جوئیڈا : بے قابو کار کی زد میں آنے سے 3 راہگیر خواتین ہلاک
جوئیڈا،21 / جنوری (ایس او نیوز) تملناڈو کے رہنے والے نوجوان جب گوا میں سیر و سیاحت سے واپس لوٹ رہے تھے تو ہبلی - گوا ہائی وے پر رام نگر کے قریب ان کی کار بے قابو ہوگئی اور راہ چلتے ہوئے لوگوں پر چڑھ گئی ۔ جس کے نتیجہ میں تین خواتین ہلاک ہوگئیں اور ایک شخص شدید زخمی ہوگیا ۔
حادثے میں ہلاک ہونے والی خواتین کی شناخت خانہ پور سے تعلق رکھنے والی پاروتی گاوڈا، دُرگے گولسیکر اور تلسی گاوڈا بتائے گئے ہیں ۔ جبکہ شدید زخمی ہونے والے شخص کا نام ویپن تالوے بتایا گیا ہے ، جسے رام نگر کے پرائمری ہیلتھ سینٹر میں داخل کیا گیا ہے ۔
حادثہ کا سبب بننے والی کار میں موجود دو افراد کو پولیس نے حراست میں لیا ہے ۔ رام نگر پولیس اسٹیشن میں معاملہ درج کیا گیا ہے ۔