جوئیڈا کے سوپا ڈیم سے 65ہزار کیوسک پانی چھوڑنے کے نتیجے میں سیلاب جیسی صورتحال :3 گھر منہدم ، 230متاثرین کو کیا گیا راحت سینٹر منتقل

Source: S.O. News Service | By Abu Aisha | Published on 9th September 2019, 6:56 PM | ساحلی خبریں |

ڈانڈیلی:9؍ستمبر(ایس اؤ نیوز) ملناڈ علاقے میں موسلادھار بارش کی وجہ سے جوئیڈا تعلقہ کے سوپا ڈیم  میں پانی کا ذخیرہ ڈیم کی سطح سے  اوپر جانے کے نتیجے میں  اتوار کو ڈیم سے مسلسل 65ہزار کیوسک پانی چھوڑا گیا ۔ جس کےنتیجےمیں کالی ندی میں سیلاب آگیا اور پانی اُبل کر  ندی کناروں کے علاقوں میں گھس گیا۔ جس سے  مکین آبی مشکلات میں پھنس گئے ہیں۔

ذرائع سے ملی اطلاع کے مطابق سوپا ڈیم میں لگاتار 46000کیوسک پانی جمع ہونا شروع ہوگیا تو ڈیم سے 65ہزار کیوسک پانی چھوڑنا ضروری ہوگیا تھا۔ بتایاگیا ہےکہ کالی ندی کناروں کے مکینوں کو اس تعلق سے پیشگی اطلاعات دی گئی تھیں لیکن وہ نظر انداز کرگئے جس کی وجہ سے عوام  اتوار کو مشکلات میں گھرگئے ۔ اس کے علاوہ پرانے ڈانڈیلی کے کالی برج کے اوپر سے پانی بہنے سے برج کو نقصان پہنچنے کا خدشہ ظاہر کیا گیا ہے۔  

2راحت کیمپوں میں 230متاثرین: کالی ندی  میں طغیانی آنے کی وجہ سے متاثرین کو راحت دلانے  کوگلبن سرکاری اسکول اور ڈانڈیلی روٹری اسکول کو  باز آبادکاری میں منتقل کردیا گیا ہے۔ کوگیبل  اسکول میں اسی علاقے کے قریب 190لوگ اور ٹروٹری اسکول میں 40طلبا پناہ دی گئی ہے تحصیلدار شئلیش پرمانند نے بتایا کہ  بالمڈی نامی دیہات کے 10گھروں میں پانی گھسنے کے باوجود مکینوں نے  راحت کاری کیمپ میں منتقل ہونے سے انکار کردیا ہے۔

سوپاڈیم کے نشیبی  علاقے میں سڑک پر پڑگئی دراڑ :سوپا ڈیم کے نشیبی  علاقے گنیش گڑی سے لے کر کیلباگ کے گیریج اور تفریحی  مقامات کوجوڑنے والی سڑکوں پر دراڑ یں پڑنے سے ہیسکام اور عوام کے لئے خطرے کی وجہ بن گئی ہے۔ جب بھی سوپا ڈیم سے پانی باہر چھوڑا جاتاہے عوام اس کی خوبصورتی سے لطف اندوز ہونے کے لئے اسی راستے کا استعمال کرتے ہیں، اسی طرح  محکمہ  ہیسکام  کا عملہ بھی انہی راستوں سے آجایا کرتے ہیں۔ سنیچر کی شام سے ہی پانی چھوڑے جانےسے قریب 400میٹر سے زائد راستے  پر دراڑیں پڑگی ہیں جس سے خطرہ محسوس کیا جارہاہے۔ فی الحال یہ سڑک  عوام اور سواریوں کے لئے بند کردی گئی ہے۔ پانی کے تیز رفتار بہاؤ کی وجہ سے تحفظاتی دیواروں میں بھی دراڑ  نظر آنے سے عوام خوف زدہ ہیں۔ 

ایک نظر اس پر بھی

کاروارمیں کار پلٹ گئی، 5 زخمی

کاروار تعلقہ کے سدا شیوگڑھ میں نیشنل ہائی وے66 پر جانوروں کے درمیان آ جانے سے ایک کار بے قابو ہو کر الٹ گئی، جس کے نتیجے میں 5 افراد زخمی ہوگئے۔

ہیبار کے ہاتھ سے شکر پھسل گئی :کام نکلنے کے بعد کیا اب بی جےپی شیورام ہیبار کونظر انداز کرے گی ؟

ریاست کی کابینہ  وزراء میں اترکنڑا ضلع سے صرف ایک ہی وزیر شیورام ہیبار مزدوروں کاقلم دان رکھتے ہیں ان کے پاس موجود شکر کا قلم دان واپس لے لیاگیا ہے۔ ریاست کے وزیر اعلیٰ یڈیورپا کی قیادت والی حکومت میں حال ہی میں توسیع کرتےہوئے کئی نئے وزراء کو شامل کیاگیا تو چند وزراء کے قلم ...

بھٹکل بس اسٹانئڈ کے سامنے پرائیویٹ بس والوں کا کاروبار۔ تعلقہ پنچایت میٹنگ میں گرما گرم بحث

بھٹکل تعلقہ پنچایت کی ماہانہ میٹنگ کے دوران سرکاری بس اسٹائنڈ کے سامنے ہی چلائے جارہے پرائیویٹ بسوں کے کاروبار کا مسئلہ زیر بحث آیا۔  تعلقہ پنچایت صدر ایشور نائک کی صدارت میں چل رہی میٹنگ میں رکن ہنومنت نائک نے یہ مسئلہ اٹھاتے ہوئے کہاکہ شہر میں پرائیویٹ بسوں کا کاروبار بغیر ...

ڈانڈیلی کی کالی ندی کا پانی دیگر اضلاع کو سپلائی کرنےکی مخالفت میں شہریوں کا احتجاج

ڈانڈیلی کی مشہور کالی ندی کا پانی دیگر اضلاع کو سپلائی کرنےکے لئےجاری تعمیراتی کام تیز رفتار ی سے ہو رہاہے۔ لیکن شہر کے عوام اس بات کو لے کر کافی پیچیدگی کا شکار ہیں۔ کالی ندی کی حفاظت کو لےکر کالی ندی پانی کے سلسلےمیں اگلے ایک ہفتہ میں عوامی میٹنگ طلب کرنے کا مطالبہ لےکر ...

فورلین شاہراہ پر جانوروں کی موجودگی سے حادثات میں اضافہ : کیا مویشی پالن وزیر کی تجویز کارگر ہوگی ؟

ساحلی پٹی پر قومی شاہراہ کو منتقل کرتےہوئےفورلین کی تعمیر ہورہی ہےتقریباً کام مکمل بھی ہوچکاہے، اس کے باوجود  فورلین شاہراہ سواریوں اور مسافروں کی مشکلات میں کوئی کمی نظر نہیں آرہی ہے۔ شاہراہ پر جہاں تہاں کھڑے جانوروں سے بار بار حادثات ہورہےہیں انسانی جانیں تلف ہورہی ہیں ...