نئی دہلی، 16 نومبر (آئی این ایس انڈیا)رافیل ڈیل پر سوال اٹھانے کے لئے اروند کجریوال سے معافی کا مطالبہ کر رہے وزیر ماحولیات پرکاش جاوڈیکر کو دہلی سی ایم نے سیاست چھوڑ کر متحدہوکر آلودگی کم کرنے کے لئے کام کرنے کو کہا ہے۔ جاوڈیکر نے یہ مطالبہ ٹویٹ کر کیا تھا۔ کجریوال نے ان کے   ٹوئٹ کو ’ر ی ٹوئٹس‘ کرتے ہوئے ایسا کہا۔حالیہ دنوں رافیل ڈیل کو سپریم کورٹ کی جانب سے کلین چٹ ملی ہے۔ اب بھارتیہ جنتا پارٹی کا مطالبہ ہے کہ رافیل ڈیل پر سوال اٹھانے والے لوگوں کو ملک سے معافی مانگنی چاہئے۔ اس کے لئے پرکاش جاوڈیکر نے ٹویٹ کیا۔سپریم کورٹ نے رافیل پر نظرثانی کی ضرورت محسوس نہیں کی۔ ایسا حکم دینے پر بھی کانگریس بے شرمی سے ’چوکیدار چور ہے‘  نعرے کی حمایت کر رہی ہے۔ اس لیے راہل گاندھی اور سونیا گاندھی دونوں معافی مانگیں۔ اگلے ٹویٹس میں جاوڈیکر نے لکھا کہ اروند کجریوال جنہوں نے’چوکیدار چور ہے‘ نعرے کی حمایت کی ہے، ان کو بھی معافی مانگنی چا ہیے۔ اس پر اروند کجریوال نے جواب دیا۔انہوں نے لکھا کہ:’یہ وقت سیاست کرنے کا نہیں بلکہ مل کر آلودگی دور کرنے کا ہے، ہم سب کو مل کر لوگوں کو آلودگی سے راحت دلوانے پر کام کرنا چاہئے۔ دہلی حکومت اور دہلی کے لوگ مل کر وہ سب کر رہے ہیں جو ہمارے ہاتھ میں ہے۔ ہمیں آپ کے تعاون کی ضرورت ہے۔