جبل پورسیمی مقدمہ،دہشت گردی کے الزام سے نچلی عدالت سے بری ملزمین کے خلاف داخل حکومت کی اپیل خارج،جمعیۃ علماء کی کوششوں سے ملزمین کو راحت ملی: گلزار اعظمی

Source: S.O. News Service | By Shahid Mukhtesar | Published on 23rd May 2019, 11:46 AM | ملکی خبریں | ان خبروں کو پڑھنا مت بھولئے |

 ممبئی،23/ مئی (ایس او نیوز/پریس ریلز)ممنوعہ تنظیم اسٹوڈنٹس اسلامک موومنٹ آف انڈیا (سیمی) سے تعلق رکھنے کے الزام میں گرفتار5/ مسلم نوجوانوں کی نچلی عدالت سے باعزت رہائی کے خلاف حکومت کی جانب سے داخل اپیل کو گذشتہ ہفتہ جبل پور کی سیشن عدالت نے یہ کہتے ہوئے خارج کردیا کہ مجسٹریٹ عدالت سے ملزمین کو ملی راحت عین قانون کے مطابق اور ریاستی حکومت کی اپیل میں کوئی ٹھوس پہلو نہیں جس کی وجہ سے مجسٹریٹ عدالت کے فیصلہ پر نظر ثانی کی جاسکے۔ گذشتہ شام دفاعی وکلاء اور ملزمین کو فیصلہ کی کاپی مہیا کرائی گئی۔واضح رہے کہ سال2008میں پولیس نے محمد یونس انصاری، غیاث الدین عبدالغفار، شیخ سرفراز نظام الدین، شفیق احمد انصاری اور ناصر احمد انصاری پر نہایت ہی سنگین الزامات عائد کر تے ہوئے ان کے قبضے سے قابل اعتراض مواد و بشمول اسلامی لیٹریچر ضبط کر نے کا بھی دعوی کیا تھا ساتھ ہی ان کی سر گرمیوں پر بھی شکوک کا اظہار کیا تھا لیکن عدالت نے ثبوت و شواہد کی عدم موجودگی کے باعث بالآخیر ان مسلم نوجوانوں کو جبلپور کی مجسٹریٹ عدالت نے 6/ جولائی 2013ء کو دہشت گردی کے الزامات سے باعزت بری کر دیا جس کے بعد ریاستی حکومت نے جبلپور سیشن عدالت میں اپیل داخل کی تھی جہاں انہیں منہ کی کھانی پڑی۔گذشتہ دنوں جبل پور سیشن عدالت کے جج دیپک پانڈے نے ملزمین کے خلاف حکومت مدھیہ پردیش کی جانب سے داخل کردہ اپیل پر سماعت ہونے کے بعد اسے خارج کردیا اور سات صفحات پر مشتمل اپنے فیصلہ میں انہوں نے لکھا ہیکہ عدالت کو حکومت کی جانب سے داخل کردہ اپیل اور نچلی عدالت کے فیصلہ پر نظر ثانی کرنے کے تعلق سے قانونی پہلو دستیاب نہیں ہوئے جس ؤأ؎؎کی وجہ سے اسٹیٹ کی اپیل خارج کی جاتی ہے۔ ملزمین کو قانونی امداد فراہم کرنے والی تنظیم جمعیۃ علماء مہاراشٹر (ارشد مدنی) قانونی امداد کمٹی کے سربراہ گلزار احمد اعظمی نے مسرت کا اظہار کیا ہے اور کہا ہے کہ عدالت کا یہ فیصلہ مدھیہ پردیش میں قائم سیمی کے دیگر مقدمات پر بھی اثر انداز ہوگا کیونکہ زیادہ تر کیسوں میں ملزمین کو ممنوعہ تنظیم سیمی سے ہی پولیس نے وابستہ کرتے ہوئے ان پر ملک دشمن سرگرمیوں میں ملوث ہونے کا الزام عائد کیا تھا۔ جمعیۃ علماء کے دفاعی وکلاء شری کنال دوبے، محمد پرویز اور محرم علی نے عدالت میں اپنی حتمی بحث کے دوران یہ دلیل دی کہ اسٹوڈٹنس اسلامک موومنٹ سے وابستگی کوئی جرم نہیں ہے نیز استغاثہ عدالت میں یہ ثابت کرنے میں بھی ناکام رہا کہ ملزمین کسی بھی طرح کی غیر قانونی سرگرمیوں میں ملوث تھے۔ اس سلسلے میں عدالت کو دفاعی وکلاء نے مزید بتایا تھاکہ ان نوجوانوں پر جو یو اے پی اے قانون کی مختلف دفعات عائد کی گئی ہے وہ  غیر قانونی طریقے سے لگائی گئی تھیں جس کے لیے وزارت داخلہ سے کوئی بھی اجازت نامہ حاصل نہیں کیا گیا تھا نیز اسی کی بناء پر مجسٹریٹ عدالت نے تمام ملزمین کو مقدمہ سے باعز ت بری کردیا تھا۔گلزار اعظمی نے کہا کہ سیمی کے نام پر مدھیہ پردیش پولس نے ان جیسے درجنوں نوجوانوں کو جیل کی سلاخوں کے پیچھے قید کرکے رکھا ہے اور ان کے مقدمات نہایت سست رفتاری سے جاری ہیں جسمیں تیزی لانے کی کوشش کی جارہی ہے اور انہیں امید ہیکہ اس مقدمہ کی طرح دیگر مقدمات کا فیصلہ بھی انشاء اللہ ملزمین کے حق میں ہی آئے گا۔

