موساد' چیف کے ایک بار پھر قطری عہدیداروں سے رابطے کا انکشاف

Source: S.O. News Service | Published on 12th August 2020, 7:59 PM | خلیجی خبریں |

 دبئی،12/ اگست(آئی این ایس انڈیا)ایک اسرائیلی ٹی وی چینل نے منگل کے روز انکشاف کیا کہ ہے کہ خفیہ ادارے 'موساد' کے سربراہ یوسی کوہن نے غزہ کی پٹی کی صورتحال کے بارے میں قطر کے اعلی حکام سے رابطہ کیا ہے۔

چینل 11 کے مطابق یہ پہلا موقع نہیں ہے جب موساد کے سربراہ نے قطری عہدیداروں سے بات چیت کی ہے۔ اس سے قبل انہوں نے قطری فنڈز کو غزہ منتقل کرنے کی اجازت دینے کے حوالے سے قطری حکام کے ساتھ بات چیت کی تھی۔

ٹی وی چینل نے اشارہ کیا کہ تل ابیب اس بات کو یقینی بنانا چاہتا ہے کہ دوحا آنے والے مہینوں یعنی اگست کے بعد غزہ کو رقوم کی منتقلی جاری رکھے گا۔

گذشتہ فروری میں سابق وزیر دفاع ایویگڈور لیبرمین نے انکشاف کیا تھا کہ وزیر اعظم بینجمن نیتن یاھو نے موساد کے سربراہ یوسی کوہن اور ایک اعلی درجے کے فوجی کمانڈر کو قطر روانہ کیا ہے تاکہ وہ دوحا کو حماس کی حمایت جاری رکھنے کے لئے قائل کریں۔

ہفتے کے روز لیبرمین نے اسرائیلی ٹی وی کے چینل 12 کو انٹرویو دیتے ہوئے کہا تھا کہ موساد کے سربراہ اور سدرن کمانڈ کے کمانڈر (اسرائیلی فوج کے جنرل ، ہرزلی ہالوی) نے نیتن یاہو کی ہدایت دو ہفتے قبل قطر کا دورہ کیا تھا اور 30 مارچ کے بعد قطر کو حماس کو فنڈز کی فراہمی جاری رکھنے کا مطالبہ کیا تھا۔ قطر نے 30 مارچ کو قطر والے فنڈز روکنے کا ارادہ کر لیا تھا۔

قابل ذکر ہے کہ اسرائیلی موساد کے سربراہ یوسی کوہن اور اسرائیلی فوج میں جنوبی علاقے کی کمانڈر ہرزلی ہلیوی نے گذشتہ فروری میں دوحا کا خفیہ دورہ کیا تھا۔ یہ دورہ 24 گھنٹے جاری رہا۔اس میں قطری شخصیات سے ملاقات کے ساتھ قطری انٹلیجنس کے سربراہ اور قومی سلامتی کے مشیر سے ملاقات کی گئی تھی۔ موساد کے سربراہ کا دوحا کا چھ ماہ میں دوسرا دورہ ہے۔

ایک نظر اس پر بھی

نوید ائیکری بھٹکل کمیونٹی جدہ کے نئے جنرل سکریٹری منتخب، عبدالمُعیز جوکاکو بنے نئے سکریٹری

نوید حسن ائیکری بھٹکل کمیونٹی جدہ کے نئے جنرل سکریٹری اور عبدالمعیز جوکاکو نئے سکریٹری  منتخب ہوگئے  ہیں، اس بات کی اطلاع بھٹکل کمیونٹی جدہ کے صدر جناب عبدالسلام دامدا ابو نے دی ہے۔

سعودی عرب نے ہندوستان پر لگائی سفری پابندی

ہندوستان میں کورونا انفیکشن بے قابو ہوتا ہوا نظر آ رہا ہے۔ روزانہ تقریباً ایک لاکھ مریض سامنے آ رہے ہیں اور کورونا مریضوں کی تعداد کے معاملے میں ہندوستان دنیا میں دوسرے نمبر پر ہے۔

بحرین کی اسرائیل سے ڈیل،علاقائی سلامتی کو تقویت ملے گی: شیخ سلمان کی نیتن یاہو سے گفتگو

بحرین کے ولی عہد شیخ سلمان بن حمد آل خلیفہ نے اسرائیلی وزیراعظم بنیامین نیتن یاہو سے ٹیلی فون پر بات چیت کی ہے۔انھوں نے عالمی سلامتی اور امن کو مضبوط بنانے اور امن ، استحکام اور خوش حالی کے فروغ کے لیے مسلسل کوششیں جاری رکھنے کی ضرورت پر زوردیا ہے۔

سعودی عربیہ کے طائف میں کار حادثہ کا شکارایک نوجوان جاں بحق، دوسرا شدید زخمی

یہاں سے قریب  35 کلو میٹر دور گولی ہوڑے کا ایک نوجوان سعودی عربیہ کے طائف میں ہوئے سڑک حادثہ میں جاں بحق ہوگیا جس کی شناخت  افتخار مٹّا (33) کی حیثیت سے کی گئی ہے۔ حادثے میں گنگولی کا رہنے والا ایک شخص جس کی شناخت مالی سرفراز (43) کی حیثیت سے کی گئی ہے شدید زخمی ہوا ہے جسے طائف کے کنگ ...