سعودی عربیہ کے منطقۃ الشرقیہ میں مقیم بھٹکل کمیونٹی کا 9 جون کو ہوگا جشن ملن؛ کار، موٹر بائک اور زیورات سمیت ڈھیر سارے انعامات کا اعلان؛ ساحل آن لائن پرپروگرام ہوگا لائیو
دمام 6 جون (سرفراز جاکٹی /ایس او نیوز) سعودی عربیہ کے الخوبر کورنیش میں مورخہ 9 جون کو بھٹکل کمیونٹی کی جانب سے جشن ملن کا انعقاد کیا گیا ہے جس میں منطقۃ الشرقیہ میں مقیم جماعت کے تمام اراکین سے شرکت کی درخواست کی گئی ہے۔
بی ایم جے منطقۃ الشرقیہ جشن ملن 2022 کی یہ تقریب الخوبر کورنیش میں واقع ہوٹل ہولیڈے اِن میں 9 جون بروز جمعرات رات ٹھیک ساڑھے دس بجے شروع ہوگی۔ پروگرام کو دلچسپ بنانے کے لئے بہت سارے تفریحی پروگرام ہوں گے،ساتھ ساتھ ریفل ڈراء کے ذریعے ممبران میں کار، موٹر بائکس، زیورات، انڈیا ریٹرن ٹکیٹس سمیت ڈھیر سارے دوسرے انعامات بھی تقسیم کئے جائیں گے۔ پروگرام کو ساحل آن لائن پر لائیو ٹیلی کاسٹ کرنے کے تعلق سے انتظامات کئے جارہے ہیں۔
پروگرام کے کنوینر جواّد احمد سکری نے بتایا کہ پروگرام میں شریک ہونے کے لئے داخلہ ٹکٹ حاصل کرنے کی آخری تاریخ 6 جون (یعنی آج) رات بارہ بجے تک ہے،ا س کے بعد آنے والوں کو ٹکٹ نہیں دی جائے گی۔ انہوں نے یہ بھی بتایا کہ 9 جون کو رات نو بجے سے رات ساڑھے دس بجے تک طعام کا انتظام رہے گا، جس کے بعد مہمانان کے خطاب سمیت تفریحی پروگرامس ہوں گے۔
جوّاد احمد سکری کی دی گئی اطلاع کےمطابق جشن ملن میں مہمان خصوصی کے طور پر بھٹکل مسلم خلیج کونسل کے سکریٹری جنرل جناب عتیق الرحمن مُنیری کو مہمان خصوصی کے طور پر دبئی سے مدعو کیا گیا ہے، ان کے ساتھ ساتھ اعزازی مہمان کے طور پر بھٹکل جماعت المسلمین کے نائب قاضی( دوم) اور نوجوان عالم دین مفتی عبدالنور فکردے ندوی صاحب کو بھٹکل سے مدعو کیا گیا ہے۔ پروگرام کی رونق بڑھانے کے لئے ہندوستان کے مشہور شاعر جناب الطاف ضیاء اور بھٹکل کے معروف نعت خواں جناب زفیف شینگری بھی تشریف لارہے ہیں۔ پروگرام کی صدارت جماعت کے صدر جناب سید فاروق پیرزادے کریں گے۔
جماعت کے جنرل سکریٹری مولوی تنویر احمد جوشیدی نے بتایا کہ دمام میں داخلہ ٹکٹ جناب اقبال ائیکری صاحب (ویسٹرن ٹیکس)، بینزر یا رئیس صدیقہ (سم سٹی) سے حاصل کی جاسکتی ہے۔ الخوبر میں جناب ارشاد رکن الدین( بندو) یا جناب عمیر برماور سے رابطہ کرسکتے ہیں، الجبیل میں جناب موٹیا طیب یا جناب عبدالرحمن پٹیل ، رحیمہ میں جناب صہیب منّا اور الاحساء میں جناب فہیم سعدا سے رابطہ کیا جاسکتا ہے۔ مزید جانکاری کے لئے جشن ملن کے کنوینر جواّد احمد سکری سے موبائل نمبر 0500385171 پر رابطہ کیا جاسکتا ہے۔