اٹلی: کورونا پازیٹو مریضوں کا علاج کر رہے 51 ڈاکٹروں کی موت

Source: S.O. News Service | Published on 28th March 2020, 10:03 PM | عالمی خبریں | ان خبروں کو پڑھنا مت بھولئے |

روم،28؍مارچ (ایس او نیوز؍ایجنسی) کورونا وائرس نے اٹلی میں اپنا قہر سب سے زیادہ برپا کر رکھا ہے۔ مہلوکین کی تعداد اٹلی میں چین سے بہت زیادہ ہو چکی ہے اور متاثرین کی تعداد بھی یہاں اتنی زیادہ ہے کہ ڈاکٹروں کو علاج کرنے میں کافی مشقتوں کا سامنا کرنا پڑ رہا ہے۔ اس درمیان ایک اندوہناک خبر یہ سامنے آئی ہے کہ کورونا پازیٹو مریضوں کا علاج کر رہے کئی ڈاکٹرس خود اس وائرس کی زد میں آ گئے ہیں اور جمعہ کی شام تک 51 ڈاکٹروں کی موت بھی اس وائرس کی وجہ سے ہو گئی ہے۔ اٹلی کے ڈاکٹرس ایسو سی ایشن نے جمعہ کی شام اس سلسلے میں میڈیا کو جانکاری دی۔

سی این این نے اس سلسلے میں ایک رپورٹ نشر کی ہے جس کے مطابق اٹلی میں جن 51 ڈاکٹروں کی موت ہوئی ہے، وہ ٹیسٹ میں کورونا پازیٹو تھے اور ان کا علاج بھی چل رہا تھا۔ قابل ذکر ہے کہ اٹلی میں ڈاکٹروں کے ایسوسی ایشن کے سربراہ فلپو انیلی نے حال ہی میں اس خطرے کو دیکھتے ہوئے ڈاکٹروں کے لیے مزید حفاظتی اشیاء کا مطالبہ حکومت سے کیا تھا۔ انیلی کا کہنا ہے کہ "سب سے پہلا کام ڈاکٹروں اور ہیلتھ کیئر ورکر کی حفاظت ضروری ہے تاکہ وہ کورونا کی زد میں نہ آئیں۔" اب جب کہ 51 ڈاکٹروں کی موت کی خبر سامنے آئی ہے تو پھر دنیا میں اس کی وجہ سے دہشت پھیلنی لازمی ہے۔

قابل ذکر ہے کہ جمعہ تک اٹلی میں 9134 لوگوں کی موت اس وائرس کی وجہ سے ہوئی ہے جو کہ دنیا میں کسی بھی ملک میں کورونا کی وجہ سے ہوئی موت سے زیادہ ہے۔ بتایا جاتا ہے کہ جمعرات سے جمعہ کے درمیان اٹلی میں 969 لوگوں کی موت ہوئی ہے جو کہ ایک ریکارڈ ہے۔ اس طرح دیکھا جائے تو اٹلی کی حالت بہت خراب ہے اور وہاں صرف کورونا پازیٹو مریضوں کے سر پر ہی موت نہیں منڈلا رہی بلکہ ڈاکٹروں کی جان پر بھی خطرہ بنا ہوا ہے۔

ایک نظر اس پر بھی

حوثیوں کو دہشت گرد قرار دینا ایرانی توسیع پسندانہ ایجنڈے میں رکاوٹ بنا: یمن

یمن کی آئینی حکومت کے وزیراعظم معین عبدالملک نے کہا ہے کہ امریکی انتظامیہ کی طرف سے حوثی ملیشیا کو دہشت گرد تنظیم قرار دینے کے نتیجے میں خطے میں ایرانی توسیع پسندی کے سامنے ایک بڑی رکاوٹ کھڑی ہوئی ہے۔ انہوں ‌نے یورپی یونین سے بھی حوثی ملیشیا کو دہشت گرد تنظیم قرار دینے کا ...

ایران میں ایک اور ریسلر کو قتل کے جُرم میں قصور وار قرار دے کرپھانسی

ایران میں ایک اور ریسلر کو قتل کے الزام میں قصور وار قرار دے کر پھانسی دے دی گئی ہے۔گذشتہ پانچ ماہ میں یہ دوسرے ریسلر ہیں جنھیں تختہ دار پر لٹکایا گیا ہے۔ان سے پہلے چیمپئن ریسلر نوید افکاری کو سُولی دے دی گئی تھی۔ان کی پھانسی پر عالمی سطح پر سخت ردعمل کا اظہار کیا گیا تھا۔

ٹرمپ کا دوسری مرتبہ مواخذہ: امریکی دستور کیا کہتا ہے؟

سابق صدر ڈونلڈ ٹرمپ کو اپنے حامیوں کو بغاوت کے لیے اکسانے اور ہجوم کو کانگریس کی عمارت پر چڑھائی کی ترغیب دینے کے الزامات کی وجہ سے امریکا میں ڈیموکریٹک پارٹی ان کے خلاف دستور کے مطابق کارروائی کے حق میں مطلوبہ ووٹوں کے حصول کی جدوجہد کر رہی ہے۔

ایسٹر میمس ہاسپٹل کالیکٹ میں چھوٹے بچوں کے بڑے آپریشنس کے لئے کفایتی پیکیج کا اعلان

کیرالہ کے مشہور ایسٹر میمس چیری ٹیبل ٹرسٹ کے ایڈمنسٹریٹر کی جانب سے جاری کیے گئے بیان کے مطابق اب ان کے ہاسپٹل میں چھوٹے بچوں کے  پیچیدہ  اور مہنگے آپریشنس کے لئے کفایتی پیکیج دستیاب رہے گا۔