بنگلورو،25؍ستمبر(ایس او نیوز) جنتادل (ایس) کے قومی صدر مسٹر ایچ ڈی دیوے گوڈا،جنتادل کے قومی جنرل سکریٹری ظفر اللہ خان،سینئر نائب صدر سید شفیع اللہ اور جنتادل ایس بنگلور کے صدر پرکاش کی موجودگی میں شہر کے چار اسمبلی حلقے داسرہلی،یشونت پور،ہیبال اور چک پیٹ علاقے کی کئی اہم شخصیات جن میں کنڑا نیوز چینل کے ایڈیٹر نذیر احمد عرف کنڑا نذیر اور ان کی اہلیہ ارشاد جہاں شامل ہیں اور ہزاروں افرادنے جے ڈی ایس میں شمولیت اختیار کی-یہ اجلاس بنگلور مائنارٹی سیل بنگلور اربن کے صدر سلیم پاشاہ کی صدارت میں منعقد ہوا- ایچ ڈی دیوے گوڈا نے جے ڈی ایس میں شامل ہونے والے تمام افراد کا شکریہ اداکیا -انہوں نے کہا کہ ریاست بھر میں ضلعی سطح پر اس طرح کے اجلاس منعقد کرکے کثیر تعداد میں لوگوں کو پارٹی میں شامل کیاجائے گا - رکنیت سازی کی اس مہم کو بڑی تیزی آگے بڑھا تے ہوئے پارٹی کو مضبوط بنایاجائے گا-انہوں نے کہا کہ آنے والے ضمنی انتخابات میں جے ڈی ایس زیادہ سے زیادہ حلقوں میں جیت حاصل کرے گی-اس موقع پرظفر اللہ خان نے خطاب کرتے ہوئے کہا کہ مائنارٹی سیل نے پارٹی کو مضبوط بنانے میں بہت اہم رول ادا کیاہے- اس موقع پر سید شفیع اللہ نے کہا کہ سلیم پاشاہ کی خدمات قابل فخر ہیں اتنی کم عمری میں انہوں نے ہزاروں لوگوں کو پارٹی میں شمولیت اختیار کراکربہت بڑا کام انجام دیاہے-پارٹی میں ایسے کام کرنے والے نوجوانوں کی ضرورت ہے - انہوں نے کہا کہ جے ڈی ایس پارٹی ہمیشہ اقلیتوں کے ساتھ رہی ہے، پارٹی میں اقلیتی طبقہ کے لوگوں کو اہم عہدے بھی دیئے گئے ہیں -اس موقع پر کنڑا نذیر کو جنتادل مائنارٹی سیل بنگلور اربن کا جنرل سکریٹری اور ان کی اہلیہ ارشاد جہاں کو مائنارٹی سیل کا نائب صدر مقرر کرنے کا اعلان کیاگیا اور 50سے زائد افراد کو مختلف عہدوں کی ذمہ داری دی گئی-اجلاس میں بی بی ایم پی ایجوکیشن اسٹانڈنگ کمیٹی کے چیرمین عمران پاشاہ،جے ڈی ایس صدور اورلیڈران کثیر تعداد میں شریک رہے-