سعودی شاہ سلمان کےمتعدد فرامین کا اجرا،گورنراسٹیٹ بنک تبدیل،بلدیات کی وزارت مکانات میں ضم

Source: S.O. News Service | Published on 25th January 2021, 7:39 PM | خلیجی خبریں |

ریاض ، 25جنوری (آئی این ایس انڈیا)سعودی عرب کے شاہ سلمان بن عبدالعزیز نے اتوار کو متعدد نئے فرامین جاری کیے ہیں۔ ان میں ایک فرمان کے تحت ہاؤسنگ کی وزارت کو بلدیاتی اور دیہی امور کی وزارت میں ضم کردیا گیا ہے۔

اس شاہی فرمان کے مطابق اب اس نئی وزارت کا نام ’’وزارت بلدیات، دیہی امور اور مکانات‘‘ ہو گا۔ شاہ سلمان نے ماجد بن عبداللہ الحقيل کو اس وزارت کا قلم دان سونپا ہے۔

ایک اور شاہی فرمان کے ذریعے ڈاکٹراحمد عبدالکریم الخلیفی کو سعودی عرب کے مرکزی بنک کے گورنر کے عہدے سے ہٹا دیا گیا ہے اور ان کی جگہ ڈاکٹر فہد بن عبداللہ بن عبداللطیف المبارک کو نیا گورنرمقرر کیا ہے۔ان کا عہدہ وزیر کے برابر ہوگا۔

ہاؤسنگ کی وزارت سے متعلق شاہی فرمان کے تحت سعودی وزارتی کونسل میں شامل ماہرین کی کونسل قائم کی جائے گی۔ وہ اس شاہی حکم پرعمل درآمد کے لیے ضروری قانونی طریق کار کو تین ماہ کے اندرمکمل کرے گی۔یہ کونسل اس وزارت کے افعال، آلات، ملازمین، ملازمتوں، جائیدادوں، آئٹمز، کریڈیٹس اور دوسرے امور کا تعیّن کرے گی۔اس کے علاوہ کونسل نئے شاہی فرمان کے سے متاثر ہونے والے قوانین، قواعد وضوابط ، احکامات ،دیگر شاہی فرامین اورفیصلوں کا جائزہ لے گی۔

شاہ سلمان نے ایک اور فرمان کے ذریعے بنک دولت کے سبکدوش گورنر ڈاکٹراحمد عبدالکریم الخلیفی کو شاہی دیوان کا مشیر مقرر کیا ہے۔ان کا عہدہ وزیر کے برابر ہوگا۔

ایک نظر اس پر بھی

مسجد الحرام اور مسجد نبوی میں سماجی فاصلے کی پابندی ختم

سعودی عرب نے ڈیڑھ سال سے زائد عرصے بعدمسجد الحرام اور مسجد نبوی کو 17 اکتوبر یعنی اتوار  سے معمول کے مطابق بغیر کسی پابندی کے کھولنے کا اعلان کردیا۔ کورونا وائرس کی ویکسین کی دونوں خوراک لگوانے والے افراد کو 17 اکتوبر سے مسجدالحرام اور مسجدنبوی میں داخلے کی اجازت ہوگی اور مکمل ...

بھٹکل کمیونٹی جدہ کے نئے عہدیداران کا انتخاب؛ عبدالسلام دامدا ابوپھر ایک بار صدر منتخب، عبدالمعیز جوکاکوبنے جنرل سکریٹری

بھٹکل کمیونٹی جدہ  کی  مجلس انتظامیہ نے آئندہ میعاد کے لئے عبدالسلام دامدا ابو کو پھر ایک بار صدر منتخب کیا ہے جبکہ  عبدالمعیز جوکاکو کو جنرل سکریٹری کے طورپر منتخب کیاہے۔

بھٹکل مسلم اسوسی ایشن ریاض کے لئے عہدیداران کا انتخاب؛ عمار قاضیا صدر اور ذُھیب پیشمام جنرل سکریٹری منتخب

بھٹکل مسلم اسوسی ایشن ریاض (سعودی عربیہ )  کے  لئے  عمار قاضیا صدر اور ذُھیب پیشمام جنرل سکریٹری  کے عہدہ پر منتخب ہوگئے، جبکہ  عقبہ لنکا نائب صدر، ارشاد احمد شیخ  نائب سکریٹری، سید فہد لنکا محاسب و خازن اور  نصیف ائیکری  کو جماعت کے  ترجمان کے طور پر منتخب کیا گیا۔ عہدیداران ...

محفوظ عمرہ ماڈل کے نفاذ کے بعد 1 کروڑ افراد عمرہ ادا کر چکے ہیں : وزارت حج وعمرہ

سعودی وزارت حج و عمرہ کے اعلان کے مطابق محفوظ عمرہ ماڈل کے نفاذ اور عمرہ، نماز اور زیارت کی بتدریج واپسی کے بعد سے اب تک 1 کروڑ افراد کے لیے عمرے کی ادائیگی کو ممکن بنایا گیا۔ سال 1443 ہجری کے عمرہ سیزن کے آغاز کے ساتھ ہی مختلف ممالک کے لیے جاری عمرہ ویزوں کی تعداد 12 ہزار سے تجاوز کر ...