بھٹکل:12؍ستمبر(ایس اؤ نیوز) اترکنڑا ضلع پنچایت ، تعلیمات عامہ محکمہ اترکنڑا ،تعلقہ فزیکل ٹیچرس سنگھ کے اشتراک سے تعلقہ کے بیلکے ہائی اسکول میدان میں بھٹکل تعلقہ سطح کے پرائمری اور ہائی اسکول لیول کھیل مقابلوں کا ضلع پنچایت صدر جئے شری موگیرنے افتتاح کیا۔

افتتاح کے بعد خطاب کرتے ہوئے انہوں نے کہاکہ تعلقہ میں کئی بہترین کھلاڑی ہیں ان کی اسی نہج پر تربیت کی جائے تو وہ قومی سطح پر بھی بہترین کارکردگی کا مظاہرہ کرسکتےہیں۔ کھیل کا شعبہ بہت وسیع ہے  موجودہ جدید ٹکنالوجی کے دور میں بہت  آسانی کے ساتھ معلومات حاصل کی جاسکتی ہیں طلبا کو چاہئے کہ وہ کھیل کے میدان میں بھی اس کا استعمال کرتےہوئے آگے بڑھیں۔

بیلکے گرام پنچایت صدر رمیش نائک نے تقریب کی صدارت کی۔ ضلع پنچایت ممبر سندھو بھاسکر نائک نے پرچم کشائی کی۔ تعلقہ پنچایت ممبر میناکشی نائک ، جئے لکشمی گونڈ نے بھی اپنے خیالات کااظہار کیا۔ زونل آفسر یلما مری سوامی ، پرائمری اسکول ٹیچرس سنگھ کے صدر شنکر نائک ، تعلقہ ہائی اسکول فزیکل ٹیچرس سنگھ کے صدر سریش نائک ، گوپال نائک، پرکاش شیٹھ شرالی ، ایم بی نائک وغیرہ ڈائس پر موجود تھے۔ مدھوکر ہیگڈیکر اور سجاتا گوڈا نے نظامت کی ۔ بی وی نائک نے شکریہ اداکیا۔