عمان میں پھنسے جھارکھنڈ کے30/مزدور، وزیر اعلی سورین کی وزیر خارجہ سے مدد کی درخواست

Source: S.O. News Service | Published on 21st February 2020, 11:56 PM | ملکی خبریں | خلیجی خبریں |

نئی دہلی،21/فروری(ایس او نیوز/ایجنسی)عمان میں گذشتہ سات ماہ سے جھارکھنڈ کے 30 مزدوروں کو یرغمال بناکر رکھے جانے کی اطلاع موصول ہوئی ہے۔ روزی روٹی کمانے کے مقصد سے عمان جانے والے ان تمام افراد کو دارالحکومت مسقط میں قید کر کے رکھا گیا ہے۔ اس معاملے کی اطلاع موصول ہونے کے بعد جھارکھنڈ کے وزیر اعلی ہیمنت سورین نے تمام مزدوروں کی واپسی کے لئے وزیر خارجہ ڈاکٹر ایس جے شنکر سے مدد طلب کی ہے۔

وزیر اعلی نے ایک ٹویٹ کے ذریعے وزیر خارجہ سے یہ مدد طلب کی ہے۔ معلومات کے مطابق، ہزاری باغ، کوڈرما، گیریڈیہ اور بوکارو ضلع سے 30 مزدور ذریعہ معاش کی خاطر عمان کے دارالحکومت مسقط گئے تھے۔ جس کمپنی کے لئے یہ سب کام کرتے ہیں اس نے انہیں ایک کمرے میں یرغمال بنا کر رکھا ہوا ہے اور انہیں پیٹ بھر کھانا بھی نہیں دیا جارہا ہے۔ انہیں 24 گھنٹے میں صرف ایک بار کھانا دیا جا رہا ہے۔

کمپنی نے سات مہینے سے انہیں تنخواہ بھی نہیں دی ہے۔ جب بھی وہ لوگ تنخواہ مانگتے ہیں تو انہیں دھمکیاں دی جاتی ہیں۔ مزدوروں نے کسی طرح فون پر اپنے اہل خانہ سے رابطہ قائم کر کے اپنی حالت سے آگاہ کرایا۔

بتایا جاتا ہے کہ ان مزدوروں کو 2017 میں وشنو گڑھ، ہزاری باغ، بگودر، بیرمو، واڈیہہ، بوکارو اور کوڈرما کے سے ایک کمپنی میں مواصلاتی لائن کے لئے کام کی لالچ دے کر عمان بھیجا گیا تھا۔

جون 2019 تک انہیں کام کے عوض تھوڑی سی تنخواہ دی گئی لیکن جولائی سے وہ تنخواہ بھی دینی بند کر دی گئی۔ تب سے انہیں نہ تو تنخواہ مل رہی ہے اور نہ پیٹ بھر کھانا۔

عمان میں اوورسیز گروپ کے توسط سے ہندوستان کی وزارت خارجہ کو ایک پیغام بھیجا گیا ہے۔ بتایا جاتا ہے کہ سبھی مزدوروں کی ویزا کی مدت ختم ہو چکی ہے۔

ایک نظر اس پر بھی

منیش سسودیا کی عدالتی تحویل میں 26 اپریل تک کی توسیع

دہلی کی ایک عدالت نے جمعرات کو شراب پالیسی کے مبینہ گھوٹالہ سے متعلق منی لانڈرنگ معاملہ میں عآپ کے لیڈر اور سابق نائب وزیر اعلیٰ منیش سسودیا کی عدالت تحویل میں 26 اپریل تک توسیع کر دی۔ سسودیا کو عدالتی تحویل ختم ہونے پر راؤز ایوینیو کورٹ میں جج کاویری باویجا کے روبرو پیش کیا ...

وزیراعظم کا مقصد ریزرویشن ختم کرنا ہے: پرینکا گاندھی

کانگریس جنرل سیکریٹری پرینکا گاندھی واڈرا نے یہاں پارٹی کے امیدوار عمران مسعود کے حق میں بدھ کو انتخابی روڈ شوکرتے ہوئے بی جے پی کو جم کر نشانہ بنایا۔ بی جے پی کو ہدف تنقید بناتے ہوئے انہوں نے بدھ کو کہا کہ آئین تبدیل کرنے کی بات کرنے والے حقیقت میں ریزرویشن ختم کرنا چاہتے ...

