سرسی میں پارلیمانی امیدوار اسنوٹیکر کے قریبی شخص کے گھر پر آئی ٹی کا چھاپہ۔ لاکھوں روپے نقد اور دستاویزات ضبط ہونے کی ہے خبر

Source: S.O. News Service | By Shahid Mukhtesar | Published on 13th April 2019, 8:40 PM | ساحلی خبریں |

بھٹکل 13؍اپریل (ایس او نیوز) شمالی کینرا سیٹ پر جے ڈی ایس اور کانگریس کے مشترکہ پارلیمانی امیدوار کے ایک قریبی ساتھی کے سرسی میں واقع دفتر اورگھر پر انکم ٹیکس محکمے کے افسران نے چھاپہ مارااورخبروں کے مطابق وہاں سے لاکھوں روپے نقد اور کچھ اہم دستاویزات ضبط کرلیے گئے ہیں۔

موصولہ رپورٹ کے مطابق ہبلی سے آنے والی آئی ٹی ڈپارٹمنٹ کے پانچ افسران کی ایک ٹولی نے یہ چھاپہ ماری کی تھی۔سرسی کے تعلقہ پنچایت دفتر کے قریب تبریز شیخ اور شکیل شیخ کے ذریعے سیکنڈ ہینڈ چار پہیہ گاڑیوں کا کاروبار چلایا جاتا ہے۔ دوپہر ایک بجے کے قریب فلائنگ اسکواڈ نے ان کاروباریوں کے دفتر اور گھر پر چھاپہ ماری کی۔مصدقہ ذرائع کا کہنا ہے کہ تقریباً دو گھنٹے تک ان لوگوں سے پوچھ تاچھ کرنے کے بعد انکم ٹیکس افسران ضبط شدہ رقم اور دستاویزات دو ہینڈ بیاگس میں بھر کر لے گئے ہیں۔

اخبار وں میں گردش کررہی خبروں کے مطابق شکیل شیخ کے بارے میں پولیس کو بیٹّنگ(جوئے بازی) اور اس قسم کی دیگر غیر قانونی سرگرمیوں میں پہلے ہی سے ملوث رہنے کا شبہ تھا۔ اور اس دو نمبری کاروبار سے بہت زیادہ مال کمانے کی وجہ سے انکم ٹیکس ڈپارٹمنٹ والوں کی نظر اس پربہت دنوں سے بنی ہوئی تھی۔ لوگوں کا خیال ہے کہ اب الیکشن کا موقع دیکھ کر اس پر روک لگانے کی کوشش کے طورپر یہ چھاپہ ماری کی گئی ہے۔

جہاں تک شکیل کے بھائی تبریز شیخ کا تعلق ہے وہ انکم ٹیکس قوانین کے تعلق سے صلاح کار کی خدمات انجام دیتا ہے۔ آئی ٹی افسران کا کہنا ہے کہ وہ اس خدمت کی آڑ میں محکمے کو مالی نقصان پہنچانے کا کام کرتا ہے۔ پچھلے کچھ عرصے سے انکم ٹیکس افسران نے اس کے خلاف ثبوت اکٹھا کررکھے تھے جس کے بعد کل دوپہر میں سی پی بازار میں واقع اس کے دفتر پر بھی چھاپہ ماری کی گئی۔چونکہ تبریز پارلیمانی امیدوار آنند اسنوٹیکر کے معاملات بھی دیکھ رہا تھا اس لئے غیر قانونی رقم کے استعمال کا بھی شبہ پایا جاتا ہے۔

ایک نظر اس پر بھی

بھٹکل: نوجوان اپنی ذمہ داریوں کو سمجھیں اور وقت کا صحیح استعمال کریں : ڈاکٹر سریش نایک

دی نیوانگلش پی یو کالج میں منعقدہ پارلیمنٹ نامی ایک پروگرام کا افتتاح کرتے  ہوئے بھٹکل ایجوکیشن  کے صدر ڈاکٹر سریش نایک نے نوجوانوں سے اپیل کی کہ وہ اپنی ذمہ داریوں کا شعور رکھتے ہوئے اوقات کا صحیح استعمال کریں اور  ملک کی تعمیر اور اس کی ترقی میں  اپنا رول ادا کریں۔  انہوں نے ...

اترکنڑا ضلع کے سبھی پولس تھانوں میں ہر ماہ کی دوسری اتوار کو ’یوم دلت‘ منایاجائے : ڈی سی ہریش کمار

پسماندہ طبقات وذات والوں کے مسائل اور شکایات کو حل کرنے کے لئے ہر ماہ  کی دوسری اتوار کو سبھی پولس تھانوں میں ’’ یومِ دلت ‘‘ منانے کے لئے منصوبہ تشکیل دینے اترکنڑاڈی سی ڈاکٹر ہریش کمار نے پولس محکمہ کو  ہدایات جاری کی ہیں۔

کاسرگوڈ میں جانور لے جانے کے الزام میں دو لوگوں پر حملہ؛ بجرنگ دل کارکنوں کے خلاف معاملات درج کرنے پر مینگلور کے قریب وٹلا اور بنٹوال میں بسوں پر پتھراو

پڑوسی ریاست کیرالہ کے  کاسرگوڈ میں جانور لے جانے کے الزام میں دو لوگوں پر حملہ اور لوٹ مار کی وارداتوں کے بعد پولس نے جب  بجرنگ دل کارکنوں کے خلاف معاملات درج کئے  تو  مینگلور کے قریب  وٹلا اور بنٹوال  میں  بسوں پر پتھراو اور توڑ پھوڑ کی واردات پیش آئی ہے۔ پتھراو میں   نو ...