آئی ٹی کے دھاوے سیاسی تھے، کانگریس کے ساتھ کام کرنے پر نشانہ بنایا گیا ؛ انتخابی مہم کی کمپنی کا دعویٰ
بنگلورو، 17؍اکتوبر (ایس او نیوز ) بنگلورو میں محکمہ آئی ٹی کی جانب سے جس ڈیزائن با کسڈ‘‘ نامی کمپنی پر حال ہی میں دھاوا کیا ، اس کے منیجنگ ڈائرکٹر نریش اروڑا نے مرکزی محکمہ کو نشانہ بناتے ہوئے کہا کہ یہ دھاوے واضح طور پر سیاسی تھے اور آئی ٹی عہد یداروں کو دھاوؤں کے دوران کچھ بھی ہاتھ نہیں لگا۔ انہوں نے مزید کہا کہ میں یہ بات کہنا چاہتا ہوں کہ ڈیزائن باکسڈ‘ میرے اور میرے معاونین کے خلاف آئی ٹی کے دھاوؤں میں کسی بھی قسم کی کوئی غیر محسوب چیز نہیں ملی ۔ ہم پابند قانون شہری اور فخر یہ ٹیکس دہندگان ہیں ۔ دھاوے بالکل سیاسی نوعیت کے تھے۔ انہوں نے مجھے اور میرے ساتھیوں کو اس لیے نشانہ بنایا، کیوں کہ ہم اپوزیشن بالخصوص کانگریس پارٹی کے ساتھ کام کرتے رہے ہیں۔ کانگریس کے اعلی قائدین کے خلاف کوئی نہ کوئی مجرمانہ چیز تلاش کرنے کی کوشش کے علاوہ ان دھاؤں کا مقصد ایک خود ساختہ پیشہ ور اور سیاسی انتخابی مہم انتظامیہ کمپنی کو دھمکانا تھا تا کہ ہم ہندوستان کی اصل اپوزیشن پارٹی کے لیے کام نہ کر یں ۔ یہ افسوسناک ہے کہ اتنی طاقتور ہونے کے باوجود کرنا ٹک حکومت کو اپوزیشن کے ساتھ کام کر نے والوں کو دھمکانے کی ضرورت پڑ رہی ہے ۔ سیاسی مقاصد کے لیے ٹیکس ایجنسیوں کا صریح بیجا استعمال جمہوریتیں نہیں کرتی ہیں ۔ ہم نے جو ہراسانی جھیلی ہے، وہ صرف ہمارا معاملہ نہیں ہے، یہ ریاستی اقتدار کے ذریعہ اپوزیشن کا گلا گھونٹنے کے عمل کا حصہ ہے ۔ واضح رہے کہ کرناٹک کے سابق چیف منسٹر بی ایس یڈی یورپا کے قریبی مددگاروں پر دھاوؤں کے چند دن بعد آئی ٹی محکمہ نے 12 ؍اکتور کو بنگلورو میں امیچ اور پاٹیکل کنسلٹنسی کمپنی’’ ڈیزائن با کسڈ‘‘ کمپنی پر دھاوے کیے۔ ذرائع نے کہا کہ ایجنسی نے کرناٹک کانگریس کے صدرڈی کے شیو کمار کی امیج اور حکمت عملی پر کام کیا اور آسام اور چھتیس گڑھ میں کانگریس کے حق میں مہم میں شامل رہی ۔ آئی ٹی عہد یداروں نے جے ڈبلیو میر پیٹ ہوٹل میں نریش اروڑا کے کمرے اور ان کے دفتر پر دھاوے کیے جوشیو کمار کی رہائش گاہ سے قریب واقع ہے۔