہ ملک اٹلی میں ہلاک ہونے والی کی تعداد چار ہزار سے تجاوز کر گئی ہے۔ جمعے کو مزید 627 افراد میں وائرس کی تصدیق ہوئی تھی۔

اٹلی میں لاک ڈاؤن کی مدت میں غیر معینہ مدت تک کے لیے توسیع کر دی گئی ہے۔ ملک میں کرونا وائرس سے متاثرہ افراد کی تعداد 47 ہزار سے تجاوز کر چکی ہے۔

جنوبی کوریا کی حکومت نے ہفتے کو عوام سے اپیل کی ہے کہ وہ 15 روز تک رضاکارانہ طور پر گھروں میں رہیں۔ جنوبی کوریا میں ہفتے کو مزید 147 کیسز رپورٹ ہوئے ہیں۔ جمعے کو 87 کیسز رپورٹ ہوئے تھے۔

جنوبی کوریا کے وزیر اعظم نے اپیل کی ہے کہ ملک بھر میں مذہبی اجتماعات، کھیلوں اور تفریحی سرگرمیاں 15 روز تک معطل کر کے گھروں میں رہیں۔

سعودی عرب میں بھی جمعے کو کرونا وائرس کے 70 کیسز رپورٹ ہوئے تھے۔ جس کے بعد ملک بھر میں وائرس سے متاثرہ افراد کی تعداد 344 ہو گئی ہے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...