سری نگر،25؍اپریل (ایس او نیوز؍ایجنسی)  جموں و کشمیر میں گزشتہ چوبیس گھنٹوں کے دوران کورونا وائرس کے 2030 نئے معاملات سامنے آئے ہیں نیز اس وبا سے متاثر 15 افراد جاں بحق ہوئے ہیں۔ سرکاری ترجمان نے بتایا کہ جموں و کشمیر میں گزشتہ چوبیس گھنٹوں کے دوران کورونا وائرس کے 2030 نئے مثبت معاملات سامنے آئے ہیں جن میں سے 1196 کا تعلق کشمیر صوبے سے اور 834 کا تعلق جموں صوبے سے ہے اور اس طرح اب تک سامنے آنے والے مثبت معاملات کی کل تعداد 1,58,374 تک پہنچ گئی ہے۔

انہوں نے بتایا کہ گزشتہ چوبیس گھنٹوں کے دوران 15 کووڈ مریضوں کی موت واقع ہوئی ہے جن میں سات کا تعلق صوبہ جموں اور آٹھ کا تعلق کشمیر صوبہ سے ہے۔ دریں اثنا حکومت کی طرف سے جاری کیے گئے روزانہ میڈیا بلیٹن میں بتایا گیا ہے کہ جموں و کشمیر میں اب تک کورونا وائرس کے 1,58,374 معاملات سامنے آئے ہیں جن میں سے 18,064 سرگرم معاملات ہیں۔ اب تک 1,38,184 افراد صحت یاب ہوئے ہیں۔

جموں وکشمیر میں کورونا وائرس سے مرنے والوں کی مجموعی تعداد 2,126 تک پہنچ گئی ہے جن میں سے 1,323 کا تعلق کشمیر صوبہ سے اور 803 کا تعلق جموں صوبہ سے ہیں۔ اس دوران ہفتے کو مزید 944 فراد شفایاب ہوئے ہیں جن میں جموں صوبے کے360 افراد اور کشمیر صوبے کے 584 افراد شامل ہیں۔ بلیٹن میں مزید کہا گیا ہے کہ اب تک 70,01,906 ٹیسٹوں کے نتائج دستیاب ہوئے ہیں جن میں سے 24 اپریل 2021 کی شام تک 68,43,532 نمونوں کی رپورٹ منفی پائی گئی ہے۔