ایشانت شرما ٹسٹ کرکٹ میں 100 ٹسٹ کھیلنے والے 11 ویں ہندوستانی کھلاڑی

Source: S.O. News Service | Published on 21st February 2021, 9:28 PM | اسپورٹس |

احمد آباد،21؍فروری(ایس او نیوز؍ایجنسی) ہندوستانی ٹیم کے سب سے تجربہ کار تیز گیند باز ایشانت شرما ٹیسٹ کرکٹ میں 100 ٹیسٹ کھیلنے والے ہندوستان کے 11 ویں کھلاڑی بننے جا رہے ہیں۔ انگلینڈ کے خلاف سردار پٹیل اسٹیڈیم میں بدھ کے روز ہونے والے تیسرے ٹیسٹ میں کھیلنے کے ساتھ ہی ایشانت شرما یہ ریکارڈ حاصل کرلیں گے۔ ایشانت نے سیریز کے دوسرے میچ میں 300 وکٹیں مکمل کیں اور یہ کارنامہ انجام دینے والے وہ چھٹے ہندوستانی گیند باز بنے تھے۔

دہلی سے تعلق رکھنے والے ایشانت نے اپنے ٹیسٹ کیریئر کا آغاز ڈھاکہ میں بنگلہ دیش کے خلاف راہل دراوڑ کی کپتانی میں 2007 میں کیا تھا۔ اگر ایشانت 24 فروری سے احمد آباد کے موٹیرا کرکٹ اسٹیڈیم میں تیسرے ٹیسٹ میں کھیلتے ہیں تو یہ ان کا 100 واں ٹیسٹ میچ ہوگا اور وہ لیجنڈ کپل دیو کے بعد یہ ریکارڈ حاصل کرنے والے دوسرے تیز گیند باز بن جائیں گے۔

32 سالہ ایشانت نے انگلینڈ کے خلاف موجودہ سیریز کے دوسرے ٹیسٹ میچ میں 'وکٹوں' کی ٹرپل سنچری مکمل کی۔ ایشانت نے 99 ٹیسٹ میں 302 وکٹیں حاصل کیں۔ اس دوران اننگز میں ان کی بہترین گیند بازی 74 رنز کے عوض 7 وکٹیں ہیں۔ انہوں نے 11 اننگز میں 5 وکٹیں حاصل کی ہیں۔

ہندوستان کی جانب سے سچن تیندولکر (200)، راہل دراوڑ (163)، وی وی ایس لکشمن (134)، انل کمبلے (132)، کپل دیو (131)، سنیل گواسکر (125)، دلیپ وینگسرکر (116)، سوربھ گانگولی (113)، وریندر سہواگ (103) اور ہربھجن سنگھ (103) شامل ہیں۔

ایک نظر اس پر بھی

ٹی-20 ورلڈ کپ: پاکستان نے ہندوستان کو 10 وکٹوں سے شکست دی

پاکستان نے اپنے اوپنرز کپتان بابر اعظم (ناٹ آؤٹ 68) اور محمد رضوان (ناٹ آؤٹ 79) کی شاندار نصف سنچریوں اور 152 رنوں کی ریکارڈ اوپننگ پارٹنرشپ کی مدد سے آئی سی سی ٹی-20 ورلڈ کپ میں ہندوستان کو یکطرفہ انداز میں 10 وکٹوں سے شکست دے کر ورلڈ کپ میں مسلسل پانچ میچوں میں شکست کھانے کا سلسلہ توڑ ...

ٹی۔ 20 ورلڈ کپ: جنوبی افریقہ کو پانچ وکٹوں سے شکست دے کر آسٹریلیا کا فاتحانہ آغاز

آسٹریلیا نے ہفتہ کے روز اپنے گیندبازوں کی شاندار کارکردگی کی بدولت یہاں ٹی 20 ورلڈ کپ 2021 کے افتتاحی میچ میں جنوبی افریقہ کو پانچ وکٹوں سے شکست دے کر پورے پوائنٹس حاصل کئے۔ آسٹریلیا نےجنوبی افریقہ کو گروپ 1 کے اس مقابلے میں نو وکٹوں پر 118 رن کے معمولی اسکور پر روکنے کے بعد 19.4 اوور ...

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...