جھارکھنڈ الیکشن:جزوی تشددکے درمیان دوسرے مرحلے کی 20 نشستوں پر62فی صدووٹنگ
رانچی7دسمبر(آئی این ایس انڈیا) جھارکھنڈ اسمبلی انتخابات کے دوسرے مرحلے میں ہفتہ کی شام 5 بجے پولنگ مکمل ہونے تک 62.24 فیصد رائے دہندگی ریکارڈ کی گئی۔ تشددکے ایک دوواقعے کے سوا، دوسرے مرحلے میں، تمام بیس نشستوں کے لیے پر امن طریقے سے 62.24 فیصد رائے دہندگی کی گئی۔ چیف الیکٹورل آفیسر ونے کمارچوبے نے اس بارے میں معلومات دیتے ہوئے کہاہے کہ کچھ دوسرے دور دراز علاقوں سے پولنگ کا ڈیٹا موصول ہونے کے بعد رائے دہندگی کا تناسب مزید بڑھ سکتا ہے۔
دوسرے مرحلے میں، سب کی نگاہیں جمشید پور مشرقی نشست پر مرکوز ہیں، جہاں ان کی اپنی حکومت کے وزیر سریو رائے ریاست کے وزیراعلیٰ رگھوور داس کے خلاف مقابلہ کررہے ہیں۔ اسی کے ساتھ ساتھ، ترجمان گوراو ولبھ کانگریس سے ہیں۔سیسائی میں،سیکیورٹی فورسز اور دیہاتیوں کے مابین جھڑپ میں فورس کی فائرنگ کے تبادلے میں ایک دیہاتی ہلاک اور دو دیگر زخمی ہوگئے۔نوڈل آفیسر مراریال مینا نے بتایا کہ صبح سیسائی میں دیہاتیوں اور سکیورٹی اہلکاروں کے مابین کسی چیز کو لے کرجھڑپ ہوئی جس کو کچھ سماج دشمن عناصر نے بوتھ نمبر 36 پرقبضہ کرنے کی کوشش کی۔ اس کے بعد، فائرنگ کے تبادلے میں ایک دیہاتی ہلاک اور دو دیگر افراد زخمی ہوگئے۔انہوں نے بتایا کہ زخمیوں کی حالت خطرے سے باہر بتائی گئی ہے۔ ٹانگ میں گولی لگی ایک زخمی شخص کو علاج کے لئے رانچی کے رمز لایا گیا ہے۔ گولی دوسرے زخمی شخص کے کاندھے کو چھوتی ہوئی نکلی جس سے اس کو معمولی چوٹ پہنچی۔چوبے نے بتایاہے کہ پولنگ اسٹیشن نمبر 36 پر پولنگ متاثرہوئی ہے۔جھارکھنڈ کی 81 رکنی اسمبلی کے لیے 20 دسمبر تک پولنگ پانچ مرحلوں میں ہونی ہے۔ پہلے مرحلے میں، 30 نومبر کو 13 نشستوں پر ووٹ ڈالے گئے تھے۔ ووٹوں کی گنتی 23 دسمبر کو ہوگی۔