بھٹکل پولیس اسٹیشن کودھمکی آمیز پوسٹ کارڈ موصول ہونے کا معاملہ؛ دھرمستھلا سے بھیجا گیا تھا کارڈ
بھٹکل 8 / جنوری (ایس او نیوز) بم دھماکہ کا اگلا نشانہ بھٹکل کو بنانے کی دھمکی لکھا ہوا پوسٹ کارڈ پولیس کو بھیجنے والے شخص ہنومنتپّا سے پوچھ تاچھ کے بعد پتہ چلا ہے کہ وہ خط اس نے دھرمستھلا سے پوسٹ کیا تھا ۔
چینائی پولیس کے بیان کے مطابق ہنومنتپا نے اعتراف کیا ہے کہ 29 نومبر کواس نے دھرمستھلا کے پوسٹ آفس جا کروہاں پرموجود لیٹرباکس میں دھمکی لکھا ہوا کارڈ ڈالا تھا۔ اس پس منظر میں چینئی پولیس نے دھرمستھلا پہنچ کر مزید تحقیقات کی۔ لیٹر باکس جہاں موجود ہے اس کے اطراف کے علاقے میں لگے ہوئے سی سی ٹی وی کیمرہ فوٹیج کی جانچ کی ہے۔ دھرمستھلا پولیس اسٹیشن کے سب انسپکٹر انیل کمار نے تحقیقات میں چینئی پولیس کے ساتھ بھرپورتعاون کرنے کی بات کہی ہے ۔
پتہ چلا ہے کہ ہنومنتپّا جنوبی کینرا کے سولیا ، سبرامنیا اور دیگر علاقوں میں گھومنے پھرنے کے بھی سراغ پولیس کے ہاتھ لگے ہیں ۔