نئی دہلی 25اکتوبر(آئی این ایس انڈیا)کانگریس لیڈر ادھیر رنجن چودھری نے ہفتہ کو جموں و کشمیر میں سیاسی نظم و ضبط کی بحالی کا مطالبہ کیا اور جموں و کشمیر کو ریاست کا درجہ بحال کرنے کا مطالبہ کیا تاکہ جلد سے جلد اسمبلی انتخابات کرائے جا سکیں۔ کانگریس لیڈرنے بتایاہے کہ جموں و کشمیر میں ایک سیاسی نظم بحال ہونا چاہیے اور جلد از جلد انتخابات ہونے چاہئیں۔آرٹیکل 370 کی منسوخی پر مرکزی وزیر داخلہ امت شاہ پرطنزکرتے ہوئے انہوں نے کہا ہے کہ آپ کو امت شاہ جی کیا کہنا ہے؟ آپ نے آرٹیکل 370 اور 35 (A) کو ہٹا دیا اور وعدہ کیاکہ کشمیر بدل جائے گا، تاہم ایسا نہیں ہے۔ تو کیا ہوا اور اب کشمیر بہت خراب حالت میں ہے۔ ریاست کا درجہ بحال ہوناچاہیے جو کہ بہت اہم ہے۔امید دینے کی بھی کوشش کریں گے۔ کرفیو ہے۔کانگریس لیڈر نے مزید دعویٰ کیاہے کہ مرکزی علاقے میں انٹرنیٹ بند ہے۔ انہوں نے کہاہے کہ امت شاہ یونین ٹریٹری کا دورہ کر رہے ہیں کیونکہ اب انہیں لگتا ہے کہ یہ ہاتھ سے نکل رہاہے۔