کشمیر: نئے اراضی قوانین کے خلاف پی ڈی پی کا احتجاج ناکام، دفتر بھی سیل

Source: S.O. News Service | Published on 29th October 2020, 8:32 PM | ملکی خبریں | ان خبروں کو پڑھنا مت بھولئے |

سری نگر،29؍اکتوبر(ایس او نیوز؍ایجنسی) پولیس نے جمعرات کی صبح یہاں پیپلز ڈیموکریٹک پارٹی (پی ڈی پی) کے دفتر کو سیل اور لیڈروں و کارکنوں کو حفاظتی تحویل میں لے کر پارٹی کے نئے اراضی قوانین کے خلاف احتجاج کو ناکام بنا دیا۔ پارٹی صدر محبوبہ مفتی نے پولیس کی طرف سے اس حرکت کی مذمت کرتے ہوئے کہا کہ ہم ڈیموگرافی کو تبدیل کرنے کی کوششوں کے خلاف آواز بلند کرتے رہیں گے۔

پی ڈی پی کے لیڈران و کارکنان جمعرات کی صبح یہاں شیر کشمیر پارک کے قریب واقع پارٹی ہیڈ کوارٹر پر مرکزی حکومت کی طرف سے جموں و کشمیر کے نئے اراضی قوانین کو لاگو کرنے کے خلاف احتجاج کرنے کے لئے جمع ہوئے تو وہاں پہلے سے ہی بھاری تعداد میں تعینات سیکورٹی فورسز بالخصوص جموں و کشمیر پولیس کے اہلکاروں نے حرکت میں آکر انہیں حفاظتی تحویل میں لے لیا۔ پارٹی ہیڈ کوارٹر کو بھی مبینہ طور پر سیل کر دیا گیا تھا اور جن لیڈروں کو حراست میں لیا گیا ان میں خورشید عالم، وحید الرحمان پرہ، رؤف بٹ، محسن قیوم، طاہر سعید وغیرہ خاص طور پر قابل ذکر ہیں۔

محبوبہ مفتی نے اپنے ایک ٹوئٹ میں کہا کہ 'پولیس نے جموں و کشمیر کے لوگوں پر نو آبادیاتی اراضی قوانین ٹھونسنے کے خلاف احتجاج کرنے پر پی ڈی پی کے وحید پرہ، خورشید عالم، رؤف بٹ، محسن قیوم کو گرفتار کیا۔ ہم اجتماعی طور پر اپنی آواز بلند کرتے رہیں گے اور ڈیموگرافی تبدیل کرنے کی کوششوں کو برداشت نہیں کریں گے'۔

انہوں نے اپنے ایک اور ٹوئٹ میں کہا کہ 'جموں و کشمیر انتظامیہ نے سری نگر میں پی ڈی پی دفتر سیل کیا اور کارکنوں کو پر امن احتجاج کرنے پر گرفتار کیا۔ جموں میں اگر ایسے احتجاج کی اجازت دی گئی تو یہاں کیوں نہیں، کیا یہی آپ لوگوں کی نارملسی کی تعریف ہے جس کو دنیا بھر میں پیش کیا جا رہا ہے'۔ قابل ذکر ہے کہ پی ڈی پی نے بدھ کے روز جموں میں یونین ٹریٹری میں نئے اراضی قوانین لاگو کرنے کے خلاف احتجاج درج کیا۔

ایک نظر اس پر بھی

’’بی جے پی میں ہمت ہے تو مجھے گرفتار کر کے دکھائے‘‘: ممتا بنرجی

مغربی بنگال کی وزیر اعلی ممتا بنرجی نے آج بی جے پی کو چیلنج کرتے ہوئے اگر بی جے پی میں ہمت ہے تو انہیں گرفتار کرکے دکھائیں۔ انہوں نے کہا کہ اس کے باوجود میں اگلے سال ہونے والے اسمبلی انتخابات میں کامیابی حاصل کی جائے گی۔ ممتابنرجی نے الزام عاید کیا کہ بی جے پی ترنمول کانگریس کے ...

دہلی میں کورونا: چار دنوں میں وصول کیا گیا 1.5 کروڑ روپے کا جرمانہ

ہندوستان کی راجدھانی دہلی میں کورونا انفیکشن کا اثر لگاتار بڑھ رہا ہے، اس کے باوجود لوگوں کی لاپروائی کم ہونے کا نام نہیں لے رہی ہے۔ کورونا پر قابو پانے کے لیے لوگوں کو ہدایت دی گئی ہے کہ وہ سوشل ڈسٹنسنگ پر عمل کریں اور ماسک کا استعمال کریں، لیکن کئی مقامات پر لوگوں کو بغیر ماسک ...

