نئی دہلی،22/جولائی (ایس او نیوز/ آئی این ایس انڈیا) ہندوستان اس وقت کہیں خشک سالی کی مار جھیل رہا ہے تو کہیں سیلاب سے لاکھوں لوگوں کے گھر تباہ ہو گئے ہیں۔ ہندوستان کے جنوبی علاقوں میں پینے کے پانی کا مسئلہ ہر سال موسم گرما میں سامنے آتا ہے۔ لیکن اب ہندوستان میں پانی کی کمی کولے کرایک رپورٹ میں حیران کرنے دینے والی بات کہی گئی ہے۔اس کو لے کر اب فلم انڈسٹری کے مشہور ڈائریکٹر انوراگ کشیپ  نے ٹویٹ کیا ہے، جو سوشل میڈیا پر کافی وائرل ہو رہا ہے۔انوراگ کشیپ نے اپنے ٹویٹس میں ملک کی حکومت کوجگانے کی کوشش کی ہے۔انہوں نے پی ایم او کو اپنے پوسٹ میں ٹیگ کرتے ہوئے لکھاکہ یہ وقت جاگنے کا ہے۔بالی ووڈکو کئی بہترین فلمیں دینے والے ڈائریکٹر انوراگ کشیپ کی پوسٹ کو سوشل میڈیا پر اچھا رسپانس مل رہا ہے۔رپورٹ کے مطابق بارش نہ ہونے کی وجہ سے اور درجہ حرارت بڑھنے کی وجہ سے اگلے سال یعنی 2020 تک ہندوستان کے تقریباً21 شہروں میں گراؤنڈ واٹر نہیں بچے گا، وہیں یہ اندازہ لگایا جا رہا ہے کہ سال 2030 تک ملک کے 40 فیصد حصے میں پینے کا پانی ختم ہو جائے گا۔ اس رپورٹ کو شیئر کرتے ہوئے انوراگ کشیپ نے تشویش ظاہر کی ہے۔رپورٹ میں یہ بھی انکشاف ہوا کہ پانی کے مسائل سے دوچارہونے والا ہندوستان 122 ممالک میں سے 120 ویں مقام پر آتا ہے۔ڈائریکٹر انوراگ کشیپ کے اس پوسٹ پر لوگ خوب ریکٹ کر رہے ہیں اور تشویش ظاہر کر رہے ہیں۔