اسمبلی چناؤ میں جے ڈی ایس اور پارلیمانی الیکشن میں بی جے پی کی تائید کرنے والے مطلب پرست: ریاستی وزیر ڈاکٹر سدھاکر

Source: S.O. News Service | Published on 7th December 2021, 12:30 PM | ریاستی خبریں |

کولار،7؍دسمبر (ایس او نیوز) کولار چکبالاپورحلقہ سے اسی ماہ 10دسمبر کو ہونے جارہے کونسل چناؤ کی انتخابی مہم چلانے کیلئے آئے ہوئے ریاستی وزراء چکبالاپور کے نگران کار وزیر اور ریاستی وزیر برائے ہیلتھ ڈاکٹر سدھاکر کولار ضلع نگراں کار وزیر منی رتنا اور پارٹی لیڈروں نے آج کولار کے پریس بھون میں ایک اخباری کانفرنس طلب کی تھی۔

اس پریس کانفرنس سے خطاب کرتے ہوئے ڈاکٹر سدھاکر نے بتایا کہ آج کانگریس لیڈروں کی حالات ایسی ہوچکی ہے کہ پارٹی میں ہی رہ کر چناؤ میں اپنے امیدواروں کی تائید کرنے کی بجائے اسمبلی چناؤ میں جنتادل کی حمایت اور پارلیمان چناؤ میں بی جے پی کی حمایت کرتے آرہے ہیں، ایسے مفاد پرست لیڈروں پر کیسے بھروسہ کیا جاسکتا ہے اور ان تمام کے لیڈر سرینواس پور کے رکن اسمبلی رمیش کمار ہیں جن کو سوامی کہا جاتا ہے۔ ایسے سوامی اور ان کی گروپ پر بھروسہ نہ کرنے کی انہو ں نے ووٹروں سے گزارش کی۔

انہوں نے مزید بتایا کہ اس ضلع میں تینوں پارٹیوں میں مقابلہ ہے، مگر بی جے پی سب سے الگ ہے، اس چناؤ میں ووٹرس خود کہتے آرہے ہیں کہ اس مرتبہ ہم سب مودی کی خاطر بی جے پی کو ووٹ دے کر کامیاب کریں گے۔ دیکھا جائے تو گرام پنچایتوں کے چناؤ کسی بھی پارٹی نشان پر نہیں ہوتے اور پھر بھی اراکین منتخب ہوتے ہیں وہ سب آزاد ہیں۔ اس لئے ہم سب سے ملاقات کررہے ہیں۔

کولار ضلع کے وزیر منی رتنا نے کہا کہ بی جے پی پارٹی نے ایک قابل شخص کو امیدوار بنایا ہے۔ وہ اس ضلع میں کافی مقبول ہیں اور وہ ڈاکٹر بھی ہیں اور پارٹی کے وفادار بھی ہیں۔ ضلع بھر میں عوام ان کو پسند کرتے ہیں۔ ووٹرس بھی ہمارا ساتھ دینے تیار ہیں، اس لئے 10دسمبر کے چناؤ میں ہمارے امیدوار کی کامیابی یقینی ہے۔ منی رتنا نے بتایا کہ ملک میں مودی اور ریاست میں بومئی سرکار میں عوام کی فلاح کیلئے بہت سے کام ہورہے ہیں ان کو دیکھ کر کامیابی بھی یقینی ہے۔

اجلاس میں رکن پارلیمان سابق وزیر ناگیش،ورتور پرکاش رکن کونسل وائی اے نارائن سوامی،سابق اراکین اسمبلی کے ساتھ امیدواربھی موجود تھے۔

ایک نظر اس پر بھی

اُڈپی کالج میں حجاب کا مسئلہ: ہیومن رائٹس کمیشن نے سنگین الزامات پر حکومت سے مانگی رپورٹ

اُڈپی میں ایک سرکاری اسکول میں طالبات کے حجاب کا تنازع ختم ہونے کا نام نہیں لے رہاہے۔ اس معاملے میں جہاں حکومت کرناٹک نے ایک اسپرٹ کمیٹی تشکیل دی ہے، وہیں قومی انسانی حقوق کمیشن(این ایچ آر سی) نے اس معاملے میں ریاستی حکومت کو نوٹس جاری کرکے جواب طلب کیا ہے۔

کولار؛ اسکول کے کمرے میں جمعہ کی نماز پڑھنے کی اجازت دینے پر ہیڈ مسٹریس معطل؛ انصاف کا مطالبہ کرتے ہوئے آئیٹا نے کیا تشویش کا اظہار

ہندو تنظیموں کے احتجاج اور اُن کی ناراضگی کے بعد محکمہ تعلیم کے حکام نے کرناٹک کے کولار ضلع میں ایک سرکاری اسکول کی ہیڈ مسٹریس کو مسلم طلباء کو کلاس روم میں نماز پڑھنے کی اجازت دینے پر معطل کر دیا ہے۔

رائچورعدالت میں ترنگا جھنڈا لہرانے کےلئے ہٹانی پڑی امبیڈکر کی تصویر، دلت تنظیموں نے احتجاجاً کیا والک آؤٹ

یہاں کے ضلعی عدالت کے ایک جج نے امبیڈ کی کر تصویر کو ہٹانے کا مطالبہ کرتے ہوئے پرچم کشائی کی رسم ادا کرنے سے انکار کرنے کا واقع سوشیل میڈیا پر تیزی سے وائرل ہوتا دکھائی دے رہا ہے۔

شیموگہ میں کار اور ٹپر کی ٹکر؛ دو لوگوں کی موقع پر موت

دو افراد اُس وقت ہلاک ہوگئے جب ایک ٹپر لاری نے مخالف سمت سے جارہی ایک کارکو ٹکرماردیا۔ مہلوک کی شناخت بھدراوتی کے رہائشی  شنموگ (39) اور رام چندر(40) کے طور پر کی گئی ہے۔ حادثہ جمعرات کی صبح بنگلور۔ شموگہ نیشنل ہائی وے پربھدراوتی تعلقہ کے ماچن ہلّی میں پیش آیا۔

بنگلورو: یوم جمہوریہ کے موقع پر10ڈرائیورس اور کنڈکٹرس کو گولڈ اور سلور میڈل

کرناٹک اسٹیٹ روڈ ٹرانسپورٹ کار پوریشن (کے ایس آر ٹی سی) سنٹرل دفتر میں 73ویں یوم جمہوریہ تقریب منا ئی گئی۔ کے ایس آر ٹی سی کے مینیجنگ ڈائرکٹر شیوا یوگی کلسد، آئی اے ایس نے مہاتما گاندھی،ڈاکٹر بی آر امبیڈکر اور سنگولی رائنا کی تصاویر پر پھول نچھاور کر تے ہوئے انہیں خراج عقیدت پیش ...