بھٹکل مسلم جماعت بحرین کے انتخابات کے بعد نئے عہدیداران کا انتخاب؛ اسحاق پلور صدر اور سرفراز محتشم جنرل سکریٹری منتخب
بھٹکل/بحرین 18/ستمبر (ایس او نیوز/محمد اطہر پیرزادے) گذشتہ روز ہوئے عام انتخابات کے بعد بھٹکل مسلم جماعت بحرین کے لئے نئے عہدیداران کا انتخاب عمل میں آیا ہے جس میں متفقہ طور پر جناب محمد اسحاق پلور صدر اور جناب سرفراز احمد محتشم جماعت کے نئے جنرل سکریٹری منتخب ہوئے۔
جناب محمد اسحاق پلور صاحب قریب دس سالوں سے بحرین میں مقیم ہیں اور ابتداء سے ہی جماعت سے جُڑے ہوئے ہیں۔ موصوف جماعت میں نائب صدر کے ساتھ ساتھ نائب سکریٹری کے طور پر بھی خدمات انجام دے چکے ہیں۔انہوں نے ابتدائی تعلیم ابوظبی میں حاصل کی تھی، پھر بھٹکل میں شمس اور انجمن کے بعد انہوں نے مینگلور سینٹ الوشیس کالج سے ڈگری مکمل کیا تھا۔ جنرل سکریٹری منتخب ہونے والے جناب سرفراز احمد محتشم قریب پانچ سالوں سے بحرین میں مقیم ہیں یہ بھی ابتداء سے ہی جماعت سے جُڑے ہوئے ہیں۔ سرفراز نے بھٹکل انجمن سے ایم بی اے کیا ہے۔
میٹنگ کا آغاز جناب محمد شکیل مصباح کی ضیافت میں عشائیہ سے ہوا۔ جناب محمد اطہر پیرزادے کی قرأت کے بعد الیکشن کمشنر محمد شکیل مصباح صاحب کی صدارت میں عہدیداران کا انتخاب عمل میں آیا۔ کُل ۱۷ نو منتخب ممبران میں سے ۱۶ ممبران شریک رہے اور متفقہ رائے سے مندرجہ ذیل عہدیداران کا انتخاب عمل میں آیا۔
صدر - جناب محمد اسحاق پلور، نائب صدر- جناب احمد ضیأ محتشم ، جنرل سکریٹری - جناب سرفراز احمد محتشم، سکریٹری اوّل -جناب عبدالفتاح خلیفہ، سکریٹری دوم - جناب محمد معین خلیفہ، محاسب - جناب عبدالقادر جیلانی کوبٹّے، خازن - جناب یحییٰ محتشم
خیال رہے کہ بھٹکل مسلم جماعت بحرین ہر دو سال کی میعاد کے بعد نئی انتظامیہ و عہدیداران کا انتخاب کرتی ہے۔19 اراکین پر مشتمل بحرین جماعت کے لئے پانچ ممبران کو سبکدوش ہونے والی انتظامیہ سے چنا جاتا ہے ، 12 ممبران سالانہ جلسہ کے بعد عام انتخابات کے ذریعہ منتخب کئے جاتے ہیں جبکہ 2 ممبران کو نو منتخب صدر کے خصوصی حق کے ذریعہ انتظامیہ میں شامل کیا جاتا ہے۔ اس بار جناب محمد عاصم رکن الدین اور جناب عبدالواجد نائطے کو صدر کے خصوصی حق سے جماعت میں شامل کیا گیا ہے۔اس طرح حالیہ انتظامیہ ممبران کے نام یہ ہیں: جناب محمد الطاف مصباح، جناب یحییٰ محتشم، جناب محمد شکیل مصباح، مولوی عبدالرزاق خلیفہ ، جناب عبدالقادر جیلانی کوبٹے، جناب محمد اسحاق پلّور، جناب احمد ضیأ محتشم، جناب سرفراز احمد محتشم، جناب عبدالفتّاح خلیفہ، جناب محمد معین خلیفہ، جناب محمد اطھر پیرزادے، مولوی محمد اظہرالدین آر مار ، جناب محمد مصیب پٹیل، جناب محمد شعیب افریقہ، جناب محمد صابر محتشم، جناب ضرار قاسمجی ، جناب روشن جمیل ارمار، جناب محمد عاصم رکن الدین ، جناب عبدالواجد نائطے