باندی پورہ ریپ کیس: سری نگر میں سکیورٹی فورسز اور طالب علموں کے درمیان جھڑپ، پھینکے گئے پتھر

Source: S.O. News Service | By Shahid Mukhtesar | Published on 15th May 2019, 11:31 AM | ملکی خبریں |

سرینگر،15/ مئی (ایس او نیوز/آئی این ایس انڈیا) جموں و کشمیر میں باندی پورہ ضلع کے سنبل علاقے میں 3 سال کی بچی کے ساتھ ریپ کے خلاف وادی میں ہنگامہ جاری ہے۔سری نگر کے امر سنگھ کالج کے طالب علم واقعہ کی مخالفت میں مظاہرہ کر رہے تھے۔اسی دوران طلبہ اور حفاظتی دستوں کے درمیان جھڑپ ہو گئی۔طالب علموں کومظاہرے سے روک رہی پولیس پر پتھر بازی کی گئی۔طلبہ نے جھڑپ کے دوران ساکٹ بھی توڑ دیں۔اس سے پہلے پیر کو بھی جموں و کشمیر اتحادالمسلمین کے رکن مولانا مسرور عباس انصاری (حریت رہنما عباس انصاری کے بیٹے) کی قیادت میں واقعہ کی مخالفت میں مظاہرے ہوئے۔سرینگر کے بیشتر حصوں میں بند دیکھا گیا،کئی مقامات پر احتجاجی مظاہروں پر بہت سے دیگر افراد زخمی ہوئے، جن میں سے کچھ شدید زخمی ہوئے ہیں۔پولیس نے کہا کہ جھڑپوں کے دوران 47 سیکورٹی زخمی ہو گئے۔بتایا جا رہا ہے کہ مظاہرے کے دوران سیکورٹی فورسز پر پتھر پھینکے گئے جس کی وجہ سے وہ زخمی ہوئے۔یہ واقعات مرگڈ، چینابل، ہرناتھ، سگھپورا، جھیل پل، کرپالپرا پیین اور ہاجیویرا علاقوں میں ہوئے۔باندی پورا میں 3 سال کی بچی کے ساتھ ریپ کے خلاف مظاہرہ، دھرنا اور جھڑپ کا سلسلہ جاری ہے۔بتایا جا رہا ہے کہ ملزم اسکول میں بچی کو ٹافی کے بہانے ٹوائلٹ میں لے گیا اور وہاں اس کے ساتھ ریپ کیا۔اس معاملے میں اسکول پرنسپل نے ملزم کی عمر بھی غلط بتائی جس کی وجہ سے انہیں بھی گرفتار کر لیا گیا ہے۔بتایا جا رہا ہے کہ بچی جہاں رہتی ہے وہیں کے ایک مقامی نوجوان نے اسے ٹافی کھلانے کی بات کہی،وہ اس ٹافی دلانے کے بہانے ایک اسکول کے اندر لے گیا اور وہاں کے ٹوائلٹ میں بچی کو اپنی ہوس کا شکار بنایا۔پولیس نے ملزم نوجوان کو پہلے ہی گرفتار کر لیا تھا۔واقعے کی تحقیقات کے لئے ایک خصوصی تفتیشی ٹیم کا قیام کیا گیا ہے۔پولیس نے ملزم کی عمر کے بارے میں غلط معلومات دینے کے لئے اسکول کے پرنسپل کو بھی گرفتار کیا ہے۔حکام نے لوگوں سے اپیل کی ہے کہ وہ مجرمانہ کارروائیوں کو ایک فرقہ وارانہ رنگ نہ دیں۔اس معاملے میں جموں و کشمیر کے گورنر ستیہ پال ملک نے حیرانی ظاہر کرتے ہوئے اسے سنگین جرم قرار دیا ہے۔

ایک نظر اس پر بھی

ریزرویشن سے متعلق آر ایس ایس اور بی جے پی کے ارادے ٹھیک نہیں: تیجسوی یادو

  بہار اسمبلی میں اپوزیشن لیڈر تیجسوی پرساد یادو نے ریزرویشن کے معاملے پر راشٹریہ سوئم سیوک سنگھ ( آر ایس ایس ) کے چیف موہن بھاگوت کے حالیہ بیان پر پلٹ وار کرتے ہوئے کہا کہ ریزرویشن کو لے کر آر ایس ایس اور بھارتیہ جنتا پارٹی ( بی جے پی ) کے ارادے ٹھیک نہیں ہیں۔