کلبرگی میئر الیکشن: بی جے پی کو ملی بُری خبر، کانگریس کو ملا جے ڈی ایس کا ساتھ

Source: S.O. News Service | Published on 12th September 2021, 12:37 AM | ریاستی خبریں |

کلبرگی،11؍ستمبر (ایس او نیوز) برسراقتدار بی جے پی کو جھٹکا دیتے ہوئے جے ڈی ایس نے کرناٹک میں کلبرگی میونسپل کارپوریشن کے لیے اپنے میئر امیدوار کو چننے کے لیے کانگریس کے ساتھ جانے کا فیصلہ کیا ہے۔ جیسے جیسے چیزیں آگے بڑھ رہی ہیں، جے ڈی ایس نے اپنے منتخب اراکین کو بنگلورو بلا لیا ہے اور انھیں فی الحال کے لیے ایک ریسورٹ میں منتقل کر دیا ہے۔

کلبرگی میونسپل کارپوریشن الیکشن میں اپوزیشن کانگریس نے 55 رکنی ایوان میں 27 نشستیں جیت کر سب سے بڑی پارٹی ہونے کا سہرا حاصل کر لیا ہے۔ بی جے پی کو پہلی بار 23 سیٹیں ملی ہیں، جب کہ جے ڈی ایس کو 4 سیٹیں حاصل ہوئی ہیں۔ اس الیکشن میں جے ڈی ایس کنگ میکر بن کر ابھری ہے۔ الیکشن میں ایک آزاد امیدوار بھی جیتا ہے۔ یہ امکان ظاہر کیا جا رہا تھا کہ جے ڈی ایس کی مدد سے بی جے پی بہ آسانی برسراقتدار ہو جائے گی، لیکن ایسا نہیں ہوا۔ پارٹی ذرائع نے کہا کہ چیزیں بدل گئی ہیں، کیونکہ راجیہ سبھا میں اپوزیشن لیڈر ملکارجن کھڑگے نے ذاتی طور سے جے ڈی ایس سربراہ اور سابق وزیر اعظم ایچ ڈی دیوگوڑا سے بات کی۔

ذرائع کا کہنا ہے کہ جے ڈی ایس نے پیر کے روز پارٹی اراکین اسمبلی کی میٹنگ طلب کی ہے۔ میٹنگ کے بعد کانگریس کے ساتھ جانے پر فیصلہ کا اعلان کیا جائے گا۔ کانگریس کے ساتھ جانے کے جے ڈی ایس کے فیصلے نے اہمیت حاصل کر لی ہے اور پارٹی ذرائع کا کہنا ہے کہ یہ 2023 میں آئندہ اسمبلی انتخاب کے لیے کرناٹک کی علاقائی پارٹی کے کانگریس کے ساتھ اتحاد کے لیے بہتر ماحول سازگار بنائے گا۔

دیوگوڑا اور کماراسوامی نے کہا ہے کہ وہ عوام میں نمائندوں کی خواہش کے مطابق جائیں گے۔ دیوگوڑا نے تذکرہ کیا ہے کہ ملکارجن کھڑگے اور وزیر اعلیٰ بسوراج بومئی دونوں نے ان سے جے ڈی ایس کی حمایت طلب کی ہے۔ برسراقتدار بی جے پی رکن پارلیمنٹ امیش جادھو پہلے ہی اعلان کر چکے ہیں کہ بی جے پی اپنے میئر امیدوار کا انتخاب کرے گی۔ کلبرگی کی قیدت سنبھالنا کھڑگے اور بومئی کے درمیان وقار کا ایشو بن گیا ہے۔ قومی پارٹیوں بی جے پی اور کانگریس کے ذریعہ اغوا کے خوف سے جے ڈی ایس نے اپنے منتخب اراکین کو بنگلورو بلایا اور انھیں ایک ریسورٹ میں منتقل کر دیا۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