ہندواڑہ میں پھر دہشت گردانہ حملہ،3 سی آر پی ایف جوان شہید

Source: S.O. News Service | Published on 5th May 2020, 1:49 PM | ملکی خبریں |

ہندواڑہ،5؍ مئی (ایس او نیوز؍ایجنسی) جموں و کشمیر کے کپواڑہ ضلع کے ہندواڑہ میں ہفتہ کو دہشت گردانہ مڈبھیڑ کے دوران شہید ہوئے دو افسروں سمیت 5 جوانوں کے بعدپیر کو ہندواڑہ کے ہی کرال گنڈ علاقے کے ونگم میں سکیورٹی اہلکاروں کے ایک قافلے پر دہشت گردانہ حملہ میں 3 سی آرپی ایف جوان شہید ہوگئے ہیں۔

ذرائع نے بتایا ہے کہ دہشت گردوں نے سکیورٹی اہلکاروں پر ونگم اسٹاپ کے پاس گولی باری کی، جہاں مشترکہ سکیورٹی اہلکاروں نے ناکہ بندی کر رکھی تھی۔ انہوں نے یہ بھی بتایا کہ اس حملے میں کچھ سکیورٹی اہلکار زخمی ہوئے تھے، جس میں سے 3جوان زخموں کی تاب نہ لاکر دم توڑ گئے۔

دوسری جانب بری فوج کے سربراہ جنرل منوج مکند نروے نے کہاہے کہ پاکستان اب بھی بھارت میں دہشت گردوں کو آگے بڑھانے کے اپنے حقیر ایجنڈے پر کام کر رہا ہے۔ اس کے ساتھ ہی انہوں نے کہاہے کہ جب تک پڑوسی ملک دہشت گردی کی اپنی پالیسی نہیں چھوڑتا، ہم مناسب اور درست جواب دینا جاری رکھیں گے۔بری فوج کے سربراہ نے کہاہے کہ بھارت جنگ بندی کی خلاف ورزی اور دہشت گردی کی حمایت کرنے والی تمام کارروائیوں کا کرارا جواب دے گا۔ بری فوج میں 13 لاکھ جوان ہیں۔

انہوں نے کپواڑہ تصادم پرکہاہے کہ بھارت کو اپنے ان پانچ سکیورٹی اہلکاروں پر فخر ہے جنہوں نے کشمیر کے ایک گاؤں میں دہشت گردوں سے عام شہریوں کی جان بچاتے ہوئے اپنی جان قربان کی۔

انہوں نے کرنل آشوتوش شرما کی خاص طور پر تعریف کی جنہوں نے اس آپریشن کی قیادت کی۔جنرل نروے نے کہاہے کہ میں زور دینا چاہوں گا کہ ہندوستانی فوج جنگ بندی کی خلاف ورزی اور دہشت گردی کی حمایت کرنے والی تمام کارروائیوں کا کرارا جواب دے گی۔ علاقے میں امن بحال کرنے کی ذمہ داری پاکستان پر ہے۔

انہوں نے کہاہے کہ پاکستان جب تک ریاست کی طرف سے اسپانسر دہشت گردی کی اپنی پالیسی نہیں چھوڑتا، ہم مناسب اور درست جواب دیناجاری رکھیں گے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...