کورونا وائرس: اب تک اٹلی میں 6077، امریکہ میں 557 اور برطانیہ میں 335 افراد ہلاک

Source: S.O. News Service | Published on 24th March 2020, 1:21 PM | عالمی خبریں | ان خبروں کو پڑھنا مت بھولئے |

روم،24؍مارچ (ایس او نیوز؍ایجنسی) عالمی وبا کورونا وائرس (کووڈ -19) سے بری طرح متاثر اٹلی میں اس سے مرنے والوں کی تعداد بڑھ کر 6077 ہو گئی ہے۔ اٹلی کے سویلین سیکورٹی محکمہ کے سربراہ ینجیلو بوریلی نے پیر کو ایک پریس کانفرنس میں بتایا کہ گزشتہ 24 گھنٹوں کے دوران کورونا وائرس سے ملک میں 601 افراد کی موت ہوئی ہے۔ اٹلی میں پیر کو کورونا وائرس سے شفایاب ہو چکے 408 افراد کواسپتال سے چھٹی دے دی گئی۔

اٹلی میں ایک دن میں کورونا وائرس کے 3780 نئے کیس سامنے آئے ہیں جس سے متاثرہ مریضوں کی تعداد بڑھ کر 63927 ہو گئی ہے۔ اٹلی نے عالمی بحران کی موجودہ صورت حال کے دوران مدد کرنے والے ممالک کا شکریہ ادا کیا ہے۔ بوریلی نے کہا ”اس ہنگامی صورت حال میں روس، چین، فرانس اور جرمنی ہماری مدد کر رہے ہیں اور ہمارے ساتھ سب نے یکجہتی دکھائی ہے۔ سب نے وائرس کے خلاف اس جنگ میں مدد کی ہے“۔ قابل غورہے کہ اٹلی کا صوبہ لومبارڈی اس وبا سے سب سے زیادہ متاثر ہے۔

دوسری طرف امریکہ میں کورونا وائرس (کووڈ -19) کے معاملہ روز بروز بڑھتے ہی جا رہے ہیں اور اب تک اس وبا سے ملک میں 557 افراد کی موت ہو چکی ہے۔ جان ہاپکنز یونیورسٹی کے سائنس اور انجینئرنگ سینٹر (سی ایس ایس ای) نے پیر کو یہ اطلاع دی۔ سی ایس ایس ای کے مطابق امریکہ میں اب تک کورونا وائرس کے 43ہزار 847 متاثرین کی تصدیق ہو چکی ہے۔ امریکہ کے شہر نیویارک میں وبا سے سب سے زیادہ 99 اموات ہو چکی ہیں جس کے بعد کنگز کاؤنٹی میں اس وبا سے 75 لوگوں کو اپنی جان گنوانی پڑی ہے۔

ادھر برطانیہ میں کورونا وائرس (کووڈ19-) سے مرنے والوں کی تعداد برھ کر 335 ہوگئی ہے۔ برطانیہ میں وزارت صحت نے پیر کو ایک بیان کرتے ہوئے بتایا کہ گزشتہ چوبیس گھنٹے کے دوران کورونا کے967 نئے معاملہ سامنے آئے ہیں جس سے ملک میں وبا سے متاثر لوگوں کی تعداد بڑھ کر 6650 ہوگئی ہے۔ برطانیہ میں اب تک 83,945 افراد کی کورونا کی جانچ کی گئی ہے جس میں سے 77,295 لوگوں کی رپورٹ منفی آئی ہے، جبکہ 6650 افراد اس سے متاثر پائے گئے ہیں۔

ایک نظر اس پر بھی

ایران سے زائرین کے واپسی معاملہ پر سپریم کورٹ نے کیا اطمینان کا اظہار

سپریم کورٹ نے ایران کے شہر قم میں پھنسے ہندوستانی شیعہ زائرین کی واپسی کے لئے مرکزی حکومت اور تہران میں واقع ہندوستانی سفارت خانے کی جانب سے کی جا رہی کوششوں پراظہار اطمینان کرتے ہوئے متعلقہ پٹیشن کو نمٹا دیا ہے۔

جلد ہی کورونا متاثرین کی تعداد 10 لاکھ اور اموات 50 ہزار سے زیادہ ہوگی: ڈبلیو ایچ او

پوری دنیا میں کورونا وائرس کے بڑھتے اثرات کے درمیان عالمی صحت ادارہ (ڈبلیو ایچ او) کے سربراہ کا کہنا ہے کہ آنے والے کچھ ہی دنوں میں دنیا کووڈ-19 انفیکشن کی وجہ سے 10 لاکھ سے زیادہ کیسز دیکھے گی۔ ساتھ ہی ڈبلیو ایچ او کا کہنا ہے کہ اس وبا کی وجہ سے چند دنوں کے بعد اموات کی تعداد 50 ہزار ...

’کورونا کی وجہ سے رواں سال حج منسوخ ہو سکتا ہے!‘حج کے حوالے سے کوئی بھی حتمی فیصلہ آئندہ کی صورتحال کو دیکھتے ہوئے ہی کیا جائے گا

سعودی عرب نے دنیا بھر میں مسلمانوں کو کہا ہے کہ وہ حج کرنے کے پلان کو اس وقت تک روک دیں جب تک کے کورونا وائرس کی وبا سے متعلق صورتحال واضح نہیں ہو جاتی۔

کشمیر کی پہلی وائرس متاثرہ خاتون روبہ صحت ہوکر ہسپتال سے رخصت

وادی کشمیر میں کورونا وائرس کے مثبت کیسز میں اضافے کے بیچ سری نگر کے خانیار علاقے سے تعلق رکھنے والی وادی کی پہلی وائرس متاثرہ خاتون مکمل طور پر صحت یاب ہوئی ہے اور اس کو شیر کشمیر انسٹی ٹیوٹ آف میڈیکل سائنسز صورہ سے ڈسچارج بھی کیا گیا ہے۔

کورونا وائرس وباء:اڈپی ضلع میں 13مریضوں کو آئسولیشن وارڈ میں داخل کیا گیا۔ پوزیٹیو معاملات کے لئے مختص کیا گیا اسپتال

اڈپی ضلع ڈسٹرکٹ ہیلتھ آفیسر ڈاکٹر سوڈ نے بتایا ہے کہ کورونا وائرس سے متاثر ہونے کے شبہ میں یکم اپریل کے دن 13 مریضوں کو  ضلع کے مختلف اسپتالو ں میں داخل کیا گیا ہے۔

نظام الدین کے اجتماع میں شریک حضرات جانچ کروالیں: اقلیتی بہبود کے سکریٹر اے بی ابراہیم کی اپیل

ریاستی محکمہ اقلیتی بہبود کے سکریٹر اے بی ابراہیم نے اپنے ایک اخباری بیان میں تبلیغی مرکز نظام الدین کے اجتماع میں مارچ کے دوران شرکت کرنے الوں سے اپیل کی ہے کہ وہ اپنے ضلع یا تعلقہ میں محکمہ صحت سے رابطہ کر کے اپنی جانچ کروالیں۔