مودی ہمیشہ ای وی ایم کے ذریعہ کامیاب ہوتے ہیں،تلنگانہ وزیر اعلیٰ ریونت ریڈی کا سنسنی خیز تبصرہ

تلنگانہ کے وزیراعلیٰ  ریونت ریڈی نے سنسنی خیز تبصرہ کرتے ہوئے کہا  ہے کہ ہر مرتبہ مودی الیکٹرانک ووٹنگ مشینوں( ای وی ایمس )کے ذریعہ انتخابات میں کامیابی حاصل کرتے ہیں اور جب تک ای وی ایم کےذریعے انتخابات  کا سلسلہ بند نہیں کیا جائے گا،  بی جے پی نہیں ہار سکتی۔

لوک سبھا انتخابات کے چوتھے مرحلہ کے لئے گزٹ نوٹیفکیشن جاری

الیکشن کمیشن نے لوک سبھا انتخابات 2024 کے چوتھے مرحلہ کے لئے گزٹ نوٹیفکیشن جاری کر دیا۔ کمیشن کے مطابق انتخابات کے چوتھے مرحلہ میں 10 ریاستوں اور مرکز کے زیر انتظام علاقوں کی 96 پارلیمانی سیٹوں پر انتخابات ہوں گے۔ اس مرحلہ کی تمام 96 سیٹوں پر 13 مئی کو ووٹنگ ہوگی۔ نوٹیفکیشن جاری ...

ملک کے مختلف حصوں میں جھلسا دینے والی گرمی، گزشتہ برس کے مقابلے اس سال گرمی زیادہ

   ملک کے مختلف حصوں میں گرمی کی شدت میں روزبروزاضافہ ہوتاجارہا ہے۔ بدھ کوملک کے مختلف حصوں میں شدید گرمی رہی ۔ اس دوران قومی محکمہ موسمیات کا کہنا  تھا کہ ملک کے کچھ حصوںمیں ایک ہفتے تک گرم لہریں چلیں گی ۔  بدھ کو د ن بھر ملک کی مختلف ریاستوں میں شدید گرم  لہر چلتی رہی  جبکہ ...

قطر میں بھٹکل مسلم جماعت کی خوبصورت عید ملن تقریب

بھٹکل مسلم جماعت کی طرف سے حسب سابق۲ شوال  مطابق ١١ اپریل  بروز جمعرات قطر کے مختلف علاقوں میں رہائش پذیر بھٹکلی احباب کے لئے عید ملن کے نام سے ایک گیٹ ٹوگیدر تقریب کا اہتمام کیا گیا جس میں بچوں نے اپنی گوناگو صلاحیتوں کا مظاہرہ پیش کرتے ہوئے شریک حاضرین سے داد و تحسین حاصل ...

متحدہ عرب امارات میں شدید بارش؛ نظام زندگی مفلوج، عمان میں 18 افراد جاں بحق

  متحدہ عرب امارات (یو اے ای) اور اس کے گردونواح میں منگل کو طوفانی بارش ہوئی۔ صورتحال ایسی ہو گئی کہ متحدہ عرب امارات میں ہر طرف پانی ہی پانی نظر آیا۔ سیلاب کے باعث کئی شہر جام ہو گئے۔ وہیں، پڑوسی ملک عمان میں شدید بارشوں سے آنے والے سیلاب کے باعث 18 افراد ہلاک ہو چکے ہیں۔

عمان میں سیلاب سے تباہی، 13 افراد جاں بحق، لاپتہ لوگوں کی تلاش جاری

مشرق وسطیٰ کے شہر عمان میں اس وقت سیلاب نے زبردست تباہی مچا رکھی ہے۔ اتوار سے ہی عمان میں سیلاب کا قہر دیکھنے کو مل رہا ہے اور پیر کے روز بھی موسلادھار بارش کی خبریں سامنے آ رہی ہیں۔ موصولہ اطلاع کے مطابق اب تک اس سیلاب نے 13 لوگوں کی جان لے لی ہے اور کئی دیگر لاپتہ ہیں جن کی تلاش ...

سعودی عربیہ میں روڈ ایکسڈینٹ کے کیس میں پھنسا ہے بھٹکل کا ایک نوجوان؛ بھٹکل کمیونٹی جدہ اور بھٹکل مسلم خلیج کونسل سے مدد کی اپیل

  بھٹکل بیلنی کا ایک  28 سالہ نوجوان محمد خالد ابن محمد جعفر گذشتہ چار سال سے   سعودی عربیہ کے   تيماء  میں معمولی  روڈ ایکسیڈنٹ کے   ایک کیس میں بری طرح پھنس گیا ہے اور عدالت نے اُس پر 34500 ریال (قریب سات لاکھ ہندوستانی رقم ) کا جرمانہ عائد کیا ہے۔ نوجوان کا کہنا ہے کہ اُس کی ...

سعودی عربیہ میں اندوہناک سڑک حادثہ؛ کرناٹک کے تین لوگ جاں بحق، بھٹکل کے قریب منڈگوڈ سے تھا تعلق

ریاست کرناٹک کے ضلع اُترکنڑا کے منڈگوڈ سے تعلق رکھنے والے ایک ہی خاندان کے تین افراد سعودی عربیہ میں عمرہ کی ادائیگی کے دوران اُس وقت جاں بحق ہوگئے جب سڑک پر تیز رفتاری کے ساتھ دوڑتی ہوئی ایک لینڈ کروزرجس پر یہ لوگ سوار تھے ، کا ایک پہیہ اچانک پنکچر ہوگیا اور گاڑی بے قابو ہوکر ...