ہاتھرس معاملہ: ضلع مجسٹریٹ کو اب تک نہ ہٹائے جانے سے الٰہ آباد ہائی کورٹ ناراض

لکھنؤ: اترپردیش کے ضلع ہاتھرس میں دلت متاثرہ کی اجتماعی عصمت دری کے بعد قتل کے معاملے میں الہ آباد ہائی کورٹ کی لکھنؤ بنچ میں سماعت ہوئی۔اس دوران پورے معاملے کی جانچ کررہی سی بی آئی ٹیم نے جانچ کی پیش رفت رپورٹ عدالت کے سامنے پیش کیا۔ معاملے کی اگلی سماعت 16 دسمبر کو ہوگی۔ ...

مولانا ڈاکٹر کلب صادق صاحب کی رحلت ملی اور قومی سانحہ ہے آل انڈیا مسلم پرسنل لا بورڈ کا اظہار تعزیت

 آل انڈیا مسلم پرسنل لا بورڈ کے نائب صدر، ملک کے ممتاز عالم دین و ماہر تعلیم اور عمدہ ترجمان مولانا ڈاکٹر کلب صادق صاحب طویل علالت کے بعد گزشتہ شب انتقال فرما گئے، ان کی رحلت سے ملک ایک بڑی قابل قدر شخصیت،دانشور،اور ممتاز رہنما سے محروم ہوگیا، وہ شریف النفس، باکردار، اور علم و ...

بابری مسجد کیس سے وابستہ سپریم کورٹ کے سینئر وکیل شکیل احمد سید کا انتقال

پریم کورٹ میں بابری مسجد معاملے کے اہم وکیل شکیل احمد سید کا انتقال ہو گیا۔ ان کا انتقال ملک و ملت کیلئے ایک ایسا خسارہ ہے جس کی تلافی آسان نہیں ہے۔ انتقال کے وقت ان کی عمر 67؍ سال تھی۔ ان کے پسماندگان میں اہلیہ اور چار بیٹےہیں۔ تدفین  بدھ کو  دوپہر میں 12؍ بجے ،دہلی گیٹ قبرستان ...

کرناٹک میں گردابی طوفان ”نیوار“سے متعلق ریڈ الرٹ

گردابی طوفان ”نیوار“کے بدھ کے روز تمل ناڈو اور پڈوچیری سے گزرنے کے پیش کرناٹک میں ریڈ الرٹ جاری کیا گیا ہے۔وزیر اعلیٰ بی ایس ایڈی یورپا نے آج یہاں میڈیا سے بات چیت میں کہا کہ متعلقہ عہدیداروں کو کسی بھی صورتحال کے لئے تیار رہنے کو کہا گیا ہے۔

بھٹکل سے ہوناور جانے کے دوران پیچھے سے لاری نے دی بائک کو ٹکر؛ باپ ہلاک، بیٹا شدید زخمی

بھٹکل تعلقہ کے شرالی  شاردا ہولے کے قریب بائک کو پیچھے سے ایک لاری کے ٹکر دینے کے نتیجے میں بائک پر سوار باپ موقع پر ہی ہلاک ہوگیا جبکہ اس کا بیٹا شدید زخمی ہوگیا ہے۔ حادثہ بدھ کی شام کو پیش آیا۔

جنوبی ہند میں طوفانِ’نیوار‘ کی دستک: طوفان آنے سے پہلے ہی 90فیصد بھر چکے ڈیم سے پانی چھوڑ دیاگیا

سمندری گردابی طوفان ”نیوار“ کے آج شام تامل ناڈو اور پانڈیچری کے ساحل پر ٹکرانے کی توقع کی گئی ہے، لیکن محکمہ موسمیات کے تازہ ترین بلیٹن کے مطابق طوفان نصف شب کو اور 26 نومبر کی صبح کے دوران کرائی کل، مہابلی پورم اور پانڈیچری کے پاس سے ٹکرائے گا۔

بھٹکل گُڈلک روڈ میں پائپ لائن بچھانے کے کاموں میں عوام کی طرف سے شکایات کے بعد بھٹکل میونسپل چیف نے واٹربورڈ کے آفسران کے ساتھ رکھی میٹنگ

بھٹکل کے کارگیدے اور گُڈلک روڈ میں  کل اتوار کو عوام الناس کی طرف سے انڈر گراونڈ ڈرینج (یو جی ڈی) کے پائپ لائن بچھانے اور چمبرس تعمیر کرنے کے دوران  کام کو غیر سائنٹیفک اور غیر معیاری قرار دینے کے بعد آج پیر کو بھٹکل میونسپل چیف پرویز قاسمجی نے کاروار سے  واٹر بورڈاور یوجی ڈی ...