ایک نظر اس پر بھی

بابری مسجد ملکیت مقدمہ؛ ڈاکٹرراجیودھون کو دھمکی دینے والے پروفیسرنے مانگی غیر مشروط معافی ؛ راجیو دھون نے عدالت کو بتایا؛ 1528میں شرعی طریقہ سے ہوئی تھی مسجد کی تعمیر

بابری مسجد ملکیت مقدمہ میں روزانہ کی بنیاد پر چلنے والی سماعت کاآج27 واں دن تھا جس کے دوران سب سے سینئر ایڈوکیٹ کپل سبل اور ایڈوکیٹ آن ریکارڈ اعجاز مقبول نے جمعیۃ علماء ہند کے وکیل ڈاکٹر راجیو دھون کو چنئی کے پروفیسر شنمگم کی جانب سے بھیجے گئے  دھمکی آمیز خط کے خلاف داخل توہین ...

آسا م میں حاملہ خاتون سمیت تین بہنوں پر تشدد کرنے والے پولیس اہلکاروں کو ڈیوٹی سے برطرف کیا جائے: ویمن انڈیا موؤمنٹ 

ویمن انڈیا موؤمنٹ (WIM)نے آسام کے درانگ ضلع کے پولیس چوکی میں حاملہ خاتون اور اس کی بہنوں کو برہنہ کرکے شدید تشدد کا نشانہ بنانے والے پولیس اہلکاروں کی شدید مذمت کی ہے۔

حضرت عائشہؓ پر وسیم رضوی کی فلم کے بارے میں دہلی اقلیتی کمیشن کا نوٹس اور پروجکٹ پر مزید کام نہ کرنے عبوری حکم

 میڈیا رپورٹوں اور دہلی کے کچھ باشندوں کی شکایت پر دہلی اقلیتی کمیشن نے شری وسیم رضوی کو ایک نوٹس بھیجا ہے۔ اطلاعات کے مطابق شری  رضوی حضور پاک ﷺ  کی زوجۂ طاہرہ حضرت عائشہؓ کے بارے میں ایک فلم بنارہے ہیں یا بنا چکے ہیں۔ انھوں نے اپنی فلم کا ایک ٹریلر ریلیز کیا ہے اور اس متنازع ...

