راجستھان میں اگلے سال ایک اپریل سے نافذہوگا ’جن آدھار کارڈ‘

Source: S.O. News Service | Published on 15th December 2019, 11:31 PM | ملکی خبریں |

نئی دہلی،15/دسمبر(ایس او نیوز/آئی این ایس انڈیا) راجستھان حکومت نے ریاست کے شہریوں کو مختلف سرکاری اسکیموں کا فائدہ دینے کے لئے ایک نیا کارڈ ’جن آدھارکارڈ لانے کا باقاعدہ اعلان کر دیا ہے۔اشوک گہلوت حکومت کے دور کا ایک سال پورے ہونے کے موقع پر 18 دسمبر کو یہاں جن آدھار یوجنا کا آغاز ہوگا اور اگلے سال ایک اپریل سے یہی کارڈ نافذ ہوگا۔ایک سینئر افسر نے بتایا کہ نئے ’جن آدھار کارڈ‘ کے وجود میں آنے کے بعد پیشرو بی جے پی حکومت کی طرف سے جاری کیا گیا ’بھاماشاہ کارڈ‘ بند ہو جائے گا۔افسر نے کہا کہ موجودہ ’بھاماشاہ کارڈ‘ کی جگہ ’جن آدھار کاڈر‘ جاری کرنے کے عمل کو شروع کر دیاگیا ہے اسے اگلے تین ماہ میں مکمل ہونے کی امید ہے۔انہوں نے کہا کہ جن آدھار کارڈ 10 ہندسوں کا مخصوص نمبر والا ہوگا۔اس کا رجسٹر جن آدھارپورٹل یا ای مترپر جاکر ڈاؤن کرایا جا سکے گا۔ریاست کے وزیر صحت ڈاکٹر رگھو شرما نے اسی ہفتے کابینہ کے اجلاس کے بعد کہا تھاکہ پورے راجستھان میں بھاماشاہ کارڈ 31 مارچ 2020 تک رپلیس ہو جائے گا۔اس کے بعد جن آدھار کارڈ ہی کام میں آئے گا۔ جن آدھار کارڈ کا نمبر الگ بنے گا۔بھاماشاہ کارڈ کا نمبر 31 مارچ 2020 کے بعد ختم ہوجائے گا۔قابل ذکر ہے کہ بھاماشاہ کارڈ کے آغاز 2014 میں اس وقت کے وسدھرا راجے حکومت نے کیا تھا۔اس میں خاندان کی خواتین کے نام پر کارڈ جاری کیا جاتا ہے اور عوامی تقسیم کے نظام، مفت طبی، پنشن سمیت تمام سرکاری منصوبوں کے فوائد اسی کارڈ کے ذریعے ہوں گے۔ اسی ایم گہلوت نے جولائی میں پیش اپنے بجٹ میں راجستھان جن آدھار منصوبہ لانے کی بات کہی تھی۔اس گاڈلان کے مطابق اس کے تحت ریاست کے ہر خاندان کو جن آدھار کارڈ دیا جائے گا۔

ایک نظر اس پر بھی

ممبئی میں ڈی آر آئی کی بڑی کارروائی، 10 کروڑ روپئے کا غیر ملکی سونا ضبط، چار گرفتار

ڈائریکٹوریٹ آف ریونیو انٹیلی جنس (ڈی آر آئی) نے ممبئی میں سونے کی اسمگلنگ کے ایک بڑے ریکیٹ کا پردہ فاش کیا ہے۔ ایک سرچ آپریشن کے دوران ڈی آر آئی نے 10.48 کروڑ روپئے کا سونا، چاندی، نقدی اور کئی مہنگے سامان ضبط کیے ہیں جبکہ دو افریقی شہریوں کے ساتھ چار لوگوں کو گرفتار کیا ہے۔

کانگریس کے منشور سے مودی گھبرا گئے ہیں، ذات پر مبنی مردم شماری کو کوئی طاقت نہیں روک سکتی: راہل گاندھی

کانگریس کے سابق صدر راہل گاندھی نے دہلی کے جواہر بھون میں ’ساماجک نیائے سمیلن‘ سے خطاب کیا۔ اس خطاب میں انہوں نے پی ایم مودی اور بھارتیہ جنتا پارٹی پر سخت حملہ کرتے ہوئے کہا کہ جو لوگ خود کو ’دیش بھکت‘ کہتے ہیں وہ 90 فیصد لوگوں کے لیے ’نیائے‘ (انصاف) کو یقینی بنانے والی ذات ...

اجیت پوار اور ان کی اہلیہ کو مہاراشٹر اسٹیٹ کوآپریٹو بینک گھوٹالہ کیس میں ’کلین چٹ‘ مل گئی

 مہاراشٹر کے ڈپٹی سی ایم اجیت پوار اور ان کی اہلیہ سنیترا کو بڑی راحت ملی ہے۔ اقتصادی جرائم ونگ نے مہاراشٹر اسٹیٹ کوآپریٹیو بینک گھوٹالے میں ان دونوں کو کلین چٹ دے دی ہے۔ اس کے ساتھ ہی ان کے بھتیجے روہت پوار سے وابستہ کمپنیوں کو بھی کلین چٹ دے دی گئی ہے۔

ای وی ایم-وی وی پیٹ معاملہ: ’ڈیٹا کتنے دنوں تک محفوظ رکھتے ہیں‘؟ الیکشن کمیشن سے سپریم کورٹ کا سوال

ای وی ایم- وی وی پیٹ معاملے پر سپریم کورٹ نے الیکشن کمیشن سے مزید وضاحت طلب کی ہے۔ ان وضاحتوں پر عدالت نے الیکشن کمیشن کے عہدیدار سے دوپہر 2 بجے تک جواب دینے کے لیے کہا ہے۔ سماعت کے دوران سپریم کورٹ نے الیکشن کمیشن سے دریافت کیا کہ مائیکرو کنٹرولر کنٹرول یونٹ میں ہے یا وی وی ...

کانگریس و دیگر اپوزیشن پارٹیوں کی شکایت کے بعد الیکشن کمیشن کا پی ایم مودی کے بیان کی جانچ کا اعلان

راجستھان کے بانسواڑہ میں پی ایم مودی کے مسلمانوں کے خلاف نفرت انگیز بیان پر ملک و بیرونِ ملک ہو رہی شدید تنقید کے بعد الیکشن کمیشن نے اس کے جانچ کا اعلان کیا ہے۔ الیکشن کمیشن ذرائع کا کہنا ہے کہ وزیراعظم کی تقریر سے متعلق شکایت موصول ہوئی ہیں اور وہ شکایات کمیشن کے زیر غور ہیں۔ ...