غزہ کی پٹی سے ایک بار پھر اسرائیل پر راکٹ حملہ
دبئی،25اپریل (آئی این ایس انڈیا) ہفتہ کی شام غزہ کی پٹی کے شمال سے کئی راکٹ اسرائیل کی سمت داغے گئے۔
اسرائیلی آئرن ڈوم سسٹم نے کم از کم ایک راکٹ کو سدیروت کی بستی کے اوپر فضا میں تباہ کر دیا۔ ایک راکٹ کھلے علاقے میں سرحدی باڑ کے نزدیک گرا۔ اس دوران میں جنوبی اسرائیل میں واقع یہودی بستیوں کے اندر خطرے کے سائرن بجنا شروع ہو گئے۔
اسرائیلی میڈیا کے مطابق اسرائیلی فوج نے حالیہ راکٹ حملوں کے بعد ملک کے جنوب میں آئرن ڈوم سسٹم کو مضبوط بنانے کا فیصلہ کیا ہے۔
اسرائیلی فوج کے مطابق جمعے اور ہفتے کی درمیانی شب غزہ کی پٹی سے درجنوں راکٹ جنوبی اسرائیل پر داغے گئے۔ اس کے جواب میں اسرائیلی فوج نے غزہ کی پٹی پر فضائی حملے کیے۔
غزہ کی پٹی یا اسرائیل میں کسی کے ہلاک یا زخمی ہونے کی رپورٹ نہیں ملی۔
حالیہ دو طرفہ کارروائیوں نے کئی ماہ سے اسرائیل اور غزہ کی پٹی کے بیچ سرحد پر نسبتاًکئی ماہ کی خاموشی کو ختم کر دیا۔
اسرائیلی فوج نے ایک بیان میں بتایا ہے کہ چیف آف اسٹاف افیف کوخافی نے ممکنہ واقعات و پیش رفت کے سبب اپنا اتوار کے روز واشنگٹن کا مقررہ دورہ مؤخر کر دیا ہے۔
