سرسی :23؍فروری(ایس اؤ نیوز)راہ چلتی خواتین کے گلےمیں اور ان کے  جسم  پر موجود سونے کے زیورات کو چھین کر فرار ہونے والے لٹیرے کو شہر کی مارکیٹ تھانہ  پولس نے گرفتار کرتےہوئے 1لاکھ روپئے  مالیت کے سونے کے زیورات ضبط کرلینے کا واقعہ پیش آیا ہے۔

کمٹہ تعلقہ کے ماسور کا گوند گوڈا(40) ہی گرفتار شدہ ملزم ہے۔ ملزم سرسی ، کمٹہ اور دیگر مقامات پر عورتوں پر حملہ کرتے ہوئے ان کے گلے میں موجود سونے کے ہار، منگل سوترا، انگلیوں میں پہنی ہوئی انگوٹھیاں وغیرہ چھین کر فرار ہوتاتھا۔ ملزم گوند سے پولس نے 25ہزار روپئے مالیت کی بجاج موٹر بائک، 7000روپئے مالیت کی انگوٹھی ، 42ہزارروپئے مالیت کا ہار، 52ہزار روپئے مالیت کا منگل سوترا ضبط کرلیا گیا ہے۔

12فروری کو شہر کے کستوربا نگر میں اسی ملزم نے ایک خاتون کے گلے سے سونے کا ہار لوٹ کر فرار ہواتھا۔ مارکیٹ پولس تھانےمیں معاملے کو لے کر کیس درج ہواتھا۔ پولس معاملے کی تفتیش کی تو پتہ چلا کہ ملزم اس سے قبل بھی کئی ایک معاملات میں  ملوث ہےاعلیٰ افسران ، سی پی آئی پردیپ کی رہنمائی میں پی ایس آئی ناگپا اور عملے نے کارروائی کرتےہوئے ملزم کو گرفتار کیا ہے۔