فرضی پاسپورٹ ویزہ گروہ کا پردہ فاش، آٹھ لوگ گرفتار

دہلی پولس کرائم برانچ کی ٹیم نے فرضی پاسپورٹ ویزہ فراہم کرنے کے نام پر لوگوں سے دھوکہ دہی کرنے والے بین الاقوامی گروہ کا پردہ فاش کرکے ایجنٹوں سمیت آٹھ لوگوں کو گرفتار کرنے میں کامیابی حاصل کی ہے۔

ضلع پنچایت سی ای او کے حکم پر بھٹکل تحصیلدار نے ہٹائیں مرڈیشور میں غیرقانونی دکانیں

ترکنڑا ضلع پنچایت چیف ایکزی کوٹیو آفسر(سی ای او)  محمد روشن کے حکم پر عمل درآمد کرتے ہوئے بھٹکل تحصیلدارکی قیادت میں ریوینیو ڈپارٹمنٹ کے افسران نے جمعرات کو دکانداروں کی مخالفت کے باوجود مرڈیشور کے سڑک کنارے بنی ہوئی غیر قانونی دکانوں کو ہٹانے کی کارروائی انجام دی۔

بھٹکل نوائط کالونی کے عوام کی ہیسکام سے شکایت؛ 15 دنوں کی زائد میٹر ریڈنگ کے ساتھ تھمایاجارہا ہے بِل

بھٹکل ہیسکام کی جانب سے ہر ماہ 4, 5 اور 6  تاریخ کو گھروں میں دیا جانے والا بِل 18, 19 اور 20 تاریخوں کو دیا جاتا ہے جس کے نتیجے میں  12 سے 15 دنوں کی میٹر  Reading زائد ہوجاتی ہے اور ریڈنگ مطلوبہ یونٹ سے زائد ہونے کی صورت میں ہیسکام کی طرف سے پینالٹی بھی ڈالی  جاتی ہے، اس طرح کی شکایتیں ...

بھٹکل بحرہ عرب میں 4دنوں سے لاپتہ ماہی گیری کشتی بر آمد

چار دن پہلے  سمندر میں مچھلی شکار کے دوران اچانک رابطہ ٹوٹ کر لاپتہ ہو نے سے اضطراری کیفیت پیدا ہوگئی تھی۔ مسلسل تلاش کے بعد بھٹکل بندرگاہ سے 30ناٹیکل میل دوری پر بدھ کو ماہی گیر کشتی کا پتہ چلنے کا واقعہ پیش آیاہے۔

بھٹکل تعلقہ جنگلاتی علاقے کو شراوتی جنگلاتی زون میں شامل کرنے کے خلاف 10/اکتوبر کو بھٹکل میں ہوگا زبردست احتجاجی مظاہرہ

بھٹکل تعلقہ جنگلاتی علاقے میں شراوتی جنگلاتی زون میں شامل کیے جانے کے خلاف جنگلاتی زمین پر حقوق کے لئے جدوجہد کرنے والی اتی کرم داروں کی ہوراٹا سمیتی سرسی اور بھٹکل تعلقہ یونٹ کے اشتراک سے 10/اکتوبر  کوصبح دس بجے بھٹکل میں زبردست احتجاجی مظاہرہ ہوگا۔

بی جے پی صدرنلین کمار کٹیل کا سرسی دورہ؛ سابق وزیرا علیٰ سدرامیا کو ولن اور کمار سوامی کو قرار دیا سائڈ ایکٹر

ریاستی بی جے پی صدر منتخب ہونے کے بعد پہلی مرتبہ ضلع اتر کنڑا کے سرسی کا دورہ کرتے ہوئے  نلین کمار کٹیل نے کرناٹک کے سابق وزراء اعلیٰ سدرامیا  کوولن  اور ایچ ڈی کمار سوامی کو سائڈ ایکٹر قرار دیتے ہوئے  دونوں سابق وزراء اعلیٰ کو سخت تنقید کا نشانہ بنایا۔  وہ سرکیوٹ ہاوس میں ...

بھٹکل مسلم جماعت بحرین کے انتخابات کے بعد نئے عہدیداران کا انتخاب؛ اسحاق پلور صدر اور سرفراز محتشم جنرل سکریٹری منتخب

گذشتہ روز ہوئے عام انتخابات کے بعد  بھٹکل مسلم جماعت بحرین کے لئے نئے عہدیداران کا انتخاب عمل میں آیا ہے جس میں متفقہ طور پر  جناب محمد اسحاق پلور صدر اور جناب  سرفراز احمد محتشم  جماعت کے نئے جنرل سکریٹری منتخب ہوئے۔