اڈیشہ کے پوری میں مکمل لاک ڈاؤن کے درمیان ’جگن ناتھ یاترا‘ شروع

Source: S.O. News Service | Published on 23rd June 2020, 12:36 PM | ملکی خبریں | ان خبروں کو پڑھنا مت بھولئے |

اڈیشہ،23؍جون (ایس او نیوز؍ایجنسی) سپریم کورٹ کی ہدایت کے مطابق لوگوں کی محدود تعداد کے ساتھ آج صبح اڈیشہ کے پوری میں جگن ناتھ یاترا کا آغاز ہو گیا۔ یاترا نکالنے سے پہلے رتھ کھینچنے والے سبھی لوگوں کا کورونا ٹیسٹ کرایا گیا اور ریزلٹ نگیٹو آنے کے بعد ہی انھیں رتھ کھینچنے کی اجازت ملی۔ اس سے قبل پوری میں پیر کی شب 9 بجے سے بدھ کی دوپہر 2 بجے تک کے لیے مکمل لاک ڈاؤن نافذ کر دیا گیا تاکہ شہر میں کسی کا داخلہ نہ ہو سکے۔

میڈیا ذرائع سے موصول ہو رہی خبروں کے مطابق چونکہ سپریم کورٹ نے ایک رتھ کو کھینچنے کی اجازت 500 سے زیادہ لوگوں کو نہیں دی ہے، اس لیے 3 رتھوں کے لیے 1500 'سیوادار' (خادم) متعین کیے گئے ہیں اور ان سبھی کا کورونا ٹیسٹ ہو گیا ہے۔ یہاں قابل غور یہ بھی ہے کہ جو تین رتھ یاترائیں نکلیں گی، ان کے درمیان کم از کم ایک گھنٹے کا وقفہ رکھنے کی ہدایت عدالت عظمیٰ نے دی ہے۔

واضح رہے کہ پیر کے روز سپریم کورٹ نے اڈیشہ میں ’پوری جگناتھ یاترا‘ کو کچھ شرائط کے ساتھ منظوری دے دی۔ چیف جسٹس شرد اروند بوبڈے، جسٹس اے ایس بوپنا اور جسٹس دنیش مہیشوری کی بینچ کی جانب سے دیرشام جاری تحریری حکم نامے میں 11 شرائط کے ساتھ ’رتھ یاترا‘کی اجازت دی گئی۔ بنچ نے کہا کہ رتھ کو محض 500 ویسے سیوایت یا پولیس اہلکار کھینچیں گے جو کورونا نگیٹیو ہوں گے۔ عدالت نے رتھ یاترا کے 10 سے 12 دن کے انعقادات کے دوران پوری میں داخلے کے تمام راستے، ایئرپورٹ، ریلوے اسٹیشن، بس اسٹینڈ وغیرہ بند رکھنے کا حکم دیا ہے۔

بنچ نے رتھ یاترا کے دوران شہر میں کرفیو نافذ کرنے کا حکم دیا ہے۔ یہ کرفیو ’رتھ یاترا‘ کے دوران نافذ ہوگا۔ ریاستی حکومت کو پورے شہر میں ضرورت پڑنے پر دیگر ایام اور وقت میں بھی کرفیو نافذ کرنے کی ہدایت دی گئی ہے۔ عدالت نے اپنے حکم میں کہا کہ کرفیو کے دوران کسی کو بھی ان کے گھر یا ان کی رہائش گاہ کے مقامات، ہوٹل یا لاج سے نکلنے کی اجازت نہیں دی جائے گی۔ عدالت نے یہ کرفیو پیر کی شب آٹھ بجے سے ہی نافذ کرنے کا حکم دیا۔ کسی رتھ کو 500 افراد سے زیادہ نہیں کھینچیں گے۔ ان تمام کی کورونا وائرس کا ٹیسٹ کیا جائے گا اور اگر وہ نگیٹیو پائے جاتے ہیں جبھی انھیں رتھ کھینچنے دیا جائے گا۔ ان میں سیوایت اور پولیس اہلکار شامل ہوں گے۔

بنچ نے دو رتھوں کے درمیان ایک گھنٹےکا فرق رکھنے کی ہدایت دی ہے۔ رتھ کھینچنے والے افراد فی ’رتھ یاترا‘ کے دوران پہلے اور بعد میں بھی سوشل ڈسٹینسِگ پر عمل درآمد کریں گے۔ عدالت نے کہا کہ شرائط اور دیگر معیار کے مطابق رتھ یاترا کے آپریشن کی بنیادی ذمہ داری پوری جگناتھ مندر انتظامیہ کمیٹی کے انچارج کی ہوگی۔ عدالت نے کہا کہ کمیٹی کے تمام رکن اس عدالت کی جانب سے عائد شرائط اور مرکزی حکومت کی جانب سے جاری عوامی صحت کو یقینی بنانے کے لیے عام ہدایات پر عمل درآمد کے لیے ذمہ دار ہوگا۔

