جسپریت بمراه کے ون ڈے میں 100 وکٹ مکمل

Source: S.O. News Service | By Shahid Mukhtesar | Published on 7th July 2019, 11:11 AM | اسپورٹس |

لیڈز،7؍جولائی (ایس او نیوز)  ہندستانی فاسٹ بولر جسپريت بمراه نے سری لنکا کے خلاف ہفتہ کو آئی سی سی ورلڈ کپ میچ میں ون ڈے انٹرنیشنل کرکٹ میں اپنے 100 وکٹ پورے کرنے کی کامیابی حاصل کر لی۔ بمراه سب سے تیز 100 ون ڈے وکٹیں مکمل کرنے والے دوسرے ہندوستانی بولر بن گئے ہیں۔

بمراه نے هیڈنگلے میں عالمی کپ میچ میں سری لنکا کے کپتان دمتھ كرونارتنے کا وکٹ لینے کے ساتھ ہی ون ڈے میں اپنے 100 وکٹ بھی پورے کر لیے۔ اس میچ سے پہلے بمراه کے ون ڈے میں 99 وکٹ تھے اور وہ وکٹوں کی سنچری مکمل کرنے سے صرف ایک قدم ہی دور تھے۔

آئی سی سی ون ڈے رینکنگ میں دنیا کے نمبر ایک بولر بمراه کے کیریئر کا یہ 57 واں ون ڈے ہے۔ ہندوستانی گیند بازوں میں سب سے تیز 100 وکٹ پورے کرنے کے معاملے میں محمد سمیع ان سے آگے ہیں۔ سمیع نے 56 میچوں میں یہ کامیابی حاصل کی تھی جبکہ بمراه 57 ویں میچ میں اس کامیابی پر پہنچے ہیں۔ ون ڈے میں سب سے تیز 100 وکٹ لینے کا ریکارڈ افغانستان کے راشد خان کے نام ہے، جنہوں نے 44 ون ڈے میں یہ ہندسہ چھو لیا تھا۔

بمراه نے اس میچ میں 10 اوور میں 37 رن پر تین وکٹ لئے جس کے بعد ان کے وکٹوں کی تعداد 102 تک پہنچ چکی ہے۔ 25 سالہ بمراه کے نام 10 ٹیسٹ میچوں میں 49 وکٹ ہیں جس میں 33 رن پر چھ وکٹ ان کی بہترین کارکردگی ہے جبکہ ٹوئنٹی 20 بین الاقوامی فارمیٹ کے 42 میچوں میں انہوں نے 51 وکٹ لئے ہیں۔

بمراه نے آسٹریلیا کے خلاف 2016 میں ڈیبو کیا تھا اور تبھی سے ہندوستانی ٹیم میں مسلسل کھیل رہے ہیں۔ موجودہ عالمی کپ کے آٹھ میچوں میں وہ 17 وکٹ لے چکے ہیں۔

ایک نظر اس پر بھی

منکی اور مرڈیشور کے ساحل اور محمد حیات کرناٹکا یونیورسٹی دھارواڑ کے کرکٹ یونیورسٹی بلیو منتخب

کھیل کے میدان میں بھٹکل اور اطراف کے کھلاڑیوں کا یونیورسٹی بلیو منتخب ہونا عام ہوتاجارہا ہے، تازہ خبر یہ ہے کہ  پڑوسی علاقہ منکی اور مرڈیشور سے تعلق رکھنےو الے دونوجوان کرکٹ میں کرناٹکا یونیورسٹی دھارواڑ کی کرکٹ ٹیم کے لئے  منتخب ہوگئے ہیں

پہلے ٹسٹ میں ہندوستان نے بنگلہ دیش کو اننگز اور 130 رن سے شکست دی

 تیز گیند باز محمد سمیع (31 رن پر 4 وکٹ) اور آف اسپنر روی چندرن اشون (42 رن پر تین وکٹ) کی بہترین گیند بازی کی بدولت ہندوستان نے بنگلہ دیش کو پہلے کرکٹ ٹسٹ کے تیسرے ہی دن اننگز اور 130 رنوں سے شکست دے کر دو میچوں کی سیریز میں 1۔0 کی برتری حاصل کرلی۔

نیلامی میں 73 کھلاڑیوں کے خریدنے پر 207 کروڑ روپئے خرچ

آئی پی ایل کے 13 ویں سیشن کے لئے 19 دسمبر کو کولکتہ میں ہونے والی نیلامی سے پہلے آٹھ ٹیموں نے جمعہ کو ری ٹین اور ریلیز کئے گئے کھلاڑیوں کا اعلان کر دیا۔ کھلاڑیوں کے معاہدہ کو بڑھانے کےاعلان کی آج آخری تاریخ تھی ۔