عراق: دیالی صوبے کی خاتون رکن پارلیمنٹ کرونا سے جاں بحق

Source: S.O. News Service | Published on 11th July 2020, 10:07 PM | عالمی خبریں |

بغداد،11؍جولائی(ایس او نیوز؍ایجنسی)عراق میں کرونا کا شکار دیالی صوبے کی خاتون رکن پارلیمنٹ غیدا کمبش گذشتہ روز وبا سے لڑتے ہوئے انتقال کرگئی۔

العربیہ ڈاٹ نیٹ کے مطابق غیدا سعید عبدالمجید عبدالحسین کمبش 1974ء کو بغداد میں پیدا ہوئیں۔ وہ اعلیٰ تعلیم یافتہ عراقی سیاست دانوں میں شمار کی جاتی تھیں۔ انہوں نے سیاسیات میں ڈاکٹریٹ کی ڈگری حاصل کر رکھی تھی۔ کمبش سنہ 2010ء کو عراقی پارلیمنٹ کی رکن منتخب ہوئیں۔

قبل ازیں عراقی پارلیمنٹ کے اسپیکر محمد الحلبوسی نے چھ ارکان پارلیمنٹ کے کرونا کا شکار ہونے کی تصدیق کی تھی۔

عراق میں حالیہ ہفتوں کے دوران کرونا کی وبا تیزی کے ساتھ پھلی ہے۔ عراقی حکومت نے وبا کی روک تھام کے لیے موثر اقدامات کیے ہیں۔ فضائی سروس اور تعلیمی ادارے بند ہیں۔

عراق میں وزارت صحت کے مطابق جمعرات کے روز 2170 افراد کرونا کا شکار ہوئے۔ جب کہ ایک سو تین افراد کی وفات کی تصدیق کی گئی۔ عراق میں کرونا کے مجموعی متاثرین کی تعداد 69612 ہے جبکہ 2882 افراد ہلاک ہوچکے ہیں۔

ایک نظر اس پر بھی

اسپیس ایکس ڈریگن نے خلیج میکسیکو میں اتر کر تاریخ رقم کردی

ناسا اور اسپیس ایکس کاڈریگن کریو اینڈیور نے اتوار کی سہ پہر خلیج میکسیکو میں لینڈ کرکے تاریخ رقم کردی۔ اسپیس ایکس نے اپنے ٹویٹر ہینڈل پر اس سے منسلک ایک ویڈیو جاری کی ہے جس میں ناسا کے دو خلابازوں کو اسپلیش ڈاؤن (پیراشوٹ سے اترنے) کا مظاہرہ کرتے ہوئے دیکھا جاسکتا ہے۔خلائی جہاز ...

ترکی عرب امور میں مداخلت سے باز رہے: متحدہ عرب امارات کا انتباہ

متحدہ عرب امارات نے  لیبیا سے متعلق ترکی کے بیان کا سخت نوٹس لیتے ہوئے ترکی کو کہا ہے کہ وہ عرب ممالک کے امور میں مداخلت کرنے سے باز رہے۔متحدہ عرب امارات کے وزیر مملکت برائے خارجہ امور انور قرقاش نے سلطنت عثمانیہ کا حوالہ دیتے ہوئے کہا کہ ترکی اب اس دور کی طرح کا رویہ اختیار ...

ہالينڈ ميں برقع پر پابندی کا ايک سال، مسلمانوں کو تشدد اور امتيازی رويوں کا سامنا

ايمسٹرڈيم کے مغربی حصے ميں بوس اين لومرپلائن چوراہے پر کھڑی عمارہ الگ ہی دکھائی ديتی ہے۔ اس نے برقع پہن رکھا ہے، جو بارش ميں بھيگ چکا ہے۔ عمارہ کہتی ہے، ''لوگ سمجھتے ہيں کہ يہ برقع ميں اپنے خاوند کے کہنے پر پہنتی ہوں مگر جب ميں نے برقع پہننا شروع کيا، اس وقت ميں غیر شادی شدہ ...

اسرائیل میں کورونا کو لے کر ہوئی بدعنوانی کاالزام عائد کرتے ہوئے نیتن یاہو حکومت کے خلاف زبردست احتجاجی مظاہرہ

اسرائیلی وزیراعظم بنجامن نیتن یاہو کے خلاف مرکزی یروشلم میں ہزاروں افراد نے احتجاجی مظاہرہ کیا اور کورونا وائرس  کو لے کر مبینہ طور پر ہوئی بدعنوانی کا الزام عائد کرتے ہوئے انہیں اقتدار سے ہٹنے کی مانگ کی۔ اخباری ایجنسیوں کی رپورٹ کے مطابق   نیتن یاہو حکومت کے خلاف 10 ہزار سے ...