منگلورو میں سینکڑوں مہاجر مزدور سڑکوں پر نکل آئے، آبائی ریاست جھارکھنڈ واپس بھیجنے کا مطالبہ
منگلورو،17؍مئی(ایس او نیوز؍ پی ٹی آئی) حکومت اور انتظامیہ کی جانب سے تمام دعوؤں کے باوجود اب بھی کئی مزدور (مائیگریٹ ورکرس) دوسری ریاستوں میں پھنسے ہوئے ہیں۔ مزدوروں کے صبر کا پیمانہ چھلک رہا ہے اور کئی مقامات پر احتجاجی مظاہروں کی خبریں بھی آرہی ہیں۔کرناٹک میں پھنسے جھارکھنڈ کے مزدوروں نے ان کی آبائی ریاست بھیجے جانے کے لیے احتجاج کیا۔
منگلورو کے ٹاؤن ہال کے باہر سینکڑوں غیر مقامی مزدور جمع ہوگئے اور جھارکھنڈ حکومت سے مطالبہ کیا کہ انہیں ان کی آبائی ریاست بھیجنے کے لیے ٹرینوں کا انتظام کیا جائے۔ مزدوروں کے مظاہرے کا ویڈیو بھی وائرل ہورہا ہے جس میں وہ جھارکھنڈ حکومت کو انتباہ دیتے ہوئے کہہ رہے ہیں کہ اگر حکومت ٹرینوں کا انتظام نہیں کراتی ہے تو وہ سڑکوں پر سوئیں گے، مرجائیں گے مٹ جائیں گے لیکن احتجاجی مظاہرہ جاری رکھیں گے۔ مزدوروں نے جھارکھنڈ واپس جائیں گے کا نعرہ بھی بلند کیا۔
واضح رہے کہ لاک ڈاؤن کی وجہ سے پھنسے مزدوروں کو ان کے گھر بھیجنے کے لیے حکومت شرمک اسپیشل ٹرینیں چلارہی ہیں۔ پھر بھی کچھ مزدوروں تک یہ سہولت نہیں پہنچ پارہی ہے۔ ایسے میں کہیں مزدور ریل پڑیوں اور سڑکوں پر پیدل چلے جارہے ہیں تو کہیں ٹرکوں میں بھر کر بھیجے جارہے ہیں۔