بنچ نے مزید کہا کہ اس کے علاوہ رتھ یاترا کے لیے ریاستی حکومت کی جانب سے افسر بھی اسی طرح ذمہ دار ہوں گے۔ عدالت نے حکم دیا کہ مذہبی اور رتھ یاترا میں حصہ لینے کے لیے کمیٹی کی جانب سے لوگوں کو کم سے کم تعداد کی اجازت ہوگی۔ عدالت نے رتھ یاترا کو آزادانہ طور پر میڈیا کو کور کرنے کا حکم بھی دیا ہے۔ ریاستی حکومت ٹی وی کیمروں کو ایسے مقامات پر نصب کرنے کی اجازت دے گی جو ٹی وی ٹیم کی جانب سے ضروری پائے جا سکتے ہیں۔

عدالت نے اپنے حکم میں لکھا ہے کہ اڈیشہ کا ’کووِڈ-19‘ وبا کو قابو کرنے کا اچھا ریکارڈ رہا ہے اور ریاستی حکومت سے امید ہے کہ وہ اس معاملے میں بھی اپنا وہی اعلیٰ مظاہرہ کرے گی۔ عدالت نے کہا کہ ریاستی حکومت ان تمام افراد کا ریکارڈ رکھے گی جنھیں رتھ یاترا میں حصہ لینے کی اجازت دی گئی ہے اور اس میں حصہ لینے والوں کا میڈیکل ریکارڈ بھی رکھے گی۔

ایک نظر اس پر بھی

چین نے سلامتی کونسل میں پھر اٹھایا مسئلہ کشمیر، انڈیا نے کیا مسترد

ہندوستان نے جمعرات کے روز اقوام متحدہ کی سلامتی کونسل میں مسئلہ کشمیر اٹھانے کی چین کی کوششوں کو مسترد کرتے ہوئے اسے ملک کا داخلی معاملہ قرار دیتے ہوئے چین سے ایسی ناکام کوششوں سے سبق لینے کے لئے کہا ہے۔

عالمی ادارہ صحت نے کہا؛ سماجی فاصلہ برقرار نہ رکھنے سے بڑھ رہے ہیں کورونا کے معاملات، نوجوان مریضوں کی تعداد میں تین گنا اضافہ

عالمی ادارہ صحت (ڈبلیو ایچ او) کا کہنا ہے کہ سماجی فاصلہ برقرار نہ رکھنے کی وجہ سے گزشتہ پانچ ماہ کے دوران کرونا وائرس سے متاثرہ نوجوانوں کی تعداد میں تین گنا اضافہ ہوا ہے۔ڈبلیو ایچ او کی رپورٹ کے مطابق فروری کے آخر سے لے کر جولائی کے وسط تک، کرونا وائرس کا شکار ہونے والے 60 لاکھ ...

جاپانی ماہرین کا کورونا وائرس کی وبا پر قابو پانے کے لئے سوپر کمپیوٹر کے استعمال کا اعلان

کورونا وائرس کی روکتھام کے اقدامات سے متعلق جاپان کے انچارج وزیر نیشی مورا یاسوتوشی نے امید ظاہر کی ہے کہ حکومت، مصنوعی ذہانت اور دیگر ٹیکنالوجیز کو بروئے کار لاتے ہوئے، انفیکشنز پر قابو پانے کے نئے موثر اقدامات دریافت کرنے میں، رواں ماہ کے آخر تک کامیاب ہو جائے گی۔ جاپانی ...

کرناٹک سے 40 امیدوار سیول سرویسز امتحان میں کامیاب

کرناٹک سے زائداز 40 امیدواروں نے 2019 کے یونین پبلک سرویس کمیشن (یو پی ایس سی ) سیول سرویس امتحان میں کامیابی حاصل کی اور اب آئی اے ایس ، آئی ایف ایس اور آئی پی ایس اور دیگر میں ملازمت حاصل کریں گے۔

بھٹکل: مرڈیشور میں علاج نہ ملنے سے مریض کی موت۔ ڈاکٹر کے خلاف کارروائی کے لئے اے سی کو دیا گیا میمورنڈم

دل کا دورہ پڑنے پر مریض کو کورونا وباء کے شک میں مرڈئشور سرکاری اسپتال میں علاج کی سہولت فراہم نہ کرنے سے موت واقع ہونے کا الزام لگاتے ہوئے مریض کے گھروالوں کے علاوہ مقامی افراد نے بھٹکل اسسٹنٹ کمشنر کو میمورنڈم دیا جس میں سرکار ی ڈاکٹر کے خلاف قانونی کارروائی کا مطالبہ کیاگیا ...

بھٹکل میں کل 5 اگست کو 144 نافذ؛ ایودھیا میں رام مندر’شیلا نیاس اور بھومی پوجا‘کے پس منظر میں ریاست کے مختلف علاقوں میں احتیاطی اقدامات

یوپی کے ایودھیا میں 5اگست کو رام مندر کی تعمیر کے لئے ’شیلانیاس اور بھومی پوجا‘کی رسم اداکی جارہی ہے۔ اس پس منظر میں امن وامان اور شانتی بنائے رکھنے کے لئے بھٹکل تعلقہ میں تحصیلدار کی جانب سے دفعہ 144کے تحت 5اگست کی صبح 6بجے سے رات 8بجے تک امتناعی احکامات لاگو کرنے کا اعلان کیا ...